Ибадитимиз Худаниң көңлини қандақ хурсән қилалайду?

Алдинқи дәристә үгинип өткәндәк, Худа һәммила динни қобул қилмайду. Бирақ биз пәқәт бирла йол билән Яратқучимизға ибадәт қилиш арқилиқ Униң көңлини хурсән қилалаймиз. Ундақта, қандақ ибадәт қилсақ Униң көңли хурсән болиду? (Яқуп 1:27) Муқәддәс китапниң немә үгитидиғанлиғини көрүп бақайли.

1. Тоғра ибадәт қилишни нәдин үгинәләймиз?

Муқәддәс китап бизгә қандақ ибадәт қилишни үгитиду. Әйса Мәсиһ Яратқучи Худаға шундақ дегән: «Сениң сөзүң һәқиқәттур» (Йоһан 17:17). Бәзи динлар Худа Сөзи болған Муқәддәс китаптики һәқиқәткә пәрва қилмай, уларниң орниға инсанларниң тәлимлири вә урп-адәтлирини үгитиду. Худаниң әмирлирини бир яққа қайрип қойғанлардин Йәһва Худа хурсән болмайду (Марк 7:9ни оқуң). Амма биз Йәһваниң Муқәддәс китапта көрсәткән һәқиқәт сөзлиригә әгәшсәк, Униң көңлини хурсән қилимиз.

2. Йәһва Худаға қандақ ибадәт қилишимиз керәк?

Биз пәқәт Йәһва Худағила ибадәт қилишимиз керәк, чүнки У Яратқучи Егимиз (Вәһий 4:11). Демәк, биз чоқум Унила сөйүшимиз, Униңғила ибадәт қилишимиз лазим. Һәрқандақ бут, сүрәт яки шуниңға охшаш нәрсиләрдин жирақ турушимиз керәк (Йәшая 42:8ни оқуң).

Бизниң қилидиған ибадитимиз чоқум муқәддәс вә Яратқучи Йәһва қобул қилидиған усулда болуши керәк (Римлиқларға 12:1). Бу биз чоқум Униң әхлақ өлчәм-қаидилиригә мас яшишимиз керәклигини билдүриду. Мәсилән, Йәһва Худани сөйидиғанлар У бәлгүлигән нека һәққидики өлчәмләргә чин қәлбидин бойсунуши керәк. Йәнә тамака чекиш, һарақ ичиш, нәшә чекиш вә башқа зәһәрлик нәрсиләрни қоллинишқа охшаш зиянлиқ адәтләрдин жирақ туруши керәкa.

3. Немә үчүн Худаға етиқатчи қериндашлиримиз билән бирликтә ибадәт қилимиз?

Һәр һәптә жиғилишларға қатнишип, етиқатчи қериндашлар билән бирликтә Йәһва Худани мәдһийиләймиз (Зәбур 111:1, 2). Көпчилик билән бирликтә нахша ейтиш — Йәһва Худани мәдһийиләшниң бир йоли (Зәбур 104:33). Йәһва Худа бизни җамаәт учришишлириға тәклип қилиду, чүнки У бизни бәк сөйиду. У жиғилишларниң бизгә пайдилиқ екәнлигини вә мәңгү шат-хорам яшишимизға ярдәм берәләйдиғанлиғини билиду. Униңдин башқа, ибадәт жиғилишлирида бир-биримизгә илһам вә күч-мәдәтни берәләймиз.

ЧОҢҚУРИРАҚ КЕЗИҢ

4. Биз ибадәт қилғанда бутларни қолланмаслиғимиз керәк

ВИДЕО: «Худа кишиләрниң Униңға ибадәт қилғанда, бутларни ишлитишидин хурсән боламду?» (3:26)

• Қедимқи заманда Худаниң хизмәтчилири бутпәрәслик қилғанда, ақивети қандақ болған?

Бәзи адәмләр ибадәт қилғанда, Худаға йеқинлишиш үчүн бутларни қоллиниду. Бирақ шундақ қилиш, әксичә уларни Худадин жирақлаштуриду. Чиқиш 20:4—6 вә Зәбур 106:35, 36ни оқуң, кейин төвәндики соалларға җавап бериң:

• Сиз башқилар ибадәт қилғанда бутларни ишләткәнлигини көргәнму?

• Бутларни ишлитишкә қарита Йәһва Худа қандақ көзқарашта?

• Бутларни ишлитишкә қарита сиз қандақ көзқарашта?

5. Пәқәт Йәһвағила ибадәт қилиш бизни сахта диний тәлимләрдин әркин қилиду

ВИДЕО: «Һәқиқәт мени азат қилди» (5:16)

Зәбур 91:14ни оқуң, кейин төвәндики соалға җавап бериң:

• Пәқәтла Йәһва Худаға ибадәт қилип, Уни чин қәлбимиздин сөйидиғанлиғимизни көрсәтсәк, У бизни қандақ бәрикәтләйду?

6. Биз җамаәт учришишлирида Худаға ибадәт қилимиз

Жиғилишларда нахша ейтип, муһакимиләргә қатнишип, Худани мәдһийиләймиз вә бир-биримизгә илһам-мәдәт берәләймиз. Зәбур 22:22ни оқуң, кейин төвәндики соалларға җавап бериң:

• Башқиларниң чин жүрәктин бәргән җаваплирини аңлиғанда, хошал болдиңизму?

• Сизму тәйярлиқ қилип җавап беришни халамсиз?

7. Үгәнгәнлириңизни башқиларға ейтип бәрсиңиз, Худаниң көңли хуш болиду

Турмушимизда башқиларға Муқәддәс китап һәқиқитини ейтип беришниң нурғун пурсәтлири болиду. Зәбур 9:1 вә 34:1ни оқуң, кейин төвәндики соалға җавап бериң:

• Сиз Муқәддәс китаптин үгәнгән қайси мәзмунни башқиларға ейтип беришни халайсиз?

ХУЛАСӘ

Чин қәлбимиздин пәқәт Яратқучи Йәһваға ибадәт қилип, җамаәт жиғилишлирида Уни мәдһийиләп, башқиларға үгәнгән һәқиқәтләрни ейтип бәрсәк, Худаниң көңлини хурсән қилалаймиз.

Тәкрарлаш

• Худаға тоғра усулда ибадәт қилишни қәйәрдә үгинәләймиз?

• Немә үчүн пәқәтла Яратқучи Йәһваға ибадәт қилишимиз керәк?

• Немә үчүн Худани хурсән қилишни халайдиғанлар билән бирликтә ибадәт қилишимиз керәк?

ИЗДИНИП КӨРҮҢ

Бир аял немә үчүн бутпәрәсликни ташлиди? «Мән әнди бутларниң қули әмәс» дегән тәрҗимиһални оқуп беқиң.

«Муқәддәс китап һаятни өзгәртиду» («Күзитиш мунари» 2011-жил, 1-июль)

Җамаәт учришишлирида муһакимигә қатнишип, җавап беришиңизгә ярдәм беридиған қандақ усулларниң барлиғини биливелиң.

«Йәһва Худани җамаәттә мәдһийиләң» («Күзитиш мунари» 2019-жил, январь)

Бир жигитниң җамаәт жиғилишиға қатнишиши асан болмиған болсиму, у жиғилишни ташлимаслиққа тиришқан. Нәтиҗидә, немә иш болғанлиғини көрүп беқиң.

«Йәһва маңа ғәмхорлуқ қилди» (3:07)

Нурғун адәмләр крестни христиан дининиң бәлгүси дәп қарайду.

«Биз ибадәт қилғанда крест ишлитишимиз керәкму? Немә үчүн Йәһва гувачилири крест ишләтмәйду?» (Торбәттики мақалә)