Вәз қилиш маһаритимизни ашуримиз. Көзи көрмәйдиған кишиләргә вәз қилиш

БУ НЕМӘ ҮЧҮН МУҺИМ? Көзи көрмәйдиған кишиләрниң көпинчиси натонуш кишиләр билән сөзлигәндә, хиҗаләт болиду. Шу сәвәптин, шундақ кишиләргә гувалиқ бериш үчүн, уларни издәп тепишқа маһир болайли. Йәһва Худа көзи көрмәйдиғанларға меһир-муһәббәт билән ғәмхорлуқ көрсәтмәктә (Лв 19:14). Йәһвадин үлгә елип, көзи көрмәйдиған кишиләргә Худани тонуп-билишкә ярдәм бериш үчүн тәшәббускар болайли.

БУНИҢ ҮЧҮН НЕМӘ ҚИЛИШ КЕРӘК?

• Көзи көрмәйдиған адәмләрни издәш (Мәтта 10:11). Туққанлириңизниң көзи көрмәйдиған тонушлири барму? Райониңизда әмалар йезиғида (Брайль йезиғи) әдәбиятларни сунушқа болидиған мәктәпләр, мәһкимиләр яки қерилар өйлири барму?

• Сәмимий қизиқишни көрситиң. Сиз достанә муамилә көрсәтсиңиз вә сәмимий көңүл бөлсиңиз көзи көрмәйдиған адәм өзини хатирҗәм һис қилиду. Вәз қилғанда йәрликләрни қизиқтуридиған мавзулар һәққидә сөзлишиң.

• Көзи көрмәйдиған кишиләргә Йәһвани тонуп-билишкә ярдәм беридиған әдәбиятларни елишқа ярдәм бериң. Көзи көрмәйдиған кишиләргә ярдәм бериш үчүн тәшкилатимиз нәширләрни һәртүрлүк усулларда чиқириду. Шу кишиләрдин қандақ үгиниш усуллирини халайдиғанлиғини сораң. Хизмәт назарәтчиси әдәбиятларға мәсъул бурадәрниң көзи көрмәйдиғанлар үчүн керәклик әдәбиятларни буйрутқанлиғиға көз йәткүзүши керәк.