Мәхситини атқуруш үчүн уюштурулған вәзилик хизмәт учришишлири

1. Вәзилик учришишлириниң мәхсити немә?

¹ Бир күни Әйса 70 шагиртини вәзигә әвәтиштин авал, уларни бир җайға жиғди (Луқа 10:1—11). У шагиртлириниң ялғуз болмайдиғанлиғини, бәлки уларни «һосул Егиси», Йәһва Худа йетәкләйдиғанлиғини әскәртип, уларни ғәйрәтләндүрди. Шундақла, у вәзә ишини қандақ орунлаш тоғрилиқ йол-йоруқларни көрситип, уларни «икки-иккидин» йолға салди. Хизмәткә бериштин авал өткүзүлидиған бүгүнки күндики учришишлиримизниң мәхситиму шуниңдин ибарәт: роһландуруш, тәлим бериш вә йол-йоруқ көрситиш.

2. Вәзилик учришиши қанчилик давамлишиши керәк?

² Һазир вәзилик учришишлири 10—15 минут арилиғида өтиду. Шу вақит давамида җакалиғучилар җүпләргә бөлүнүп, участкилар алиду вә дуа ейтилиду. Бу тәртип әнди өзгәртилиду. Апрель ейидин башлап, вәзилик учришиши 5—7 минут ичидә өткүзүлиду. Әгәр вәзилик учришиши җамаәт учришишидин кейинла өткүзүлсә, у техиму қисқа болуши керәк, сәвәви барлиқ қатнашқучилар учришишта Муқәддәс Китаптин елинған роһландурғучи ой-пикирләрни аңлиди. Вәзилик учришишлириниң қисқа болуши җакалиғучиларға вәзилик хизмәттә узағирақ болушқа мүмкинчилик бериду. Шундақла әгәр пешқәдәмләр яки җакалиғучилар хизмәт учришишидин авал вәзә қилишни башлиған болса, уларниң хизмити узақ вақитқа үзүлмәйду.

3. Вәзилик учришишлири үнүмлүк болуши үчүн, уларни қандақ өткүзүш керәк?

³ Вәзилик учришишлири җакалиғучиларға көпирәк пайда елип кәлгидәк дәриҗидә уюштурулуши керәк. Көп вақитларда вәзилик учришишини бир нәччә топ бирикип өткүзиду, лекин һәрбир топ вәзилик учришишини алайтән өткәзгини дурус. Бәлким, шу чағда җакалиғучиларға вәзилик учришиши өткүзүлидиған җайға яки участкиға йетип беришқа оңайирақ болиду. Шундақла вәзичиләрни җүп-җүпләргә бөлүш йеник болиду вә топ назарәтчиси өзигә тапшурулған топқа көпирәк диққәт бөләләйду. Ақсақаллар кеңиши йәрлик шараитларни нәзәргә елип, неминиң дурус екәнлигини қарар қилиши керәк. Вәзилик учришиши дуа билән аяқлишиштин илгири җакалиғучилар кимниң ким билән һәм нәгә баридиғанлиғини билиши керәк.

4. Вәзилик учришишлири башқа учришишларға қариғанда әһмийәтсиз дәп ойлаш немишкә натоғра?

⁴ Вәзилик учришишлири җамаәтниң башқа учришишлириға охшашла әһмийәткә егә: Вәзилик учришишлири пәқәт хизмәткә барғучилар үчүн өткүзүлгәнликтин, адәттә уларға җакалиғучиларниң һәммиси дегидәк кәлмәйду. Лекин бу вәзилик учришишлириға җиддий қаримаслиқ керәк яки улар башқа учришишларға қариғанда әһмийәтсиз дегәнни билдүрмәйду. Башқа учришишларға охшаш, вәзилик учришишлириму — Йәһва Худаниң чарә-тәдбири вә улар бир-биримизни меһир-муһәббәткә һәм яхши ишларға дәвәт қилишқа мүмкинчилик бериду (Ибр. 10:24, 25). Муһакимә Йәһва Худаға шан-шәрәп вә қатнашқучиларниң һәммисигә пайда елип келиши үчүн, жүргүзгүчи яхши тәйярлиқ қилиши керәк. Хизмәткә беришни мәхсәт қилған җакалиғучилар мүмкинчилигиниң баричә вәзилик учришишлириға келишкә тиришиши керәк.

5. а) Хизмәт назарәтчиси вәзилик учришишини қандақ уюштуруши керәк? ә) Қериндаш вәзилик учришишини қандақ өткүзүши керәк?

⁵ Жүргүзгүчи қандақ тәйярлиниши керәк: Җамаәт учришишида берилгән тапшурмини яхши орунлаш үчүн тапшуруқ бурадәргә өз вақтида берилиши керәк. Бу тәләп вәзилик учришишлириғиму тегишлик. Әлвәттә, вәзилик учришиши топлири бөләк-бөләк жиғилғанда, учришишни топ назарәтчиси яки униң ярдәмчиси өткүзиду. Амма әгәр бирнәччә топлар биллә жиғилса, хизмәт назарәтчиси жүргүзгүчини тайинлайду. Бәзибир хизмәт назарәтчилири учришишлар тизимини барлиқ жүргүзгүчиләргә тарқитип бериду яки уқтурушлар тахтисиға илип қойиду. Жүргүзгүчиләрни тайинлиғанда, хизмәт назарәтчиси пәм-парасәтлик болуши керәк, чүнки бу учришишларниң сүпити жүргүзгүчиниң тәлим бериш вә уюштуруш қабилийәтлиригә бағлиқ. Әгәр учришишни ақсақал, чөмдүрүлгән лайәқәтлик бурадәр яки хизмәт ярдәмчиси өткүзәлмисә, хизмәт назарәтчиси буниңға чөмдүрүлгән қабилийәтлик қериндашни тайинлайду («Учришишни қериндаш өткүзгәндә» дегән мақалини караң.).

6. Немишкә вәзилик учришишини жүргүзүшкә тайинланған җакалиғучи яхши тәйярлиқ қилиши керәк?

⁶ Биз Вәзичиләр мәктивидә яки хизмәт учришишида тапшуруқ алғанда, униңға җиддий вә пухта тәйярлинимиз. Һечқайсимиз жиғинға кетиватқан вақитта йолда тәйярлиқ қилмаймиз. Вәзилик учришишиғиму худди шундақ қаришимиз керәк. Учришиш вақти қисқарғанлиқтин, униңға яхширақ тәйярланған дурус, шу чағда учришиш мәзмунлуқ болуп, өз вақтида аяқлишиду. Яхши тәйярлиққа шундақла вәзилик участкиларни алдин-ала тәйярлап қоюшму кириду.

7. Жүргүзгүчи учришишта немини муһакимә қилса болиду?

⁷ Немини муһакимә қилиш керәк: Һәр җайниң өз алаһидиликлири болғанлиқтин, садиқ қул һәрбир вәзилик учришиши үчүн бәлгүлүк көрсәтмиләрни тәйярлимайду. «Вәзилик учришишида товәндикиләрни муһакимә қилишқа болиду» рамкисида бәзибир усуллар тәғдим қилиниду. Қаидә бойичә учришишлар муһакимә сүпитидә өтүши керәк. Шу учришишларда бәзидә яхши тәйярланған көрүнүшләрни яки бизниң торбәттики видеоларни көрситишкә болиду. Жүргүзгүчи вәзилик учришишиға тәйярлиқ қилғанда, вәзичиләрни немә илһамландурудиғанлиғини һәм шу күни хизмәт үчүн немә пайдилиқ болидиғанлиғини ойлиши керәк.

8. Шәнбә вә йәкшәнбә күнлири хизмәт учришишта немини муһакимә қилған пайдилиқ?

⁸ Шәнбә күнлири кишиләр билән сөһбәтләшкәндә җакалиғучиларниң көпинчиси әдәбиятлиримизни пайдилиниду. Һәптиниң иш күнлири хизмәткә чиқалмайдиған җакалиғучиларға аиләвий ибадәт вақтида тәйярлиған тәвсийәләрни әстә сақлаш қийин болуши мүмкин. Шу сәвәптин вәзилик учришишини өткүзидиған бурадәр «Вәзилик хизмитимиздики» тәвсийәләрниң бирини қайта қараштурса болиду. Китапчини тәвсийә қилғанда, йәрлик йеңилиқларни, вақиәләрни, мәйрәмләрни қандақ нәзәрдә тутушқа болидиғинини яки адәм билән келәр қетим сөһбәтлишидиған мавзуни қандақ башлашқа болидиғинини муһакимә қилиду. Вәзилик учришишиға кәлгән етиқатдашлар қандақту бир әдәбиятни пайдилинип жүргән болса, тәҗрибиси билән бөлүшүшкә яки йүз бәргән қизиқ вақиәләрни ейтип беришини сорайду. «Хуш хәвәр», «Худани тиңшаң» вә «Муқәддәс Китап үгитиду» әдәбиятлирини йәкшәнбә күниму қоллинишқа болиду. Шуңа учришишни өткәзгүчи соалларниң ярдими билән сөһбәт башлаш усуллирини қисқичә қараштуриду.

9. Җамаәт паалийәткә (кампания) қатнашқанда, вәзилик учришишида немини муһакимә қилса болиду?

⁹ Әгәр җамаәт дәм елиш күнлири мәхсус паалийәткә (кампания) қатнашса, жүргүзгүчи әдәбият яки варақчиларни қоллинип қандақ сөһбәтлишишкә болидиғанлиғини қараштуралайду. Мошундақ паалийәтләрниң муһимлиғиға көңүл бөлүдиған хизмәттики қизиқ вақиәләр билән бөлүшиду.

10, 11. Хизмәт учришиши сапалиқ өтүш үчүн немишкә җакалиғучиларниң тәйярлиғи муһим?

¹⁰ Җакалиғучиларниң тәйярлиниши: Җакалиғучиларму вәзилик учришишнииң пайдилиқ өтүшигә өз һәссилирини қошалайду. Улар хизмәткә алдин-ала тәйярланса болиду, мәсилән аиләвий ибадәттә яхши ой-пикир билән бөлүшәләйду. Яхши тәйярлиққа хизмәттә қоллинилидиған әдәбиятларни алдин-ала оқуп чиқишму кириду. Шу чағда кишиләр билән сөһбәтни башлаш оңайирақ болиду.

¹¹ Шундақла вәзилик учришишиға бирнәччә минут әтигәнирәк кәлгән дурус. Әлвәттә җамаәт учришишлириниң һәммисигә вақтида келишкә тиришимиз. Амма, бирси вәзилик учришишиға кечиксә, бу бәзи қийинчилиқларни туғдуриду. Қандақларчә? Топтики җакалиғучиларниң һәммисини хизмәткә әвәтиштин авал, жүргүзгүчи нурғун нәрсиләрни нәзәрдә тутуши керәк. Мәсилән, вәзилик учришишида җакалиғучилар аз болса, жүргүзгүчи топ, қисмән ишләнгән участкиға баридиғанлиғини йешиши мүмкин. Әгәр бәзилири учришишқа пиядә кәлсә һәм вәзә қилиш участкилири жирақ болса, жүргүзүчи уларни машиниси барлар билән биллә хизмәткә әвитәләйду. Әгәр участка қилмишлиқ территорияда болса, жүргүзгүчи бурадәрләргә қериндашлардин жирақ әмәс йәрдә хизмәт қилишни тәклип қилиду. Шундақла у саламәтлиги начар җакалиғучиларни оңғул-доңғул кочиларға яки пәләмпәйлири нурғун бена өйләргә әвәтмәйду. Йеқин арида җакалиғучи болғанлар тәҗрибилик җакалиғучилар билән бериши керәк. Әгәр вәзичиләр кечиксә яки келишип қойғанларниң һәммисини қайта өзгәртиш керәк болуши мүмкин. Әлвәттә, бәзидә кечикиш үчүн асаслиқ сәвәпләр болуши мүмкин. Шундақтиму әгәр биздә кечикиш адити пәйда болса, буниң сәвәвини ениқлаш лазим. Мүмкин, бизгә мошундақ учришилар үчүн миннәтдарлиқ йетишмәйду яки өз ишлиримизни дурус реҗиләштүрмәймиз.

12. Вәзилик учришишиниң алдида келишивалидиған адитиңиз болса, қандақ мәхсәтләрни қойсиңиз болиду?

¹² Вәзилик учришишиға кәлгән җакалиғучилар бир бири билән келишивалса болиду яки шу учришишта уларға шерик тайинлиниду. Әгәр силәрдә алдин-ала келишивелиш адити болса, пәқәт достлириңиз биләнла хизмәт қилмай, башқилар биләнму хизмәт қилишқа тиришип көрсиңиз болиду (Кор. 2-х. 6:11—13). Йеқинда җакалиғучи болғанлар билән анда-санда вәзигә чиқип, тәлим бериш қабилийитини риваҗландурушқа ярдәм берәләмсиз? (Кор. 1-х. 10:24; Тим. 1-х. 4:13, 15). Вәзилик учришишида берилидиған көрсәтмиләрни, шуниң ичидә вәзини қәйәрдә башлаш керәклигигә тегишлик рәһбәрликни диққәт билән тиңшаң. Учришиш аяқлашқанда, тайинланған шеригиңизни яки участкиңизни алмаштурмай, дәрру хизмәткә меңиң.

13. Әгәр һәммиси вәзилик учришишлириға җавапкәрлик билән қарап, орунлуқ тәйярланса, бу учришишлар бизгә қандақ пайда бериду?

¹³ Әйса вәзигә әвәткән 70 шагирти «хошал-хорам» қайтип кәлди (Луқа 10:17). Шүбһисиз, Әйсаниң уларға вәзигә чиқидиғандин авал берилгән буйруғи уларниң утуққа йетишкә ярдәм бәрди. Бүгүнму вәзилик учришишлири шундақла пайдилиқ болуши мүмкин. Әгәр вәзилик учришишлириға һәммиси җавапкәрлик билән қарап, орунлуқ тәйярланса, бу учришишлар бизни илһамландуриду, тәлим вә «барлиқ хәлиқләргә гувалиқ» бериш үчүн рәһбәрлик бериду (Мәт. 24:14).