Россия Украинаға тәҗавуз қилди

Дуниядики нурғун дөләтләрниң рәһбәрлириниң уруштин сақлиниш үчүн көрсәткән тиришчанлиғиға қаримай, 2022-жили февральниң 24-күни таң сәһәрдә, Россия Украинаға һәрбий тәҗавуз қилишни башлиди. Бу уруш дунияға қандақ тәсир көрситиши мүмкин? Бирләшкән дөләтләр тәшкилатиниң баш кативи Антонио Гутьеррес бир нәччә күн илгири мундақ деди: «Бу урушниң Европа вә пүтүн дунияниң бехәтәрлигигә зиян йәткүзүп, инсанларға қанчилик еғир азап-оқубәт вә вәйранчилиқларни елип келидиғанлиғини тәсәввур қилиш интайин қийин».

Муқәддәс китапқа асасланғанда, буниңға охшаш иш-вақиәләрниң йүз бериши немини көрситип бериду?

• Әйса Мәсиһ: «Бир милләт йәнә бир милләт билән уруш қилиду. Бир дөләт йәнә бир дөләткә һуҗум қилиду»,— дәп шундақ бир вақит келидиғанлиғини алдин бәшарәт бәргән еди (Мәтта 24:7, ҺЗ). «Ахирқи күнләр» яки «ахир заманниң» аламәтлири немә?» дегән мақалини оқуң. Муқәддәс китап, бүгүн йүз бериватқан урушларниң Әйса ейтқан бәшарәтләрни әмәлгә ашуридиғанлиғини көрситип бериду.

• Муқәддәс китаптики Вәһий китавида уруш «йәр йүзидики тинчлиқни елип кетиш» һоқуқи берилгән рәңги қизил атни мингүчи чавандаз сүпитидә тәсвирләнгән (Вәһий 6:4, ҺЗ). Бу бәшарәтниң бүгүнки урушқа наһайити мас келидиғанлиғини билиш үчүн «Төрт чавандаз улар кимләр?» (рус.) дегән мақалини оқуң.

• Даниял китавида, «шимал падишаси» билән «җәнуп падишаси» оттурисидики дүшмәнлишиш бәшарәт қилинған (Даниял 11:25—45, ҺЗ). Немә үчүн Россия вә униң иттипақдашлирини «шимал падишаси» дәп тонушқа болидиғанлиғини билиш үчүн «Әмәлгә ашурулған бәшарәт — Даниял 11-бап» (рус.) намлиқ видеони көрүңa.

• Вәһий китавида йәнә «Һәммигә Қадир Худаниң улуқ күнидә болудиған» уруш тәсвирләнгән (Вәһий 16:14, 16). Амма бу биз һазир көрүватқан дөләтләр оттурисидики уруш әмәс. Кәлгүсидә йүз беридиған вақиәләр һәққидә көпирәк мәлуматларға еришиш үчүн, «Армагедон уруши дегән немә?» (рус.) дегән мақалини оқуң.

Немә үчүн кәлгүсигә үмүт билән көз тикәләймиз?

• Муқәддәс китапта, Худа «У, җаһанниң у четигичә болған урушларни тохтитиду» дейилгән (Зәбур 46:9 [45:10]). Худа вәдә қилған кәлгүси тоғрисида техиму көпирәк мәлуматларға еришиш үчүн, «Әтимиз үчүн гөзәл бир үмүт» (рус.) намлиқ мақалини оқуң.

• Әйса өз әгәшкүчилиригә Худа Падишалиғиниң келишини тиләп дуа қилишни үгәткән еди (Мәтта 6:9, 10). У Падишалиқ Худаниң йәр йүзи үчүн қилған ирадисини әмәлгә ашуридиған асмандики һөкүмәт. Худаниң ирадиси дунияниң течлиғини өз ичигә алиду. Бу падишалиқниң сиз үчүн қандақ пайдиси барлиғини билиш үчүн «Худаниң Падишалиғи дегән немә?» намлиқ видеони көрүң.

Украинада 129000дин көпирәк Йәһва гувачилири бар. Башқа дөләтләрдики Гувачиларға охшаш улар сәясий җәһәттә бетәрәп туруш вә урушқа қатнишишни рәт қилиш арқилиқ Әйсани үлгә қилиду (Йоһан 18:36). Дунияниң җай-җайлирида, Йәһва гувачилири давамлиқ «Падишалиқ хуш хәвирини», йәни урушни өз ичигә алған инсанийәтниң барлиқ қийинчилиқлирини Худа Падишалиғи һәл қилидиғанлиғини җакалаватиду (Мәтта 24:14). Сиз Муқәддәс китаптики кишигә үмүт беғишлайдиған вәдиләр һәққидә техиму көпирәк билим елишни халисиңиз, биз билән алақә қилиң.