Җасурлуқ әта қилидиған Падишалиқ нахшилири

Паул билән Силас түрмидә олтуруп, Худани нахшиларда мәдһийилиди (Әлч 16:25). Бизниң күнлиримиздиму қериндашлар нацист Германиядики Заксенхаузен мәһбуслар лагерида вә Сибериягә сүргүн қилинғанда, Падишалиқ нахшилирини ейтқан. Бу болса, нахшилиримизниң синаққа дуч кәлгән мәсиһийләргә җасурлуқ беридиған күчиниң барлиғини испатлайду.

«Йәһваға хурсәнлик билән нахша ейтайли!» дәп атилидиған инглиз тилидики йеңи нахша китави пат арида башқа тиллардиму йоруқ көриду. Қолумизда қандақ нахша китави болмисун, нахшиларни аиләвий ибадәттә ейтип, сөзлирини ядлавелишқа тиришайли (Әф 5:19). Шу чағда, синаққа дуч кәлгәндә, Муқәддәс роһ уларни есимизға чүшириду. Падишалиқ нахшилири бизгә көзүмизни үмүтүмизгә тикләшкә ярдәм берип, җенимиз қийналғанда роһумизни көтириду. Әһвалимиз яхши болған чағда, роһумизни көтиридиған нахшиларни ечип, қәлбимиз хошаллиққа толғанлиқтин, хурсәнлик билән нахша ейтсақ болиду (Т1я 15:16; Зб 33:1—3). Ундақта, Падишалиқ нахшилиримизни яхши пайдилинишқа бәл бағлайли!

«ҚАРА ИШЧИЛАРНИҢ РОҺИНИ КӨТӘРГӘН НАХША» НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:

• Фрост бурадәрни нахша йезишқа немә дәвәт қилди?

• Бу нахша Заксенхаузен мәһбуслар лагеридики қериндашларниң роһини қандақларчә көтәрди?

• Падишалиқ нахшилири сизни күндилик һаятта қандақ мустәһкәмләләйду?

• Падишалиқ нахшиларниң қайсилирини ядлашни халайсиз?