Худа Сөзиниң күчи күндилик һаятиңизда көрүнәмду?

Муқәддәс китапни оқуш бизгә «йилтиз тартип», етиқатта «мустәһкәмлинишкә» ярдәм берәләйду (Кол. 2:6, 7). Лекин Худа Сөзиниң күчи күндилик һаятимизда көрүниши үчүн, биз униң үстидин мулаһизә қилип, принциплириға риайә қилишимиз керәк (Ибр. 4:12; Яқуп 1:22—25). Йәшуа 1:8дә оқушниң үч қәдәмдин ибарәт наһайити үнүмлүк бир усули берилгән: 1) Худа Сөзини «кечә-күндүз» оқуш. 2) Уни «пәс авазда» (ЙД), йәни биз мулаһизә қилип, йезилған вақиәләрни тәсәввур қилалишимиз үчүн алдирмай оқуш. 3) «Униң ичидә пүтүлгәнниң һәммисини» сәмимий орунлаш. Бу мәслиһәтләрни әмәлийәттә қоллиниш «йоллиримизни саадәтлик» қилип, күндилик һаятимизда «раваҗлиқ болушимизға» мүмкинчилик бериду.