3. Кесәлликләр
«Жуқумлуқ кесәлләр» (ЛУҚА 21:11).
● Африкидики ички уруш патқиқиға патқан бир дөләттә Бонзали исимлиқ аммивий сағламлиқ ишлири әмәлдари өз йезисида марбург вирусидин жуқумлинип өлүватқан кан ишчилириға ярдәм беришкә тиришқан еди. Амма униң қолидин көп иш кәлмигән. Униң чоң шәһәрдики әмәлдарлардин сориған ярдими җавапсиз қалди. Ахири төрт айдин кейин ярдәм кәлгән, бирақ бу вақитта Бонзали аллиқачан өлүп кәткән еди. Чүнки у канчиларни қутқузимән дәп өзи марбург вирусидин жуқумланған.
ДӘЛИЛ-ИСПАТЛАР НЕМИНИ КӨРСИТИДУ? Пәқәт 2004-жилниң ичидила өпкә яллуғи, ич сүрүш, СПИД (әйдиз кесили), сил кесили вә бәзгәк қатарлиқ хәтәрлик кесәлликләр сәвәплик тәхминән 10 миллион 700 миң киши һаятидин айрилған. Башқичә ейтқанда, бир жил ичидә һәр үч секундта бир адәм өлгән.
КӘҢ ТАРҚАЛҒАН КӨЗҚАРАШ. Дуния нопуси күндин-күнгә көпәйгәчкә, кесәлгә гириптар болидиғанларниң саниниң көпийиши һәйран қаларлиқ әмәс.
БУ ҺӘҚИҚӘТӘН ШУНДАҚМУ? Раст, дуния нопуси һәқиқәтән көпәймәктә. Амма кесәлликләрни ениқлаш, назарәт қилиш вә давалашта адәмләр көп утуқларға еришиватиду. Мәнтиқийгә уйғун пикир жүргүзсәк, илим-пән йүксәк дәриҗидә тәрәққий қиливатқан дәвирдә кесәлликләр азийип, саламәтликкә тәсири қилалмайдиған һаләткә келиши керәк әмәсму? Лекин кесәлгә гириптар болғанларниң сани азийишниң орниға, улар техиму көпәймәктә.
СИЗ ҚАНДАҚ ОЙЛАЙСИЗ? Муқәддәс китапта ейтилғандәк, адәмләр жуқумлуқ кесәлләр түпәйлидин қаттиқ азап-оқубәт чекиватамду?
Йәр тәврәшләр, ачарчилиқ вә кесәлликләр миллионлиған инсанларға зиян селиватқан балаю апәтләрдур. Буниңдин башқа, көплигән адәмләр өз йеқинлири тәрипидин азап-оқубәтләргә дучар боливатиду, һәтта уларни қоғдашқа тегишлик кишиләр уларға зиянкәшлик қиливатиду. Кейинки мақалидә бу тоғрилиқ Муқәддәс китапта немиләр бәшарәт қилинғанлиғини билисиз.
[6-бәттики қистурма]
Шир яки башқа жиртқуч һайванға йәм болуш бәк қорқунучлуқ. Бирақ ичиңиздин қандақту бир жуқумлуқ кесәлгә йәм болуш техиму қорқунучлуқ. Бундақ ишларни әтрапимиздики адәмләр бешидин өткүзүватиду. (ВАБА КЕСӘЛЛИКЛИРИ САҺАСИДИКИ ТӘТҚИҚАТЧИ МАЙКЛ ОСТЕРХОЛМ)
[6-бәттики рәсим рухсити билән]
© William Daniels/Panos Pictures