Ахир замандики риқабәтчи падишалар

Бу җәдвәлдики бәзи пәйғәмбәрлик сөзләр охшаш бир вақитта йүз бәргән вақиәләрни тәсвирләйду. Бу бәшарәтләрниң һәммиси бизниң ахир заманда яшаватқанлғимизни испатлайду (Дан. 12:4).

1870-жилдин башлап бизниң күнимизгичә шималий падиша вә җәнубий падишаниң ким болғанлиғини вә шуларға мунасивәтлик пәйғәмбәрлик сөзләрни көрситидиған җәдвәл.

Айәт(ләр): Вәһ. 11:7; 12:13, 17; 13:1—8, 12

Пәйғәмбәрлик сөзләр: «Жиртқуч һайван» яки мәхлуқ әсирләр давамида йәр йүзидә һөкүмранлиқ қилиду. Ахир заманда униң йәттинчи беши ярилиниду. Кейинирәк бу башниң яриси сақийип, «йәрдә яшиғучиларниң һәммиси» мәхлуқниң кәйнидин әгишиду. Шәйтан бу мәхлуқ арқилиқ аялниң «қалған әвладиға» қарши җәң қилиду.

Әмәлгә ешиши: Топан сүйидин кейин, Йәһва Худаға қарши чиққан һөкүмәтләр инсанларни башқурушни башлиған. Нурғун әсирләр өтүп, Биринчи дуния уруши вақтида, Британия империясиниң күчи аҗизлишип кәткән. Қошма Штатлар билән бирләшкәндин кейин болса, Британия қайтидин күчлүк болған. Шәйтан болупму ахир заманда Худа хәлқигә һуҗум қилиш үчүн пүтүн сәясий түзүмни ишләтмәктә.
Айәт(ләр): Дан. 11:25—45

Пәйғәмбәрлик сөзләр: Шималий вә җәнубий падишалар риқабәтлишиду.

Әмәлгә ешиши: Германия вә Англо-Америка бири-бири билән қаршилишиду. 1945-жили Совет Иттипақи вә униң иттипақдашлири шималий падиша болған. 1991-жили Совет Иттипақи ғулап чүшкән. Вақит өтүп Россия вә униң иттипақдашлири шималий падиша болған.
Айәт(ләр): Йәшая 61:1; Мал. 3:1; Луқа 4:18

Пәйғәмбәрлик сөзләр: Мәсиһниң Падишалиғи кәлмәй туруп «йол тәйярлаш» үчүн Йәһва Худа «әлчини» әвәтиду. Бу бир топ мөмүнләргә хуш хәвәрни ейтишни башлайду.

Әмәлгә ешиши: 1870-жиллардин тартип, Чарльз Расселл вә һәмралири Муқәддәс китаптики һәқиқәтләрни чүшиниш үчүн Худа Сөзини қизғинлиқ билән тәтқиқ қилған. 1880-жиллири улар Худа хизмәтчилири вәз қилиши лазим екәнлигигә диққәт ағдурушқа башлиған. Улар «1000 вәз ейтқучи керәк» вә «Вәз ейтишқа майланғанлар» намлиқ мақалиләрни бесип чиқарған.
Айәт(ләр): Мәт. 13:24—30, 36—43

Пәйғәмбәрлик сөзләр: Бир киши етизға буғдай уруғини чачиду. Кейин дүшмини келип, буғдайниң арисиға явайи от-чөп уруғини чечип кетиду. Явайи от өсүп буғдайни бесивалиду. Лекин һосул жиғиш вақтида от-чөп буғдайдин айриветилиду.

Әмәлгә ешиши: 1870-жилдин тартип һәқиқий мәсиһийләр билән сахта мәсиһийләрни пәрқи ениқ көрүнүшкә башлиған. Ахир заманда Худаниң һәқиқий хизмәтчилири жиғилип, сахта мәсиһийләрдин айрилған.
Айәт(ләр): Дан. 2:31—33, 41—43

Пәйғәмбәрлик сөзләр: Һәрхил металлардин ясалған һәйкәлниң төмүр вә сеғиз лайдин ясалған пути.

Әмәлгә ешиши: Сеғиз лай Англо-Америка дуния империясини қол астидики вә бу һөкүмәткә қарши чиқидиған аддий хәлиқни билдүриду. Шу адәмләр бу империяниң төмүрдәк күчлүк болушиға тосалғулуқ қилип, уни аҗизлаштуриду.
Айәт(ләр): Мәт. 13:30; 24:14, 45; 28:19, 20

Пәйғәмбәрлик сөзләр: «Буғдай» «амбарларға» жиғилиду, «өйдикилириниң үстидин» «садиқ һәм әқил-парасәтлик қул» тәйинлиниду. «Падишалиқ һәққидики хуш хәвәр пүткүл йәр йүзи бойичә» вәз қилинишқа башлиниду.

Әмәлгә ешиши: 1919-жили Худа хәлқи үстидин «садиқ һәм әқил-парасәтлик қул» тәйинләнгән. Шу вақиттин башлап Муқәддәс китапни тәтқиқ қилғучилар кәң көләмдә вәз ишини давамлаштурмақта. Бүгүнки күндә, Йәһва гувачилири 200дин көпирәк дөләтләрдә вәз қилип, Муқәддәс китапқа асасланған әдәбиятларни 1000дин ошуқ тилларда нәшир қилмақта.
Айәт(ләр): Дан. 12:11; Вәһ. 13:11, 14, 15

Пәйғәмбәрлик сөзләр: Икки мүңгүзлүк мәхлуқ адәмләргә йәттә беши бар мәхлуқниң һәйкилини тикләшкә ейтип, шу һәйкәлгә «һаятлиқ нәпәс» бериду.

Әмәлгә ешиши: Англо-Америка дуния империяси Хәлиқара Иттипақни қурушқа асас салған. Бу тәшкилатни башқа хәлиқләрму қоллиған. Нәтиҗидә, шималий падишаму пәқәт 1926—1933 жиллар арилиғида бу Иттипақниң әзаси болған. Пүтүн дунияда инақ-иттипақни пәқәт Худа Падишалиғи орниталайду, лекин адәмләр буни Дөләтләр Иттипақи қилалайду дәп ишәнгән. Адәмләр БДТ буни әмәлгә ашуралайду дәп ойлайду.
Айәт(ләр): Дан. 8:23, 24

Пәйғәмбәрлик сөзләр: Қорқунучлуқ явуз бир падиша көп вәйранчилиқ елип келиду.

Әмәлгә ешиши: Англо-Америка дуния империяси көп зиян йәткүзгән. Мәсилән, Иккинчи дуния урушида Қошма Штатлар дүшмәнлиригә қарши икки атом бомбисини ташлиғанда, нурғунлиған адәмләр өлүп, чоң вәйранчилиқ елип кәлгән.
Айәт(ләр): Дан. 11:31; Вәһ. 17:3, 7—11

Пәйғәмбәрлик сөзләр: Он мүңгүзи бар «тоқ қизил» мәхлуқ һаңдин чиқип, сәккизинчи падиша болған. Даниял китавида бу падиша «вәйран қилғучи жиргиничлик номуссизлиқ» дәп аталған.

Әмәлгә ешиши: Хәлиқара Иттипақ Иккинчи дуния уруши вақтида паалийәтсиз болған. Уруштин кейин БДТ униң «орниға» чиққан. Хәлиқара иттипақиға охшаш, БДТ Худа Падишалиғи әмәлгә ашуридиған ишларни қилимән дәйду. БДТ динларға һуҗум қилиду.

4 җәдвәлниң 4-си: ахир заман вә бүгүнки күндин Армагедонғичә йүз беридиған вақиәләргә мунасивәтлик пәйғәмбәрлик сөзләр. Россия вә униң иттипақдашлири шималий падиша болиду. Англо-Америка дуния империяси җәнубий падиша болиду. 10-бәшарәт: Дөләт рәһбәрлири «течлиқ вә бехәтәрлик» дәп елан қилиду. Буниңдин кейин дәһшәтлик балаю апәт башлиниду. 11-бәшарәт: Дөләтләр бирлишип сахта диний тәшкилатларни йоқ қилиду. 12-бәшарәт: Һөкүмәтләр бирлишип Худа хәлқигә һуҗум қилиду. Йәрдә қалған майланғанлар асманда җәм болиду. 13-бәшарәт: Армагедон. «Ақ атта» олтарған «чавандаз» «ғәлибә қазиниду». Йәттә беши бар мәхлуқ йоқ қилиниду вә чоң бир таш һәйкәлниң төмүр вә сеғиз лайдин ясалған путлириға урулуп, уни вәйран қилиду. Җәдвәлдә йәнә көрситилгәнләр: 1-бәшарәт: йәттә беши бар мәхлуқ (Армагедонғичә давамлишиду). 5-бәшарәт: төмүр вә сеғиз лайдин ясалған пут (Армагедонғичә давамлишиду). 6-бәшарәт: бүгүнки күндә 8580000 вәз ейтқучи бар. Йәһва Худаниң хәлқигә тәсир қилған вақиәләр: 2017-жили Россия һөкүмити Гувачиларни түрмигә ташлап, филиал беналирини мусадирә қилған.

Айәт(ләр): Сал. 1-х. 5:3; Вәһ. 17:16

Пәйғәмбәрлик сөзләр: Дөләт рәһбәрлири «течлиқ вә бехәтәрлик» дәп елан қилиду. «Он мүңгүз» вә «мәхлуқ» «паһишигә» һуҗум қилип, уни вәйран қилиду. Буниңдин кейин һәммә һөкүмәтләр йоқ қилиниду.

Әмәлгә ешиши: Дөләт рәһбәрлири течлиқ вә бехәтәрликни орнаттуқ дәп, елан қилиши мүмкин. Андин БДТ тәшкил қилған дөләтләр сахта диний тәшкилатларни йоқ қилиду. Бу дәһшәтлик балаю апәтниң башлиниши болиду. Дәһшәтлик балаю апәт Шәйтанниң пүтүн дунияси Армагедон урушида йоқ қилинғанда ахирлишиду.
Айәт(ләр): Әзәк. 38:11, 14—17; Мәт. 24:31

Пәйғәмбәрлик сөзләр: Гог (Йәҗүҗ билән Мәҗүҗ) Худа хәлқиниң зиминиға һуҗум қилиду. Кейин пәриштиләр «таллиғанлирини» жиғиду.

Әмәлгә ешиши: Шималий падиша башқа һөкүмәтләр билән бирлишип, Худа хәлқигә һуҗум қилиду. Шу һуҗум башланғандин кейин, йәрдә қалған майланғанлар асманда җәм болиду.
Айәт(ләр): Әзәк. 38:18—23; Дан. 2:34, 35, 44, 45; Вәһ. 6:2; 16:14, 16; 17:14; 19:20

Пәйғәмбәрлик сөзләр: «Ақ атта» олтарған «чавандаз» Гог вә униң қошунлирға қарши җәң қилип, «ғәлибә қазиниду». «Жиртқуч һайван», йәни мәхлуқ, «гуңгут көйүватқан от көлигә» ташлиниду вә чоң бир таш һәйкәлни вәйран қилиду.

Әмәлгә ешиши: Худа Падишалиғиниң Падишаси Әйса Мәсиһ Йәһва Худаниң хәлқини қутқузуш үчүн келиду. Әйса, 144000 киши вә пәриштиләр Худа хәлқигә һуҗум қилидиған дөләтләр иттипақини йоқ қилиду. Бу Шәйтан дуниясиниң ахири болиду.