Ибадитимиздики йеңи нахшилар!
1 2014-жили 4-октябрьда Күзәт мунариси, Муқәддәс Китап вә варақчилар җамаитиниң (Пенсильвания) өткән жиллиқ учришишида нахша китавини қайтидин қараштуруш қарари елан қилинди. Бу һәқиқәтән яхши йеңилиқ! Ибадитимиздә Падишалиқ тоғрисидики нахшилар муһим рольни атқурудиғанлиғи һәққидә барлиқ қатнашқучиларға әсләтти (Зәб. 96:2).
2 Мүмкин сиз: «Нахша китавини қайтидин қарап чиқишниң немә һаҗити бар?» — дәп ойлайдиғансиз. Буниңға бирнәччә сәвәп бар. Биринчидин, Язмиларға тегишлик чүшәнчимиз барғансири йоруватиду, бу нахшилиримизниң сөзлиригиму тәсир қилиши мүмкин (Пәнд н. 4:18). Йәнә бир сәвәви — һазирқи нахша китавидики сөзләр билән ибариләр «Муқәддәс Китап. Йеңи дуния тәрҗимисиниң» (ингл.) өзгәртилгән нәшридин әмәс, авалқи нәшридин елинған. Нахшиниң сөзлирини йеңилаш үчүн чоң иш қилиш керәклигидин, йеңи бирнәччә нахша қошуш уюштурулди.
3 Йеңи нахша китавини қолумизға алмиғичә, уларни орунлимай күтүп туруш керәкму? Яқ. Йеқин арида йеңи нахшиларниң jw.org сайтимизға селинғанлиғи һәққидә яхши хәвәр ейтқумиз келиду. Йеңи нахша чиққандин кейин хизмәт учришишниң ахирида «йеңи нахша» дегән әскәртмә берилиду.
4 Йеңи нахшиниң үгиниш усуллири. Йеңи нахшини үгиниш қийин болуши мүмкин. Бизму зәбур язғучисиға охшаш учришишларда жим-жит турмай нахша ейтқумиз келиду (Зәб. 30:12). Мана бир нәччә мәслиһәт:
Нахшиниң пианинода челинғинини һәм йезилғинини қайта-қайта тиңшаң. Улар сайтимизға селиниду. Аһаңни қанчә нурғун тиңшисиңиз, уни әстә сақлап қелиш оңай болиду.
Сөзлирини оқуп, уларни ядқа елишқа тиришиң.
Нахшини музыка билән ейтип көрүң. Яхши үгинивалмиғичә қайтилавериң.
Аиләвий ибадәттә йеңи нахшилар әстә қалмиғичә қайтилавериң.
5 Келәрки айларда хизмәт учришишиниң кәштисигә киргүзүлгән йеңи нахшиларни жиғинда пианино челинғини билән бир қетим тиңшаң. Андин кейин уни бирликтә ейтайли.
6 Мошу тәрәптин ойланғанда, учришишлиримизда Йәһвани нахша арқилиқ һәммимиз бир еғизда мәдһийилигүмиз келиду. Шуниң үчүн учришишлиримизда нахша ейтилидиған вақитта сәвәпсиз орнимиздин кетишимизни адәткә айландурмайли.
7 Хасийәтлик музыкимизға разилиғимизни көрситишниң башқа йоллириму бар. Адәттә конгрессларда һәрбир бөлүм башлиништин авал музыка қоюлиду. Ибадитимиздә пайдилинидиған чирайлиқ музыкини нәшир қилиши үчүн, жилда икки қетим дунияниң һәр тәрипидин бурадәрләр Паттерсонға (Нью-Йорк) өз пуллирини хираҗәт қилип, келиду. Шу сәвәптин конгресс рәиси орунлиримизға олтурушқа һәм оркестр тәйярлиған музыкини тиңшашқа тәклип қилғанда, униңға қулақ салайли. Шу чағда программини қобул қилиш үчүн өз жүригимизни тәйяр қилалаймиз (Әзра 7:10).
8 Бүгүн учришишниң ахирида «Падишалиқ орнитилди. У кәлгәй!» — дәп аталған йеңи нахшини орунлаймиз. Йеқинда өткән жиллиқ учришишта ейтилған бу нахша Падишалиқниң 100 жиллиғиға беғишлап йезилған.
9 Йеңи нахшилар Йәһвадин кәлгән «яхши нәрсә» екәнлиги раст (Мәт. 12:35а). Әнди Худайимизға мәдһийә билән шан-шәрәп әкелидиған йеңи нахшиларни үгинип, чин жүрәктин орунлашқа мәхсәт қояйли (Зәб. 147:1).