Хизмәттә jw.org сайтимизни қоллиниң. «Стань другом Иеговы»

Бизниң jw.org сайтимизда балиларға беғишланған «Стань другом Иеговы» дегән мультфильм, нахша вә түрлүк әдәбийәтләр бар. Мошу қуралларни хизмәттә қоллиниватамсиләр? Кичик балилири бар ата-анилар билән Муқәддәс Китапни оқуп-үгиниватқан болсиңиз, мошу қуралларни қоллинамсиз? Бу уларни сайтимиздики башқиму мәлуматларни ечишқа дәвәт қилиду.

Бир бурадәр бир аялға «Падишалиқ һәққидә хәвәр» №38 варақчини бәргәндә, у аял дәрру оқушни башлиди. Аялниң кичик балилириға варақчә көзигә чүшти. Бурадәр варақчиниң мәзмунини қисқичә муһакимә қилип, ахирқи бетидики сайтниң адресиға диққәт ағдурди. У аял қизиқиш көрсәткәнлиги үчүн, бурадәримиз смартфон арқилиқ балилириға Коля тоғрилиқ бир мультфильмни көрсәтти.

Бир қериндаш балилири бар хизмәтдишиға сайтимиз һәм униңдики аилиләр үчүн пайдилиқ мәлумат тоғрилиқ ейтти. У аял балилири билән биллә сайтқа кирди. Кейинирәк у қериндашқа «Стань другом Иеговы» бөлүмидики «Проповедуй слово» дегән нахшини балилириниң өйдә ейтип жүргәнлигини ейтти.

Бизниң сайтимизниң бу бөлүми билән тонушуп, униңдики видеороликларни, нахшиларни яки нәширләрни өзиңизниң смартфониңизға көчиривелиң. Шу чағда әшу бөлүмидики материални хизмәттә бемалал пайдилиналайсиз. Бу баһалиқ әсвап Һакимдаримизға қулдәк хизмәт қилишқа ярдәм бәрмәмду?! (Әлч. 20:19).