4. Инсанлар көйүмсиз болиду
«У чағда, инсанлар... көйүмсиз... болиду» (ТИМОТИЙҒА 2-ХӘТ 3:1—3, ҺЗ)
● Шималий Уэльс өлкисидики Крис исимлиқ киши аилисидә зораванлиққа учриғанларға ярдәм беридиған бир орунда ишләйду. У мундақ дәйду: «Бир аялниң кәлгини есимдә. У илгири биздин ярдәм сориған еди. Уни шунчилик қаттиқ урувәткәнки, һәтта бу қетим уни көргәндә тоналмай қалған едим. Башқа аялларниң қәлби шунчилик җараһәтләнки, һәтта улар бешини көтүрүп, адәмләргә қараштин уюлиду».
ДӘЛИЛ-ИСПАТЛАР НЕМИНИ КӨРСИТИДУ? Африкидики бир дөләттә аялларниң тәхминән үчтин бири балилиқ чеғида җинсий хорлуққа учриған. Шу дөләттә хәлиқ арисида елип берилған тәкшүрүш асасланғанда, әрләрниң үчтин бири өз аяллирини урушни аддий бир иш дәп қарайду. Бирақ аилиләрдә аилә зораванлиғиниң қурбани пәқәт аяллар әмәс. Мәсилән, Канадада тәхминән 30 процент әрләр өз аяллири тәрипидин хорлашқа учрайду.
КӘҢ ТАРҚАЛҒАН КӨЗҚАРАШ. Аилидә зораванлиққа учраш бурунму болған. Бирақ бу мәсилигә бүгүнки күндә бурунқиға қариғанда, көпирәк көңүл бөлүниватиду.
БУ ҺӘҚИҚӘТӘН ШУНДАҚМУ? Раст, йеқинки нәччә он жил ичидә бу мәсилә пат-пат тилға елиниватиду. Көпчилик буниңдин хәвәрдәр болди. Амма аилә аилә зораванлиғиниң сани азайдиму? Яқ, азайғини йоқ. Әксинчә, аилидә зораванлиққа учраш вақиәлири техиму көпийип кетиватиду.
СИЗ ҚАНДАҚ ОЙЛАЙСИЗ? Тимотийға 2-хәт 3:1—3 айәттики пәйғәмбәрлик сөзләр әмәлгә ешиватамду? Нурғун аилиләрдә меһир-муһәббәтниң совуп кәткәнлигини байқаватамсиз?
Кейинки мақалидә биз Муқәддәс китаптики макан-җайимиз болған йәр шари билән мунасивәтлик һазир әмәлгә ешиватқан бәшинчи бәшарәтни көрүп чиқимиз.
[7-бәттики қистурма]
«Аилидики зораванлиқ вақиәлири һәққидики статистика мәлумати җәмийәттә елан қилинмиған җинайәтләрниң бири дәп қарилиду. Оттура һесап бойичә аял тәхминән 35 қетим ери тәрипидин зораванлиққа учриғандин кейинла сақчиханиға мәлум қилидикән».(УЭЛЬС ӨЛКИСИДИКИ АИЛӘ ЗОРАВАНЛИҒИҒА УЧРИҒАНЛАРНИ ҚОҒДАШ ОРНИНИҢ ВӘКИЛИ).