Худаниң достлири. Улар ким?

Әйса Мәсиһ Худаниң роһаний Оғли вә Униң әң йеқин һәм қиммәтлик дости. Йәрдә туғулуштин авал Әйса асманда қудрәтлик роһаний шәхс болуп яшиған (Йоһан 17:15). Андин У адамләрни Худа тоғрисида һәқиқәтқә үгитиш үчүн йәргә кәлгән (Йоһан 18:37). У шундақла бойсунған адәмләрни гуна вә өлүмдин қутулдуруш үчүн өзиниң инсан җенини бәргән (Римлиқларға 6:23). Әнди Әйса йәрни җәннәткә айландуридиған Худа Падишалиғиниң яки асман һөкүмитиниң падишаси (Вәһий 19:16).

Периштәләрму Худаниң достлири. Периштәләр һаятини адәмләрдәк йәрдә башлимиған. Уларни Худа йәрни яритиштин авал асманда яратқан (Аюп 38:4—7). Миллионлиған периштәләр бар (Даниял 7:10). Мошу Худаниң асмандики достлири адәмләрниң Йәһвә Худа тоғрилиқ һәқиқәтни билгинини халайду (Вәһий 14:6, 7).

Худаниң йәрдиму достлири бар. Худа уларни өзиниң Гувачилири дәп атайду. Гувачи сотта бирси яки бир нәрсә тоғрисида билгинини ейтиду. Йәһвә Гувачилири адәмләргә Йәһвә Худа вә Униң нийити тоғрилиқ билгинини ейтмақта. (Йәшая 43:10). Улар периштәләргә охшаш сизгә Йәһвә Худа тоғрисидики һәқиқәтни билиштә ярдәм қилишни халайду. Улар сизниңму Худа дости болушиңизни халайду.