Йәр йүзидики йеңи җәннәт

ҚАРАҢ, әву егиз дәл-дәрәқләр, гүл-гиялар вә тағ чоққилириға! Бу җайниң мәнзириси гөзәлмекән?! У буғиниң кичик балиниң қолидики нәрсини йәватқанлиғиға қараң. Ширлар билән атларниң әву отлақта биргә турғанлиғини көрдиңизму?! Шундақ гөзәл җайда яшашни халимамсиз?

Худа сизниң йәр йүзидики җәннәттә мәңгү яшишиңизни халайду. Бүгүнки күндә кишиләр ағриқ вә һәр хил кесәллик азаплирини тартиватиду. Амма, Худа сизниң ундақ азап-оқубәтләрни баштин кәчүрүшиңизни халимайду. Кәлгүсидә йеңи җәннәттә яшайдиған кишиләр үчүн, Муқәддәс Китап: “Худа улар билән болиду. Әнди өлүм әсла болмайду, жиға-зар, қайғу-әләмму болмайду. Илгирики ишлар өтүп кәтти”, дәп вәдә бериду.

Йәһва Худа мошу әҗайип өзгиришни Әйса Мәсиһ арқилиқ әмәлгә ашуриду. Қачан әмәлгә ашуриду, биләмсиз? Шундақ, у йәр йүзидики барлиқ яман ишлар вә яман адәмләрни йоқ қилғандин кейин. Есиңиздә барму, Әйса пәйғәмбәр йәр йүзидә болғанда, һәр хил ағриқ вә кесәлләрни сақайтқан, һәтта өлүкләрни тирилдүргән еди. Әйса Мәсиһ шу ишларни қилиш арқилиқ, у Худа Падишалиғиниң Падишаси болғанда, пүткүл йәр йүзидә өзиниң немә ишларни қилидиғанлиғини көрсәткән.

Йәр йүзидики йеңи җәннәттә болидиған бәхитлик турмушни көз алдиңизға кәлтүрүп беқиңа! Әйса Мәсиһ бәзи кишиләрни өзи билән асманда биргә һөкүмранлиқ қилишқа таллиған еди. Шу падишалар йәр йүзидики барлиқ инсанлардин хәвәр елип, уларни бәхит-саадәткә ериштүриду. Худаниң бизни йәр йүзидики йеңи җәннәттә мәңгүлүк һаятлиққа егә қилидиғанлиғиға ишәнч қилишимиз үчүн немә иш қилишниң зөрүр екәнлигини көрүп бақайли.