«jw.org сайтимизни хизмәттә пайдилиниң. “Диний соалларға җаваплар”».

«jw.org» сайтида «БИБЛЕЙСКИЕ УЧЕНИЯ» бөлүмидә «ОТВЕТЫ НА БИБЛЕЙСКИЕ ВОПРОСЫ» дегән сәрләвһә бар. Әгәр биз мошундақ тарқалған соалларға җавапларни билсәк, қизиққан адәмниң диққитини сайтимизға қаритип, шу соалға Муқәддәс Китапниң җававини көрситимиз. Шундақла, мошу соалларни сөһбәт башлаш үчүн пайдилансақ болиду. Адәмләрни қизиқтуридиған мошу соалларниң бирини таллап, кишиниң ой-пикрини сорап, андин сайттики пикирләрни пайдилинип, Муқәддәс Китапниң җававини ейтип бәрсәк болиду. Кейин мошу мәлуматни қәйәрдин алғинимизни чүшәндүрсәк яки көрситип бәрсәк болиду. Яки шу кишидин җавапни сайтниң өзидин оқуп беришигә илтимас қилсақ болиду. Мошу усул билән хизмәт қиливатқан бир наһийәлик назарәтчиниң аяли: «Көп адәмләр: “Бизниң қайғу-һәсрәтлиримизгә Худа әйипликму?” дәп ойлиниду. Җававини 51 секундниң ичидә билишни халамсиз?» — дәп, андин ян телефониға көчиривалған аудиозаписьни қошиду. Нәтиҗидә «Муқәддәс Китапта немә ейтилиду?» дегән китавиниң 11-бабини ечип көрситиду.