Хуш хәвәрни җакалашта хошаллиқ тепиң

Сизгә қачанду бир вақитта вәз қилишқа қийин болғанму? Көплири бу соалға «һә» дәп җавап берәтти. Немишкә? Бәлким, биз дайим бепәрвалиқ яки участкимизда қаршилиқ билән учришимиз яки натонуш адәмләргә сөз қилиштин қорқидиғандимиз. Әлвәттә, бу нәрсиләр бизниң хошал болушимизға тосалғу болуши мүмкин. Шундақ болсиму, биз хошаллиқ билән хизмәт қилишимизни халайдиған бәхитлик Худаға ибадәт қилимиз (Зб 100:2; Т1х 1:11). Вәз хизмитидин һузурлинишқа ярдәм беридиған үч сәвәпни қараштурайли.

Биринчиси — биз үмүт беридиған хәвәрни җакалаймиз. Һәтта һазир көп адәмләрдә үмүт йоқ болсиму, биз җакалаватқан «хуш хәвәр» уларниң жүригини хатирҗәм қилалайду (Йша 52:7). Худа Падишалиғи һәққидә хуш хәвәр бизниму хошаллиққа ериштүрәләйду. Хизмәткә чиқиштин авал Худа Падишалиғиниң йәргә әкелидиған бәрикәтлири һәққидә мулаһизә қилиң.

Иккинчиси — хуш хәвәр адәмләргә җисманий вә роһий җәһәттин пайда әкелиду. Улар яман адәтлирини рәт қилип, мәңгү яшаш үмүтигә еришиду (Йша 48:17, 18; Рм 1:16). Өзүңизниң издәш-қутқузуш ишиға қатнашқанлиғиңизни тәсәввур қилип көрүң. Һәтта бәзи адәмләр қутқузулушни халимисиму, биз халиғанларни издәшни давамлаштуримиз (Мт 10:11—14).

Үчинчиси вә әң муһим сәвәви — бизниң хизмитимиз Йәһва Худани мәдһийиләйду. У әмгигимизни жуқури баһалайду (Йша 43:10; Иб 6:10). Униңдин ташқири, Йәһва бизгә мошу ишни орунлишимиз үчүн муқәддәс роһни мол бериду. Ундақта, муқәддәс роһниң мевиси болған хошаллиқни сорап, Йәһваға дуа қилиң (Гл 5:22). Униң ярдими билән өзүмизниң ғәм-әндишилиримиздин айрилип, җасурлуқ билән вәз қилалаймиз (Әлч 4:31). Шуңа территориямиздики адәмләрниң инкаси қандақ болсун, вәз ишимизда хошаллиқ тапалаймиз (Әзк 3:3).

«ТӘТҚИҚ ВӘ МУЛАҺИЗӘ ҚИЛИШ АРҚИЛИҚ ХОШАЛЛИҚҚА ҚАЙТА ЕРИШИҢ» НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:

• Һәр айда көп вәз қилсақму, роһий озуқлинишни немишкә биринчи орунға қоюшимиз керәк?

• Мэри қериндашқа қандақ тәқлит қилалаймиз?

• Худа Сөзи һәққидә мулаһизә қилиш үчүн қачан вақит чиқирисиз?

• Хуш хәвәрни ейтқанда сизни немә хошал қилиду?