Тәҗрибилик җакалиғучилардин үгинәйли
Биз җамаәттики тәҗрибилик җакалиғучиларни һәқиқәтән қәдирләймиз. Уларниң бәзилири Йәһва Худаға көп жиллар давамида садақәтмән хизмәт қилип кәлмәктә. Башқилири болса, хизмәт маһаритини йеқин арида мукәммәлләштүрди. Тәҗрибилик җакалиғучилар Әйса Мәсиһ вәзә қилиш һәм шагиртларни тәйярлаш хизмәтни кәңәйтиш арқилиқ бу дунияниң ахирқи күнлиридә мәсиһий җамаәтни йетәклигәнлигини өз көзлири билән көрди (Мәт. 28:19, 20). Шәхсий қийинчилиқлар вә синақларға дуч кәлгәндә хизмәткә қатнишиш арқилиқ улар «адәттики күчтин ешип чүшүдиған күчкә» еришти (Кор. 2-х. 4:7). Биз бу тәҗрибилик җакалиғучилардин көп нәрсиләргә үгинәләймиз. Улар мүмкинчиликни қоллинип, өзлири билгәнләрни башқиларға үгитиштин һузурлиниду (Зәб. 71:18). Шу сәвәптин, биз улардин үгинишкә мүмкинчилик издишимиз керәк. Буни қандақ қилсақ болиду?
Вәзилик хизмәттә. Хизмәттә үнүмлүк болуш үчүн йеңи яки тәҗрибиси аз җакалиғучилар тәрбийлинишкә муһтаҗ. Йетилгән җакалиғучилар хизмитини қандақ орунлиғанлиғини назарәт қилишимиз арқилиқ наһайити көп нәрсиләргә үгинәләймиз. («Күзәт мунариси» (рус.), 2015-жил, 15-февраль «Сохраняйте рвение в служении» мақалисидики «Помогайте менее опытным» намлиқ кичик мавзуниң 3-абзацни көрүң.) Сиз мундақ җакалиғучилар билән биллә хизмәт қилиштин қандақ пайда алдиңиз?
Сиз шундақ қабилийәтлик җакалиғучини хизмәткә тәклип қилаламсиз? Униң саламәтлиги начар болса, сиз билән Муқәддәс китапни тәтқиқ қиливатқан кишини бәзидә тәтқиқ қилиш үчүн шу җакалиғучиниң өйигә апарсиңиз болиду. Тәтқиқ қилғандин кейин тәҗрибилик җакалиғучидин байқиғанлири билән бөлүшүп, мәслиһәт беришини сораң.
Улар билән вақит өткүзүш арқилиқ. Тәҗрибилик җакалиғучиларға вақит бөлүп, улар билән йеқинирақ тонушуң. Уларниң бирини аиләвий ибадәткә тәклип қилип, униңдин хизмити тоғрилиқ сорап көрүң. Әгәр җакалиғучиниң тени аҗиз болса, аиләвий ибадитиңларни униң өйидә өткүзәләмсиләр? Йәһва Худа уни қандақ қилип һәқиқәткә җәлип қилғанлиғини сорап көрүң. У қандақ бәрикәтләргә еришти? У туруватқан йеридә қандақ теократиялиқ өсүмни көрди? Униңға Йәһваниң хизмитидә немә хошаллиқ елип кәлди?
Уни чүшинишкә тиришип, үмүтиңиздә тәмкин болуң. Һәммимизгә охшаш, узақ вақит хизмәт қилип келиватқан җакалиғучиларда һәр түрлүк қабилийәтлири бар (Рим. 12:6—8). Бәзилириниң йеши чоң болғачқа, улар биз билән көп вақит өткүзәлмәйду. Буниңға қаримастин, уларниң Йәһва Худаға садақәтмән хизмитидики тәҗрибисидин көп нәрсиләргә үгинәләймиз.