Вәз хизмити үчүн учришишларни пайдилиқ қилиш усуллири

Вәз хизмити үчүн учришишларда, башқа учришишлиримизда охшаш бир-биримизни меһир-муһәббәткә вә яхши ишларға дәвәт қилалаймиз (Иб 10:24, 25). Бу учришиш 5—7 минутниң ичидә өткүзүлүши керәк. Шу вақитниң ичигә шерик тепиш, участкиларни бериш вә дуа қилиш кириду (әгәр у башқа учришиштин кейин өткүзүлсә, техиму қисқа болуши лазим). Вәзлик учришишни өткүзидиған бурадәр шу күни вәз хизмитидә қоллинишқа болидиған пайдилиқ ойларни тәйярлиса болиду. Мәсилән, адәттә шәнбә күни бир һәптә бурун вәз қилған қериндашлар қатнишиду. Шуңа, өй егиси билән қандақ сөз башлашқа болидиғанлиғини ейтишқа болиду. Бурадәр йәнә қандақ пайдилиқ мавзуларни муһакимә қилса болиду?

• «Мәсиһий һаятимиз вә хизмитимиз. Иш дәптиридики» сөһбәт үлгилири

• Болуватқан вақиәләрни яки йеңилиқлардики хәвәрләрни пайдилинип сөһбәтни башлаш усуллири

• Сөһбәтни үзидиған сөзләргә җавап бериш йоллири

• Атеист, эволюциягә ишинидиған, башқа тилда сөзләйдиған яки биз туридиған йәрдә кам учрайдиған динға ишинидиған адәмгә җавап беришниң усуллири

• Муқәддәс китапни, jw.org торбетини яки «JW Library^®» программисини пайдилиниш усуллири

• Тәлим бериш қураллиримизниң бирини ишлитиш усуллири

• Телефон арқилиқ, хәт йезиш, адәмләр көп йәрдә вәз қилиш, қайта йолуқуш, Муқәддәс китап үгинишни өткүзүшкә охшаш вәз хизмитиниң түрлиригә қатнишиш

• Вәз хизмитидики иҗабий көзқараш, бехәтәрлик, әвришимлик, әдәп-әхлақ тоғрисида яки шуниңға охшаш әскәртмиләр

• «Оқуш вә тәлим бериш маһаритимизни өстүрәйли» китапчисидики дәрис яки видео

• Вәз хизмитидә шеригиңизгә илһам вә ярдәм бериш усуллири

• Вәз хизмитигә мунасивәтлик айәтләр яки илһам беридиған вақиәләр