Көзи көрмәйдиған адәмләргә Йәһва тоғрисида үгинишкә ярдәм бериң
1. Әйса Мәсиһ көзи көрмәйдиған адәмләргә ечинғанлиғини қандақ көрсәтти?
1 Әйсаниң өлүмигичә бирнәччә күн қалди. У Ериха шәһиридин чиқип келиватқанда, көзи көрмәйдиған икки тиләмчи жуқури авазда: «Һакимдаримиз, бизгә рәһим қилғайсән!» — дәп вақириди. Бешиға келидиған еғир синақлар һәққидики чоңқур ойларға қаримай, Әйса тохтап, шу кишиләрни чақирип, уларни сақайтти (Мәт. 20:29—34). Қандақ қилип биз Әйса Мәсиһниң көзи көрмәйдиған адәмләргә болған ечинишиға тәқлит қилалаймиз?
2. а) Җәмийәтлик орунларда көзи көрмәйдиған адәмгә қандақ ярдәм берәләймиз? ә) Көзи көрмәйдиған адәмгә ярдәм бәргәндә немини әстә тутуш керәк?
2 Ярдәм қилишқа тәйяр болуң. Әгәр сиз җәмийәтлик орунда көзи көрмәйдиған кишини учратсиңиз, өзиңизни тонуштуруп, ярдимиңизни тәғдим қилиң. Бу кишиләр көпинчә вақитта башқилар тәрипидин алданғанлиғидин, башта гуманлиниши мүмкин. Бирақ сизниң һәқиқий достанилигиңиз вә сәмимий қизиқишиңиз уларни хатирҗәм қилиши мүмкин. Қарғулуқниң һәрқандақ түрлири болғанлиқтин, ярдәмниму шуниңға мувапиқ беришимиз керәк. Ярдәм көрситип болғандин кейин, сиз һәммисигә Муқәддәс китапни тәтқиқ қилишни тәғдим қиливатқиниңизни ейтсиңиз болиду. Униңға бир айәтни, мәсилән Зәбур 146:8 яки Йәшая 35:5, 6 оқуп беришни халайдиғиниңизни ейтиң. Әгәр у Брайль йезиғини оқалиса, у чағда униңға йәрлик Ибадәт өйидин Брайль йезиғидики Муқәддәс китап тоғрисида көпирәк билишкә ярдәм беридиған әдәбиятни елишқа болидиғинини ейтиң. Шундақла, сиз униңға jw.org торбетидики аудиоязмиларни көчиривелишиға ярдәм бәрсиңиз болиду. Әгәр униң компьютерида йезиқларни авазлиқ оқуйдиған программа болса, у jw.org торбетидики мақалиларни яки RTF форматидики (Rich Text Format) башқиму әдәбиятларни көчиривалалайду. «Көзи көрмәйдиған адәмләргә ярдәм көрсәткәндә әстә тутудиған нәрсиләр» намлиқ рамкиға қараң.
3. Районимиздики көзи көрмәйдиған адәмләрни қандақ издәштүрәләймиз?
3 Көзи көрмәйдиған адәмләрни издәштүрүш. Өйму-өй вәзә қиливатқанда, биз көзи көрмәйдиған адәмләрни көп учратмаймиз, сәвәви улар өйлиригә натонуш адәмләр кәлгәндә, өзлирини қолайсиз һис қилиши мүмкин. Шу сәвәптин, «издәп тепиш» үчүн көп күч селиш керәк (Мәт. 10:11). Иш орнида ишдашларниң яки мәктәптә синипдашларниң бириниң көзи көрмисә, улар билән сөһбәтлишишкә биринчи болуп қәдәм қоюң. Әгәр райониңизда әма адәмләр үчүн мәктәп болса, мәктәп китапханисиға бизниң Брайль йезиғидики әдәбиятларни тәғдим қилишқа болиду. Тонушлириңизниң көзи көрмәйдиған аилә әзалири барму? Райониңларда көзи көрмәйдиғанларға ярдәм көрситидиған тәшкилатлар яки көзи көрмәйдиған турғунлар үчүн болған ятақханилар барму? Көзи көрмәйдиғанлар җәмийитиниң қобул қилиш айванлирида ишләйдиған адәмләргә көзи көрмәйдиған адәмләргә ярдәм беришни халайдиғанлиғиңизни, шундақла Брайль йезиғидики әдәбиятлар билән аудиоязмиларни тәғдим қиливатқиниңизни чүшәндүрүң. Уларға әма адәмларға тегишлик Худаниң вәдисини Муқәддәс китаптин оқуп бериң. Шундақла торбетимиздин Брайль йезиғидики Муқәддәс китапниң пайдисини көрүп жүргән көзи көрмәйдиған адәмниң вақиәсини баян қилидиған видеони (рус.) көрситишкә болиду («Не знаю, чтобы я делал без нее!»). Немә үчүн кәлгинимизни чүшәндүрсәк, көзи көрмәйдиған адәмләр билән тонушуп, қайта йолуқушқа мүмкинчилик пәйда болиду.
4. Жанетниң үлгисидин немигә үгинәләймиз?
4 Жанет исимлиқ көзи көрмәйдиған бир қериндаш әма адәмләр турудиған җәмийәт өйигә барғанда, шу йәрдә бир яш аял билән сөһбәт башлайду. Жанет униңға Әйсаниң әма кишиләрни сақайтқанлиғини вә келәчәктә уларниңму көзлирини көридиған қилидиғини һәққидә ейтип бериду. Жанет униң билән биллә Вәһийләр 21:3, 4 ни қараштуруп, мошу вәдиниң Худа Падишалиғи арқилиқ қандақ әмәлгә ашурулидиғанлиғини чүшәндүриду. Һелиқи аял сәл ойланғандин кейин: «Мән буниңға тегишлик әма адәмниң көзқаришини һечқачан аңлимаптимән. Көрүдиған адәмләрниң көпинчиси қарғулуқ адәмниң яки ата-бовилириниң қилған гуналириниң ақивити дәп һесаплайду»,— деди. Жанет у аялға «Муқәддәс китап немигә үгитиду» китавини көчиривелишқа болидиған адресни электронлуқ почта арқилиқ әвәтип бериду вә улар һәптисигә икки қетим Муқәддәс китапни тәтқиқ қиливатиду.
5. Көзи көрмәйдиғанларни Әйса Мәсиһкә охшаш көрәләйдиған қилалмисақму, уларға көрсәткән қизиқишимиз қандақ бәрикәтләрни әкелиши мүмкин?
5 Әлвәттә биз Әйса қилғандәк әма адәмләрни көрүдиған қилалмаймиз. Шундақ болсиму, мошу дунияниң худаси әқиллирини қарғу қилип қойған адәмләргә (шуларниң ичидә удул мәнадики көзи көрмәйдиғанларму бар) Худа Сөзидики һәқиқәтни чүшинишкә ярдәм берәләймиз (Кор. 2-х. 4:4). Әйса Мәсиһниң Ериха шәһириниң йолида олтарған икки кишигә ичи ағрип, уларни сақайтти (Мәт. 20:34). Әгәр көзи көрмәйдиған адәмләргә шундақ көзқарашта болсақ, башқиларға қарғулуқни йоқ қилидиған Йәһва Худа тоғрисида билим елишқа ярдәм берәләймиз.