Җәннәт йеқин!

Һазир йәрдә болуватқан явузлуқниң һәммиси җәннәтниң йеқин екәнлигини көрситиватиду. Муқәддәс китапта җәннәт болидиғандин авал, биз дәһшәтлик вақитларни көридиғинимиз тоғрилиқ алдин-ала ейтилған. Һазир биз шундақ вақитта яшаватимиз! Мана алдин-ала ейтилған Муқәддәс китаптики гайбир көрүнүшләр:

Улуқ урушлар. “Бир милләт йәнә бир милләт билән уруш қилиду. Бир дөләт йәнә бир дөләткә һуҗум қилиду” (Луқа 21:10). Бу пәйғәмбәрлик орунланди. 1914-жилдин башлап икки дуниявий уруши вә көплигән кичик миқдардики урушлар болди. Бу урушларда миллионлиған адәмләр қирилди.

Кесәлләрниң тарилиши. “Жуқумлуқ кесәлләр тарқилиду” (Луқа 21:11). Бу сөзләр орундалдиму? Һә. Рак, жүрәк, сил кесәллири, бәзгәк, СПИД вә башқа кесәлләр миллионлиған адәмләрниң җенини елип кәтти.

Ғизаниң йетишмәслиги. Пүткүл йәр йүзидә ғиза йетишмәйдиған адәмләрму бар. Һәр жили миллионлиған адәмләр ачтин өлмәктә. Мошу һадисә йеқинда җәннәт болидиғанлиғиниң йәнә бир бәлгүси. Муқәддәс китапта ғиза йетишмәйдиғанлиғи тоғрилиқ ейтилған (Марк 13:8).

Йәр тәврәш. “Бир җайдин кейин йәнә бир җайда йәр тәврәшләр... йүз бериду” (Мәтта 24:7). Буму шундақла бизниң дәвримиздә рошән болуватиду. 1914-жилдин башлап миллиондин артуқ адәм йәр тәврәшләрдин һалак болди.

Зулум адәмләр. Адәмләр пулхумар вә өзлиринила яхши көрүдиған болиду. Улар Худаниң тәләплиригә әмәл қилиштин қариғанда өзлириниң раһитини үстүн көриду (Тимотийға 2-хәт 3:1—5). Сиз һазир көпинчә адәмләр һәқиқәтән әшундақ екәнлигигә келишмәмсиз? Уларниң Худаға һөрмити йоқ, амма Худа тоғрилиқ билим елишқа тиришқанларға җиддий тосалғулуқларни көрситиду.

Җинаәтчилик. Шундақла һоқуқсизлиқ көпийиду (Мәтта 24:12). Бир нәччә жил авалқиға қариғанда бүгүн көпирәк қилмишлар қилиниватқанлиғиға сиз бәлким келишидиғансиз. Қәйәрдә болмисун адәмләр булаңчилиқниң, ялғанчилиқниң вә башқа явузлиқниң қурванлири болуши мүмкин.

Буниң һәммиси Худа Падишалиғиниң йеқин екәнлигини көрситиватиду. Муқәддәс китапта мундақ дәп ейтилиду: “Мән бая дегән һадисиләрниң йүз беришидин Худа Падишалиғи намайән болушиға аз қалғанлиғини билисиләр” (Луқа 21:31). Худа Падишалиғи дегән немә? Бу Худаниң асман һөкүмити, у йәрни җәннәткә айландуриду. Худа Падишалиғи адимий һөкүмәтләрниң орнини басиду (Даниял 2:44).