Худани тонуш

СИЗ мәслиһәт издигиниңиздә, ишәнчилик бириниң қешиға бармамсиз? Әгәр тәклип пикирләр сиз ишинидиған биридин кәлсә, мәйли шу тәклип пикирләрдин дәрһалла пайда-мәнпийәткә еришиң яки еришмәң, шу тәклип пикирләр бойичә иш тутуп беқишқа йүзлинисиз. Әгәрдә сиз Муқәддәс Китаптики әмәлий ишлитилишчан мәслиһәтләрдин һәқиқәтән пайда-мәнпийәткә еришсиңиз, униң муәллипи билән чоқум тонушишиңиз лазим. Һәтта, сиз Униң билән “дост” болалишиңиз мүмкин! (Яқуп 2:23).

² Әгәр бир киши билән дост болушни арзу қилсиңиз, шәк-шүбһисизки у кишиниң исмини билгүңиз келиду. Муқәддәс Китапниң муәллипи болған Худаниң исми барму? Муқәддәс Китапта: “Өз ишини қилип вуҗутқа кәлтүрүп бир қарар қилип исми Йәһвә болған Рәб Худавәндә” дәп баян қилинған (Йәрәмия 33:2). Униң исми “Йәһвә” болса ибраний тилда הוהי (оңдин солға) дәп йезилған. Муқәддәс Китапниң ибраний тилида йезилған Тәврат вә Зәбур мәтинлиридә, бу исим 7000 қетимға йеқин учрайду. Бу муқәддәс исимниң мәнаси “У ким болушни халиса, шу болиду”, бу Йәһвәниң өз мәхситини әмәлгә ашуруш үчүн ким болушни халиса, шу болидиғанлиғини йошурун көрситип бериду. Йәнә, ибраний тилида Униң исми иш-һәрикәтниң орунлушуш басқучида боливатқанлиғини көрситидиған грамматикилиқ шәкилдә ипадиләнгән. Бу немини көрситиду? У бизгә Худаниң өз мәхситини әмәлгә ашуруш үчүн өтмүштә ким болушни халиса, шу болғанлиғи вә һазирму һәм ким болушқа тоғра кәлсә, шу боливатқанлиғини көрситиду. Худа у тирик Худадур, һәргизму әқил-парасәтсиз, һис-туйғусиз күч әмәс!

³ Йәһвә Яратқучи болған (Яритилиш 1:1). “У асман-зимин, деңиз-муһит вә униңдики барлиқ мәхлуқларни яратқан Худадур!” (Әлчиләр 14:15). Биринчи бир җүп инсан, Адәм ата билән Һава анини өз ичигә алған барлиқ мәвҗудатларни Йәһвә яратқан. Шуңа, Худа “һаятниң булиғи” (Зәбур 36:9). Йәнә У һаятни қоллап-қувәтлигүчи болған. Шуңа, “Шундақтиму У Өзиниң моҗутлуғини һемишәм испатлап кәлгән. У һемишәм һәммимизгә шапаәт қилип, ямғурни өз вақтида яғдуруп мол һосул беғишлап,рисқимизни берип, қәлбимизни хошаллиққа чөмдүрди” (Әлчиләр 14:17). Африка вә Азиядә, нурғун кишиләр әҗдатлири сәвәплик һаятлиққа еришкәч, әҗдатлириға тәшәккүр ейтип уларға чоқунишиду. Амма, биринчи бир җүп инсанни яритип, уларға пәрзәнт көрүп көпийиш ихтидарини ата қилған Яратқучи егә, һәм һаятимизни қоллап-қувәтлигүчи Худаға тәшәккүр ейтишқа техиму бәк қәриздармиз, шундақ әмәсму? Мошу чин һәқиқәтләр тоғрисда чоңқур ойлинип көрүң, нәтиҗидә сиз бәлким тохтимастин мундақ товлишиңиз мүмкин: “Пәрвәрдигаримиз вә Худайимиз! Шан-шәрәп, һөрмәт вә қудрәткә лайиқсән. Чүнки һәммини Сән яраттиң. Һәммә нәрсә хаһишиң билән яритилип вуҗутқа кәлди” (Вәһийләр 4:11).

⁴ Муқәддәс Китап арқилиқ Яратқучиңиз Йәһвәни тоналайсиз вә униң қандақ Худа екәнлиги тоғрисида үгинәләйсиз. Муқәддәс Китап, “Худа Өзи меһир-муһәббәттур” дәп ашкарилайду (Юһаннаниң 1-хети 4:16; Чиқиш 34:6, 7). Муқәддәс Китапниң Яритилиш қисмидин башлап Вәһийләргичә оқуғиниңизда, Худаниң һәқиқәтән меһир-муһәббәтлик екәнлигини һис қилип йетәләйсиз. Өз Яратқучиңизни көпирәк чүшинип беқиш үчүн һәр күни униң сөзини оқушни немә үчүн күндилик адитиңизгә айландуруп бақмайсиз? Муқәддәс Китапни пишшиқ билидиған бирсиниң ярдимидә, Муқәддәс Китапни әстаидил үгиниң (Әлчиләр 8:26—35). Шундақ қилип, Йәһвә адиллиқниң Худаси екәнлигини вә униң рәзилликләрниң мәңгү мәвҗут болуп турушиға йол қоймайдиғанлиғини көрүп йетәләйсиз (Тәкрар қанун 32:4). Адәмни елип ейтсақ, меһир-муһәббәт вә адиллиқ оттурисидики тәңпуңлуқни сақлаш асан әмәс; бирақ, Йәһвә өз әқил-парасити билән улар оттурисидики тәңпуңлуқни мукәммәл сақлайду (Римлиқлар 11:33; 16:27). Худа һәммигә қадир болғач, өз мәхситини әмәлгә ашуруш үчүн қандақ қилишни халиса, шундақ қилидиған күч-қудрәткә егә (Яритилиш 17:1). Муқәддәс Китаптики дана мәслиһәтләрни өз турмушиңизда әмәлий ишлитишкә тиришиң. Шундақ қилип Яратқучи егиңизгә техиму көп тәшәккүр ейталайсиз, шуниң билән биргә униң мәслиһәтлириниң дайим бизгә пайда-мәнпийәт елип келидиғанлиғини чүшинип йетисиз.

⁵ Худаға йеқинлишишниң йәнә бир усули бар. У болсиму дуга қилиш. Йәһвә у “дуани мустәҗаб [қобул] қилғучи” (Зәбур 65:2). У “улуқ күч-қудрити арқилиқ барлиқ тилигимиз вә ойлиғинимиздинму көп ишларни қилалайду” (Әфәсликләр 3:19, 20). Бирақ, “дост” пәқәт ярдәм керәк болғандила издәп кәлсә, сиз қандақ ойлишиңиз мүмкин? Бәлким шу дост сиздә яхши тәсир қалдурмаслиғи мүмкин. Шуниңға охшаш, сиз өзиңиздә бар болған дуга қилиш имтиязини пәқәт өзиңизгә керәклик нәрсиләрни тиләш үчүнла ишлитип қалмай, бәлки Униңға тәшәккүр ейтиш вә уни мәдһийләш үчүн һәм ишлитиң (Филипиликләр 4:6, 7; Салоникилиқларға 1-хәт 5:17, 18).