Муқәддәс Китапта алдин ейтилған сөзләрниң әмәлгә ешиши

Муқәддәс Китап пәқәт өтмүштә йүз берип өткән һәқиқий тарихий вақиәләрни һекайә қилип қалмастин, йәнә кәлгүсидә немә иш йүз беридиғанлиғини ейтип бериду. Инсан кәлгүсидә немә боларини билмәйду. Бирақ, Муқәддәс Китапниң Худадин кәлгәнлигини билимиз. Ундақта, Муқәддәс Китап кәлгүси һәққидә немә дәйду?

Муқәддәс Китап кәлгүси һәққидә: “Худаниң бир мәйдан чоң уруши болиду; Худа бу урушта, йәр йүзидики барлиқ яманлиқ вә яманлиқ қилғучи кишиләрни йоқ қилиду, амма өзигә ибадәт қилғучиларни қоғдайду; Худаниң хизмәтчилири тиничлиқ вә хошал-хорамлиқтин бәһримән болуп, улар мәңгү кесәл болмай яки өлмәй яшайду, дегән вәдини Худа таллиған Падиша Әйса Мәсиһ әмәлгә ашуриду”, дәп хәвәр бериду.

Худаниң йәр йүзини йеңи бир җәннәт маканиға айландуридиғанлиғини ойлисақ, шәк-шүбһисизки, шат-хорамлиққа чөмүмиз, шундаққу?! Бирақ, бу җәннәттә яшаш үчүн бәзи ишларни қилишимиз зөрүр. Бу китапниң әң ахирқи һекайисидә, Худа өзигә ибадәт қилғучиларға тәйяр қилидиған яхши нәрсиләрдин бәһримән болуш үчүн, немә қилишимиз лазимлиғини үгинимиз. Ундақта, Муқәддәс Китап кәлгүси һәққидә немә ишни алдин ейтқанлиғини билиш үчүн, 8-қисимни оқуп бақайли.