Күзитиш мунариниң ОНЛАЙН КИТАПХАНИСИ
Күзитиш мунари
ОНЛАЙН КИТАПХАНА
Уйғур (кирилл йезиғи)
ә
  • ә
  • ғ
  • җ
  • қ
  • ң
  • ө
  • ү
  • һ
  • МУҚӘДДӘС КИТАП
  • НӘШИРЛӘР
  • УЧРИШИШЛАР
  • mwbr19 сентябрь 1—8 б.
  • «Һаятимиз вә хизмитимиз. Иш дәптири» үчүн мәлумат мәнбәлири

Бу таллашта видео йоқ.

Кәчүрүң, видеони көрситиш чағда чатақ пәйда болди.

  • «Һаятимиз вә хизмитимиз. Иш дәптири» үчүн мәлумат мәнбәлири
  • «Һаятимиз вә хизмитимиз. Иш дәптири» үчүн мәлумат мәнбәлири (2019)
  • Кичик мавзулар
  • 2—8 сентябрь
  • 9—15 сентябрь
  • 16—22 сентябрь
  • 23—29 сентябрь
  • 30-сентябрь—6-октябрь
«Һаятимиз вә хизмитимиз. Иш дәптири» үчүн мәлумат мәнбәлири (2019)
mwbr19 сентябрь 1—8 б.

«Һаятимиз вә хизмитимиз. Иш дәптири» үчүн мәлумат мәнбәлири

2—8 сентябрь

ХУДА СӨЗИДИКИ ҒӘЗНӘ | ИБРАНИЙЛАРҒА 7, 8

Сән Малкисидиққа охшайдиған әбәдий роһанийдурсән

it «Малкисидиқ», 1, 2-абз.

Малкисидиқ

Қедимий Салимниң Падишаси вә Улуқ [Йәһва] Худаниң роһанийси (Яр 14:18, 22). Муқәддәс Язмиларда у тунҗа тилға елинған роһаний болған. У б.м.и 1933-жилдин бурун мәлум бир вақитта роһанийлиқ вәзиписини өтигән. Малкисидиқ Салимниң Падишаси болған. Салим дегән сөзниң мәнаси «тинчлиқ», шуңа Паул Малкисидиқни «Тинчлиқ Падишаси» вә униң исмиға асасән «һәққанийәт Падишаси», дәпму атиған (Иб 7:1, 2, ЙД). Қедимий Салим кейинчә тәрәққий қилип, Йерусалим шәһиригә айланған. Йерусалим сөзи «Салим» сөзини өз ичигә алиду вә бәзидә Салим дәп аталған (Зб 76:2).

Ибрам (Ибраһим) Кедорлаомәр вә униң билән иттипақлашқан падишалири мәғлуп қилғандин кейин, «Шавәһ вадиси» яки «Падиша вадиси» дәп аталған җайға кәлгән. Шу вақитта, Малкисидиқ Ибраһимниң алдиға нан билән шарапни елип чиқип, Ибраһимни бәрикәтләп: «Ибрамни асман-зиминниң Яратқучиси — Әң Улуқ Худа бәрикәтлисун! Сениң қолуңға дүшмәнлириңни тапшурған Әң Улуқ Илаһ мубарәк болсун!»— деди. Шуниң билән, Ибраһим олҗа алған нәрсиләрниң ондин бир үлишини Падиша вә роһаний болған Малкисидиққа бәрди. Әшу олҗиларни Ибраһим падишаларниң қолидин тартип алған еди (Яр 14:17—20; Иб 7:4).

it «Малкисидиқ»/«Малкисидиқниң “һаятиниң башлиниши вә ахирлишиши тоғрисида бирәр хатирә йоқтур” дегән сөзләр немини билдүриду?», 1-абз.

Малкисидиқ

Малкисидиқниң “һаятиниң башлиниши вә ахирлишиши тоғрисида бирәр хатирә йоқтур” дегән сөзләр немини билдүриду?

Малкисидиқ тоғрисида әлчи Паул алаһидә сөзләрни ейтқан. У: «Атисиз, анисиз, нәсәбнамисиз, күнлириниң башлиниши вә һаятиниң ахирлишиши йоқ, бәлки у Худаниң Оғлиға охшитилип, баш роһаний болуп мәңгү қалмақта»,— дегән еди (Иб 7:3). Малкисидиқ башқа инсанларға охшаш туғулуп, бир мәзгил һаят кәчүрүп, өлүп кәткән. Амма Муқәддәс китапта униң ата-анисиниң исимлири, әҗдатлири вә әвлатлири һәмдә униң қачан туғулуп, қачан өлгәнлиги һәққидә һечнәрсә йезилмиған. Шуңа, Малкисидиқни мисал қилип, мәңгүлүк роһаний Әйса Мәсиһ һәққидә бәшарәт бериш бәкму орунлуқ болған. Йәнә Малкисидиқниң бириниң орниға роһаний вәзиписини алидиғанлиғи яки бириниң кәлгүсидә униң орниға роһаний болидиғанлиғи һәм вәзипә орниға варислиқ қилидиған орунбасири болғанлиғи һәққидиму һечқандақ мәлумат йезилмиған. Шуңа, Мәсиһтин илгири һечким униңға охшаш Баш роһаний болмиған, вә униң орниға варислиқ қилидиған избасири болмайду. Униңдин башқа гәрчә Әйса Йәһуда қәбилисидин Давутниң әвлади болуп туғулған болсиму, амма униң роһанийлиқ хизмитини қилип кәлгән әҗдатлири болмиған. Йәнә Мәсиһниң әҗдатлири арисида бирла вақитта падишалиқ вә роһанийлиқ вәзиписини орунлиған һечким йоқ еди. Йәһва қәсәм қилғини бойичә, Әйса әшу вәзипиләргә егә болған.

it «Малкисидиқ»/«Мәсиһниң роһанийлиқ вәзиписи»

Малкисидиқ

Мәсиһниң роһанийлиқ вәзиписи. Мәсиһ һәққидики бир бәшарәттә Йәһва Худа Давутниң Һәзритигә мундақ қәсәм қилған: «Сән Малкисидиққа охшаш әбәдил-әбәдкичә роһанийдурсән» (Зб 110:1, 4, ЙД). Худаниң илһами билән йезилған Зәбурниң бу айәтлири, вәдә қилинған Мәсиһ падишалиқ вә роһанийлиқ вәзиписигә егә болидиғанлиғиға ибранийларниң ишиниши үчүн йетәрлик сәвәп болалайду. Әлчи Паул ибранийларға язған хетидә, вәдә қилинған киши һәққидики һәрқандақ гуманларни йоққа чиқирип, «У Мәлкисадиққа [Малкисидиқ] охшайдиған мәңгү баш роһаний болди»,— дәп чүшәндүргән (Иб 6:20; 5:10; ӘҺДӘ яки КЕЛИШИМ дегән сөзләргә қараң.).

Роһий гөһәрләрни издәйли

w00 8.15. 14-б., 11-абз.

Худани хурсән қилидиған қурбанлиқлар

11 Әлчи Паул: «Һәрқандақ баш роһаний һәдийәләрни һәм қурбанлиқларни әкелишкә тәйинлиниду»,— дегән (Ибранийларға 8:3). Байқиған болсиңиз, әлчи Паул қедимки Исраилларниң заманида баш роһанийлар икки түрлүк қурбанлиқларни кәлтүргән. Бири «һәдийәләр», йәнә бири болса, «гуналар үчүн» қурбанлиқларни қилған (Ибранийларға 5:1). Адәттә адәмләр өзиниң меһир-муһәббитини ипадиләш, достлиғини күчәйтиш, башқиларни хурсән қилиш яки уларниң қобул қилишиға еришиш үчүн һәдийәләрни суниду. (Яритилиш 32:20; Пәнд-нәсиһәтләр 18:16). Шуниңға охшаш, Муса қанунида бәлгүләнгән һәдийләрни сунуш Худани хурсән қилишни яки Униң қобул қилишиға еришишни мәхсәт қилған. Қанунға хилаплиқ қилған кишидин төләм төләш, йәни «гуналар үчүн қурбанлиқлар» әкелиш тәләп қилинған. «Тәврат», болупму Мисирдин чиқиш, Ләвийләр вә Санлар китаплири қурбанлиқ сунуш тоғрисида көп мәлуматлар билән тәминләйду. Гәрчә, һәр түрлүк қурбанлиқларниң инчикә тәпсилатлирини чүшиниш вә әстә сақлаш асан болмисиму, амма шулар һәққидики асасий ой-пикирни әстә тутушимизға әрзийду.

it «Әһдә»/«Қайси мәнада Қанун Әһдисиниң вақти өткән?»

Әһдә

Қайси мәнада Қанун Әһдисиниң вақти өткән?

Йәһва Худа Йәрәмия пәйғәмбәр арқилиқ Йеңи әһдә яки келишим түзидиғанлиғини җакалиғанда, қандақту бир мәнада әшу Қанун Әһдисиниң вақти өткәнлигини көрсәтти (Йр 31:31—34; Иб 8:13). Б.м. 33-жили Әйса Мәсиһ түврүк яғачқа миқланғандин башлап, Қанун Әһдиси бекар қилинип, униң орниға йеңи әһдини турғузған еди (Кл 2:14; Иб 7:12; 9:15; Әлч 2:1—4).

9—15 сентябрь

ХУДА СӨЗИДИКИ ҒӘЗНӘ | ИБРАНИЙЛАРҒА 9, 10

Буниң һәммиси — кәлгүсиниң сайиси

it «Кәчүрүм», 2-абз.

Кәчүрүм

Исраил хәлқигә берилгән қанун бойичә, бири Худаға яки өз қериндишиға қарши гуна қилған болса, һәмдә кәчүрүмгә еришишни халиса, қанунда бәлгүләнгәндәк, авал хаталиғини түзитиши, андин кейин көпинчә әһвалларда қан төкүш арқилиқ кәчүрүм қурбанлиғини тәғдим қилиши керәк болған (Лв 5:5—6:7). Бирақ әлчи Паул төвәндики принципни оттуриға қойған: «Қанун бойичә һәммә нәрсә дегидәк қан арқилиқ тазилиниду һәм қан төкүлмәй, кәчүрүм болмайду» (Иб 9:22). Әмәлийәттә, һәтта һайванларни қурбан қилип, төккән қан арқилиқ кишиниң гунайини йоқ қилғили вә уни пак вижданға егә қилғили болмайду (Иб 10:1—4; 9:9, 13, 14). Әксичә, Муқәддәс китапта бәшарәт қилинған Йеңи Әһдә, йәни Әйса Мәсиһниң төләм қурбанлиғила бир кишини гунайидин һәқиқий кәчүрүмгә ериштүрәләйду (Йр 31:33, 34; Мт 26:28; К1х 11:25; Әф 1:7). Һәтта йәр йүзидә болғанда, бир паләч адәмни сақайтиш арқилиқ гунани кәчүрүм қилиш һоқуқиға егә болғанлиғини көрсәткән еди (Мт 9:2—7).

cf 183-б., 4-абз.

«Маңа әгишивәр»

4 Әйса асманға қайтқандин кейин, униң қандақ қарши елинғанлиғи вә Худа билән қайта җәм болғанда, қандақ хошал-хорамлиққа толғанлиғи һәққидә Муқәддәс Язмиларда һечнемә йезилмиған. Бирақ асманға қайтқандин кейин узун өтмәй, немә иш йүз беридиғанлиғи һәққидә алдин-ала ейтилған. Әйса асманға чиқип кетиштин илгирики 1500 жилдин көпирәк вақит давамида, йәһудийлар һәр жили бир муқәддәс мәрасимға гува болған. Һәр жили гуна кәчүрүлүш күни Баш роһаний ибадәтханидики әң муқәддәс җайға кирип, қанни әһдә сандуғиниң алдида чачатти. Әшу күни Баш роһаний қилған иш кәлгүсидә Мәсиһниң қилмақчи болған ишниң бәшарити болған еди. Әйса Мәсиһ асманға қайтқандин кейин, мәрасим һәққидики бәшарәтни бирла қетим мәңгүгә әмәлгә ашурған. Мәсиһ Худаниң һәйвәтлик һузури, йәни каинаттики әң муқәддәс җайға киргән вә төләм қурбанлиғини Йәһваға тәғдим қилған (Ибранийларға 9:11, 12, 24). Йәһва шу төләмни қобул қилдиму?

it «Мукәммәллик»/«Муса қануни мукәммәл»

Мукәммәллик

Муса қануни мукәммәл. Худаниң Муса арқилиқ Исраилға бәргән қануни роһанийлиқ хизмити вә уларниң һәрхил һайванатларни қурбанлиққа сунуш һәққидики һәртүрлүк қаидә-низамларни өз ичигә алған. Гәрчә Худадин кәлгән қанун мукәммәл болған болсиму, әлчи Паул муқәддәс роһниң йетәкчилигидә, мәйли қанун, роһанийлиқ хизмити яки сунған қурбанлиқлар болсун, һечқайсиси қанун бойичә яшиған адәмләрни мукәммәлликкә ериштүрәлмигән (Иб 7:11, 19; 10:1). Әмәлийәттә болса, қанун кишиниң гуна вә өлүмдин азат қилалмайла қалмай, бәлки униң гунакар екәнлигини ашкарә қилған (Рм 3:20; 7:7—13). Худаниң барлиқ орунлаштуруши Худаниң ирадисини әмәлгә ашуруш үчүн хизмәт қилған. Бу қанун «тәрбийилигүчи» сүпитидә кишиләрни Әйса Мәсиһкә йетәкләп, кәлгүсидики гөзәл ишларниң көләңгүсини мукәммәл тәсвирлигән (Гл 3:19—25; Иб 10:1). Шу сәвәптин, әлчи Паул мундақ дегән: «Инсанлар намукәммәл болғини үчүн, Тәврат қануниға толуқ әмәл қилалмиған» (Рм 8:3, ЙД). Әлчи Паул Ибранийларға 7:11, 18—28 (ЙД) айәтләрни чүшәндүргәндә, наһайити ениқ қилип, (Муса қануни бойичә қурбанлиқ сунуш орунлаштурушиға вә гуна кәчүрүлүш күнидә қурбанлиқ қени билән әң муқәддәс җайға киришкә мәсъул болған) намукәммәл йәһудий роһанийларниң кишини «пүтүнләй қутқузушқа» қадир болалмайдиғанлиғини көрсәткән. Гәрчә Һаронниң әвлатлири арқилиқ сунулған қурбанлиқлар кишиләрни Худаниң қобул қилишиға ериштүрәлисиму, амма уларни гунаниң җазасидин пүтүнләй яки мукәммәл қутқузуп қалалмиған. Әлчи Паул Худаниң алдиға кәлгәнләрниң пәқәт қурбанлиқ «әкәлгүчиләрни мукәммәл қилалмайду» дәпла қалмай, шуңа уларниң вижданиниму мукәммәл һаләттә пак қилалмайдиғанлиғини көрсәткән (Иб 10:1—4; Иб 9:9ни селиштуруң.). Роһанийлар гунадин һәқиқий азат қилидиған төләмни төләлмәйду, пәқәт мәңгү Баш роһаний болидиған Мәсиһла инсанийәтни қутқузуш үчүн җенини төләм қурбанлиғи сүпитидә берәләйду (Иб 9:14; 10:12—22).

Роһий гөһәрләрни издәйли

w92 3.1. 31-б., 4—6 абз.

Оқурмәнләрниң соаллири

Әлчи Паул Худа билән инсанлар арисидики әһдиниң күчкә егә болуши үчүн чоқум бири өлүп, қан төкүлүши керәклигини тилға алған. Қанун әһдиси шуниң бир мисали. Худа билән Исраил хәлқи арисидики әһдиниң түзилишидә Муса алаһидә муһим роль ойнап, улар арисида васитичи болған. Шуңа Муса қануний әһдини түзгүчи дәп қаралған. Бу әһдини болса, Йәһва Худа Өзи орунлаштурған. Бирақ Муса қануний әһдини күчкә егә қилиш үчүн чоқум өз қенини аққузуши керәк болғанму? Әлвәттә яқ, Мусаниң орниға һайванатлар қурбанлиқ сүпитидә сунулуп, уларниң қени төкүлгән (Ибранийларға 9:18—22).

Йәһва Худа билән роһий Исраилниң арисидики йеңи әһдә қандақ түзүлгән? Әйса Мәсиһ Йәһва Худа билән роһий Исраиллар арисида васитичи болуп алаһидә шан-шәрәплик вәзипини орунлиған. Гәрчә Йәһва Худа бу әһдини орунлаштурған болсиму, амма Мәсиһ бу әһдиниң түзүлишидә һул асаси болған. Йеңи әһдиниң васитичиси болуштин башқа, Әйса йәр йүзидә инсан болуп яшиғанда, йеңи әһдә түзүдиғанлар билән беваситә алақидә болған (Луқа 22:20, 28, 29). У йәнә әшу әһдини күчкә егә қилидиған зөрүр болған қурбанлиқни сунушқа лайиқ болған еди. Бу қурбанлиқ үчүн һайванатлар әмәс, мукәммәл инсанниң һаяти тәләп қилинған. Шуңа Паул Мәсиһни йеңи әһдини түзгүчи дәп атиған. «Мәсиһ... биз үчүн Худаниң алдида турушқа асманниң өзигә» киргәндин кейинла, йеңи әһдә күчкә егә болған еди (Ибранийларға 9:12—14, 24).

Әлчи Паул гәрчә Муса вә Әйсани әһдә түзгүчиләр сүпитидә тилға алған, у иккисини шу әһдини орунлаштурғучи демигән. Әмәлийәттә һәр иккила әһдини Йәһва Худа Өзи орунлаштурған. Амма Муса билән Әйса васитичи болуп шу әһдиләрниң түзүлишидә беваситә роль ойниған. Һәр иккила вәзийәттә, бири өлүп, қан төкүлүши керәк еди. Мәсилән, Мусаниң орниға һайванатларниң қени төкүлгән, Әйса болса, йеңи әһдини түзгүчиләр үчүн қурбанлиқ берип, өз қенини аққузған.

it «Чөмдүрүлүш»/«Әйсаниң суда чөмдүрүлүши», 2-абз.

Чөмдүрүлүш

Луқа, Әйса пәйғәмбәр чөмдүрүлгәндә, дуа қиливатқан дәп ейтқан (Лқ 3:21). Униңдин башқа Ибранийларға йезилған хәтниң язғучиси мундақ дегән: Әйса Мәсиһ «дунияға кәлгәндә» (бу йәр йүзигә инсан болуп туғулған вақитни билдүрмәйду, чүнки у шу вақитта техи хәт оқалматти вә айәттә тилға елинған сөзләрни ейталматти, бирақ бу чөмдүрүлүштин өткән вә вәз қилишни башлиған вақитни билдүриду), Зәбур 40:6—8дики сөзләрни ейтқан: «Қурванлиқларни һәм һәдийәләрни Сән халимидиң, лекин маңа тән тәйярлидиң.... Мана! Мән кәлдим,— түртәктә мән тоғрилиқ йезилған,— Худа, Сениң ирадәңни орунлаш үчүн» (Иб 10:5—9). Әйса йәһудий хәлқи арисида туғулған, Худа бу милләт билән әһдә түзгән еди (Чқ 19:5—8; Гл 4:4). Шу сәвәптин, Әйса Йәһияниң алдиға чөмдүрүлүшкә келиштин бурун, у аллиқачан Йәһва Худа билән әһдини түзүп болған еди. Әйса чөмдүрүлүштин өтүш арқилиқ қанун тәләп қилғандин көпирәк ишни қилған. Әйса Атисиниң ирадисини орунлаш вә қанун тәләп қилған һайванатни қурбанлиққа сунушни әмәлдин қалдуруш үчүн, Атисиға өз тенини қурбанлиқ сүпитидә тапшуруши керәк еди. Әлчи Паул изаһлап мундақ дегән: «Мошу “ирадә” бойичә бир қетим һәм мәңгүгә Әйса Мәсиһниң тениниң һәдийәси арқилиқ биз муқәддәсләндуқ» (Иб 10:10). Худаниң Әйса Мәсиһ үчүн қилған ирадиси Худа Падишалиғи тоғрисидики ишларни өз ичигә алған. Әйса разилиқ билән өзини шу хизмәтни қилишқа беғишлиған (Лқ 4:43; 17:20, 21). Йәһва Худа өзини беғишлиған сөйүмлүк Оғлини қобул қилип, муқәддәс роһ билән Мәсиһ қилғанда, мундақ җакалиған: «Сән Мениң сөйүмлүк Оғлум. Мән сәндин разимән» (Мк 1:9—11; Лқ 3:21—23; Мт 3:13—17).

16—22 сентябрь

ХУДА СӨЗИДИКИ ҒӘЗНӘ | ИБРАНИЙЛАРҒА 11

Етиқатниң муһимлиғи

w16.10 27-б., 6-абз.

Йәһваниң вәдилиригә ишәнч бағлаң

6 Муқәддәс китапта Ибранийларға 11:1дә (оқуң) етиқат һәққидә изаһәт берилгән. Айәттә етиқат көзүмизгә көрүнмәйдиған икки түрлүк нәрсини өз ичигә алидиғанлиғи көрситилгән: 1) «үмүт қилған нәрсә» — бу техи йүз бәрмигән, вәдә қилинған келәчәктә йүз беридиған ишларни, мәсилән, барлиқ рәзилликләрниң йоқ қилиниши вә йеңи дунияниң келишидур. 2) «Көрүнмәйдиған... нәрсә» болса, көрүнмәйдиған һәқиқәтләр, шу җүмлидин Йәһва Худа, Әйса Мәсиһ, пәриштиләр вә Худа Падишалиғи елип бериватқан иш-паалийәтләргә ишәнч қилиштур (Ибр. 11:3). Ундақта үмүтимизниң тирик екәнлигини вә Худа Сөзидә ейтилған көзгә көрүнмәйдиған нәрсиләргә ишәнч бағлиғанлиғимизни қандақ испатлалаймиз? Гәп-сөз вә иш-һәрикәтлиримиз арқилиқ испатлаймиз. Буниңсиз һәқиқий етиқадимизни көрситәлмәймиз.

w13 11.1. 11-б., 2—5 абз.

«Уни әстаидил издигәнләрни У мукапатлайду»

Немә Йәһвани хурсән қилиду? Паул: «Етиқатсиз Худаға йеқиш әсли мүмкин әмәс»,— дәп ейтқан. Диққәт қилған болсиңиз, Паул етиқат болмиса, Худани хурсән қилиш қийин дәп әмәс, әксичә буни қилиш мүмкин әмәс дәп ейтқан. Башқичә сөз билән ейтқанда, Худани хурсән қилиш үчүн етиқат яки ишәнч болуши зөрүр.

Худани хурсән қилиш үчүн қандақ етиқадимиз болуши керәк? Худаға болған етиқадимиз икки тәрәпни өз ичигә елиши керәк. Биринчи, биз «Униң бар екәнлигигә» ишинишимиз керәк. Йәнә бир тәрҗимидә «У бар... дәп ишәнмәк лазим», дәйду. Әгәр биз Худаниң барлиғиға гуман қилсақ, қандақму Уни хурсән қилиш мүмкин болиду? Йәһваниң барлиғиға ишинишниң өзи йетәрлик әмәс, чүнки җинларму шуниңға ишиниду (Яқуп 2:19). Әгәр биз Худаниң мәвҗутлиғиға һәқиқәтән ишәнсәк, Худани хурсән қилидиған усулда һаят кәчүрүшимиз керәк, шундила биз өз етиқадимизни испатлалаймиз (Яқуп 2:20, 26).

Иккинчи, биз Йәһваниң «мукапатлайдиғиниға» ишинишимиз керәк. Йәһваға һәқиқий ишәнгән адәм уни хурсән қилип яшашни бекарға кәтмәйдиғанлиғиға чоқум ишәнч қилиши керәк (Коринтлиқларға 1-хәт 15:58). Әгәр биз Худаниң бизни мукапатлашқа қадирлиғиға вә халайдиғанлиғиға гуман қилсақ, Уни хурсән қилиш қандақ мүмкин болиду? (Яқуп 1:17; Петрусниң 1-хети 5:7). Муқәддәс китапта тәсвирләнгән һәқ Худа тоғрисида билмигән кишиләр, Худа сехий әмәс, У инсанларға көңүл бөлмәйду вә улардин хурсән болмайду дәп қарайду.

Тәңри Йәһва Худа кимни мукапатлайду? Әлчи Паул: «Уни әстаидил издигәнләрни» мукапатлайду,— дәп ейтқан. Муқәддәс китап тәрҗиманлири үчүн йезилған пайдилиниш китавида, «әстаидил издәш» дегән грек сөзи сиртқа чиқип издәшни билдүрмәйду. Бәлки ибадәт арқилиқ Худаниң алдиға келиш дегәнни билдүриду дәп йезилған. Йәнә бир пайдилиниш китавида, әшу грек сөзидики пеил көп тиришиш вә диққитини қаритиш дегәнни билдүриду дәп изаһланған. Демәк, Йәһва Худа Өзигә сөйгү вә қизғинлиқ билән ибадәт қилишқа тиришқанларни мукапатлайду (Мәтта 22:37).

w16.10 23-б., 10, 11-абз.

Үмүт қиливатқан нәрсиләргә болған ишәнчиңизни мустәһкәмләң

10 Ибранийларға йезилған хәтниң 11-бабида, әлчи Паул исми тилға елинмиған нурғун Худаниң хизмәтчилириниңму синақларға бәрдашлиқ бәргәнлигини тәсвирлигән. Мәсилән, әшу бапта өлүп кәткән кейин Әйса тирилдүргән оғулларниң анилириниң етиқади тилға елинған. Паул йәнә «улар яхширақ тирилишкә егә болуш үчүн төләм арқилиқ азат қилинишни қобул қилмиған»,— дәп язған (Ибр. 11:35, ЙД). Гәрчә биз Паул кимни көздә тутуп шундақ дегәнлигини ениқ билмисәкму, амма бәзи адәмләр Набот вә Зәкаря қатарлиқ башқилар Худаға бойсунуп, Униң ирадисини орунлиғанлиғи үчүн кишиләр тәрипидин чалма-кесәк қилинип өлтүрүлгән еди (Пад. 1-яз. 21:3, 15; Тар. 2-яз. 24:20, 21). Даниял вә униң үч дости садақәтсизлик қилған болса, «азат қилиниш» пурсити болатти. Бирақ улар Худаниң күч-қудритигә ишәнч қилғанлиғи үчүн «ширларниң еғизлирини япқан» вә «лавулдап йениватқан отни өчүргән» (Ибр. 11:33, 34; Дан. 3:16—18, 20, 28; 6:13, 16, 21—23).

11 Мика вә Йәрәмиягә охшаш пәйғәмбәрләр етиқади сәвәплик мәсхириләргә учрап, зинданға ташланған. Башқилар, мәсилән Илияс «чөлләрдә һәм тағларда, өңкүрләрдә вә гәмиләрдә сәргәрдан болуп жүрди». «Үмүт қилған нәрсиләрниң әмәлгә ашидиғанлиғиға болған ишәнч» сәвәплик, уларниң һәммиси синақларға бәрдашлиқ бәргән еди (Ибр. 11:1, 36—38; Пад. 1-яз. 18:13; 22:24—27; Йәр. 20:1, 2; 28:10, 11; 32:2).

Роһий гөһәрләрни издәйли

it «Ишәнч»/«Қедимда ишәнчини көрсәткән үлгиләр», 1-абз.

Ишәнч

Қедимда ишәнчини көрсәткән үлгиләр. Паул язған булуттәк чоң бир топ гувачиларниң ишәнчисиниң күчлүк һул асаси болған (Иб 12:1). Мәсилән, Һабил иланниң бешини йәнчийдиған Худа вәдә қилған әвлат һәққидә ениқ билгән. У йәнә Йәһва Худа Ерәм беғида ата-аниси үстидин һөкүм қилған җазаниң орунланғанлиғи тоғрилиқ йетәрлик испатларни көргән. Ерәм беғиниң сиртида Адәм ата вә униң аилисидикиләрниң баш-көзи тәргә чөмгәндила тамақ йәләлигән. Чүнки йәр қарғишқа учрап, тикән вә явайи чөпләр өскән еди. Бәлким Һабил Һава аниниң өз еригә ишқиниң қандақ күчлүк болғанлиғини һәм униңға Адәм атиниң қандақ һөкүмранлиқ қилғанлиғини көргән. Шундақла у Һава аниниң һамилдарлиқ азавини аңлиған. Униңдин башқа, Һабил Ерәм беғиниң кириш еғизини қоғдап турған қолида отлуқ қиличларни тутқан керубларни көргән (Яр 3:14—19, 24). Мошу испатларниң һәммиси Һабилни қутқузулушниң вәдә қилинған әвлат арқилиқ келидиғанлиғиға қәтъий ишәндүргән. Шуңа, Һабилниң ишәнчиси уни Қабилниңкигә қариғанда көп «баһалиғирақ қурванлиқни Пәрвәрдигарға» әкелишкә дәвәт қилған (Иб 11:1, 4).

wp17.1 12, 13-б.

У Худани хурсән қилған

Ундақта Һанух қайси мәнада елип кетилгән? Қарши чиққучиларниң уни қийнап өлтүрмәслиги үчүн, Йәһва уни тирикләр арисидин елип кетип, өлүм уйқисида ухлитивәткән. Бирақ авал Һанух Худани хурсән қилған адәм екәнлиги һәққидә гувалиқ алған еди. У гувалиқни қандақ алған? Һанух өлүштин авал, Худадин вәһий елип, йәр-йүзиниң җәннәткә айланғанлиғини көргән болуши мүмкин. Йәһваниң көңлини хурсән қилғанлиғиға көз йәткүзгәндин кейин, Һанух өлүм уйқисиға кәткән. Әлчи Паул Һанух вә башқа Худаниң садиқ хизмәтчилири һәққидә, буларниң һәммиси етиқатиди билән өлүп кәтти дәп язған (Ибранийларға 11:13). Бәлким қарши чиққучилар униң тенини издигән, бирақ уни һеч йәрдин тапалмиған. Худа уни көздин ғайип қилған. У адәмләрниң Һанухниң җәситини харлимаслиғи яки уни ишлитип ялған динни тарқатмаслиғи үчүн шундақ қилған.

23—29 сентябрь

ХУДА СӨЗИДИКИ ҒӘЗНӘ | ИБРАНИЙЛАРҒА 12, 13

Тәрбийә — Йәһва Худаниң меһир-муһәббитиниң испати

w12 3.15. 29-б., 18-абз.

Арқида қалған нәрсиләргә қаримаң

18 Қобул қилишқа қийин болған нәсиһәт. Әгәр берилгән нәсиһәткә нарази болуп, арқида қалған нәрсиләргә қарашқа башлисақчу? Бу көңлүмизни ағритип хапа қилипла қалмай, йәнә бизни чүшкүнлүккә башлайду (Ибр. 12:5). Мәйли биз нәсиһәткә сәл қарайли яки қарши чиқайли, ахирида охшаш нәтиҗә болиду, йәни әшу нәсиһәтниң бизгә һечқандақ пайдиси тәгмәйду. Шундақ пәйттә Сулайманниң мошу нәсиһитигә қулақ селиш даналиқ болиду: «Алған тәрбийәңни чиң тут, қолуңдин кәткүзмигин, уни убдан аманәт қилғин, чүнки у сениң һаятиңдур» (Пәнд н. 4:13). Худди шофер йол бәлгүлиригә бой сунуп маңғандәк, бизму нәсиһәтни қобул қилип уни әмәлий қоллинип давамлиқ алдиға қарап маңайли (Пәнд н. 4:26, 27; Ибранийларға 12:12, 13ни оқуң).

w12 7.1. 21-б., 3-абз.

«Дуа қилғиниңларда мундақ дәңлар: “Атам”»

Көйүмчан ата өз пәрзәнтлиригә тәрбийә бериду, чүнки у пәрзәнтлириниң қандақ адәм болушиға көңүл бөлиду (Әфәсликләргә 6:4). Шундақ ата пәрзәнтлирини түзитиш үчүн чиң тутиду, амма у һәргизму қопал тәрбийә бәрмәйду. Худди шуниңдәк, бизниң асмандики Атимиз Йәһва зөрүр болғанда, бизгиму қаттиқ қоллуқ билән әмәс, һәрдайим меһир-муһәббәт билән тәрбийә бериду. Әйсаму өз атисиға охшаш болған, һәтта өз шагиртлири тәрбийәни дәрһал қобул қилмиғанда, у һәргизму қаттиқ қол болмиған (Мәтта 20:20—28; Луқа 22:24—30).

w18.03 32-б., 18-абз.

Тәрбийәни қобул қилип, дана болуң

18 Түзитиш еғир тегиши мүмкин, лекин Худаниң түзитишини рәт қилишниң ақивети техиму еғир болиду (Ибр. 12:11). Биз Қабил вә Зәдәкия падишаниң вақиәлиридин савақ алалаймиз. Худа Қабилниң инисиға болған өчмәнлигини вә уни өлтүрмәкчи болғанлиғини көргәндә, уни: «Немишкә сән аччиқлинисән һәм немишкә чирайиң бузулди? Әгәр яхшилиқ қилсаң, яқтурмай қалимәнму? Әгәр яхшилиқ қилмисаң, гуна ишик алдида пайлап туриду вә у саңа егә болмақчи, лекин сән униң үстидин һөкүмранлиқ қиламсән?»— дәп агаһландурди (Ярит. 4:6, 7). Қабил Йәһваниң түзитишини рәт қилип, қериндишини өлтүрди, кейин буниң аччиқ ақиветини һаятиниң ахириғичә көрди (Ярит. 4:11, 12). Худаға қулақ салғанда, Қабил шунчилик көп азап көрмәтти.

Роһий гөһәрләрни издәйли

w11 9.15. 18-б., 11-абз.

Мусабиқидә чидам-ғәйрәт билән ахирғичә жүгрәйли

11 Булутқа охшаш бир топ гувачилар пәқәт мусабиқидә өзи яхши көридиған тән һәрикәтчи яки командини тамашә қилиш үчүн кәлгәнләр әмәс, бәлки улар өзлири мусабиқиға қатнашқан жүгригүчиләр болуп, улар аллиқачан мусаписини ғәлибилик тамамлиған. Гәрчә улар өлүп кәткән болсиму, биз йеңи жүгригүчиләргә йенимизда туруп илһам беридиған тәҗрибиси мол жүгригүчиләр дәп қарашқа болиду. Тәсәввур қилип көрүң, сиз мусабиқидә жүгрәп келиватисиз, әтрапиңизда мусаписини ғәлибилик тамамлиған жүгригүчиләр сизни тамашә қиливатиду, шундақ әһвалда сиз қандақ һис-туйғуда болисиз? Сиз илһам елип күчкә толуп, әң ахирқи нишанға йетишкә интилмәмсиз? Қедимқи гувачилар мусабиқә мәйли қанчилик җапалиқ болмисун, уни ғәлибилик тамамлашқа болидиғанлиғини испатлиған. Биринчи әсирдики ибраний Мәсиһ әгәшкүчилири бир топ гувачилардин үлгә елип, чидам-ғәйрәт билән мусабиқини тамамлиған. Бизму шундақ қилалаймиз.

w89 12.15. 22-б., 10-абз.

Йәһвани хурсән қилидиған қурбанлиқларни сунуш

10 Ибранийлар йәһудий диндики һәрхил ят тәлимләрдин жирақ туруши зөрүр болған (Галатилиқларға 5:1—6). Улар әшундақ ят тәлимләр билән әмәс, Худаниң мол меһир-шәпқити билән қәлбини мустәһкәмләп, һәқиқәттә чиң туралатти. Қаримаққа бәзиләр йемәк-ичмәк вә қурбанлиқлар һәққидә талаш-тартиш қилған, чүнки Паул йемәк-ичмәк адәмниң қәлбини мустәһкәм қилалмайду, шу йемәк-ичмәк қаидисигә әгәшкәнләр һечқандақ пайдиға еришәлмәйдиғанлиғини ейтқан. Мәлум бир тамақни йейиш, мәлум күнләрдә байрам өткүзүш әмәс, бәлки Худаға садиқ вә төләмгә миннәтдар болуш роһий җәһәттин пайдиға ериштүриду (Римлиқларға 14:5—9). Униңдин башқа, Әйсаниң қурбанлиғи түпәйли ләвийләрниң қурбанлиқлири күчтин қалди (Ибранийларға 9:9—14; 10:5—10).

30-сентябрь—6-октябрь

ХУДА СӨЗИДИКИ ҒӘЗНӘ | ЯҚУП 1, 2

Гуна вә өлүмгә елип баридиған йол

g17.4 14-б.

Аздурулуш

Адәмни бар нәрсә, болупму яман нәрсә өзигә қаттиқ қизиқтурғанда у киши аздурулуши мүмкин. Мәсилән, дукан арилиған чағда чирайлиқ бир нәрсигә көзиңиз чүшти дәйли. Оюңизға «һичким байқимиғанда уни оғурливалай» дегән ой келип қалиду. Шу чағда вижданиңиз сизни дәрру тохтитиду. Шуниң билән сиз яман ойни ташлап йолиңизни давамлаштурисиз. Бу аздурулушқа берилмәй йеңип чиққанлиғиңиз.

МУҚӘДДӘС КИТАП НЕМӘ ДӘЙДУ

Аздурулушқа дуч келип, хата арзу-һәвәстә болуш сизниң яман адәм екәнлигиңизни көрсәтмәйду. Муқәддәс китап һәммимиз аздурулушқа дуч келимиз дәйду (Коринтлиқларға 1-хәт 10:13). Аздурулушқа дуч кәлгәндә бизниң қандақ иш-һәрикәт қилишимиз әң муһим. Бәзиләр намувапиқ ой-пикирни ташлимай узунғичә давамлаштурса, һаман бир күни арзу-һәвәслириниң кәйнигә кирип кетиду. Башқилири болса, хата ой-пикирни дәрһалла чиқирип ташлайду.

«Һәрким өз һәвәси билән аздурулуп һәм униңға берилип, синилиду» (Яқуп 1:14).

g17.4 14-б.

Аздурулуш

Муқәддәс китап хата йолға кирип қелишниң һәрбир қәдимини ашкарилайду. Яқуп 1:15-айәт мундақ дәйду: «[Хата] һәвәс һамилдар болуп, гунани туғиду, қилинған гуна болса, өлүмни туғиду». Демәк, аял һамилдар болуп бала туққинидәк, хата арзу-һәвәслиримизни ташлимай узунғичә давамлаштурсақ, һаман бир күни арзу-һәвәслириниң кәйнигә кирип, гунаға қол тиқимиз. Амма биз хата арзу-һәвәслиримизни тизгинләп, униң қули болуштин сақлиналалаймиз.

Роһий гөһәрләрни издәйли

it «Нур»/«Йоруқлуқниң мәнбәси», 4-абз.

Нур

Йәһва «асман йоруқлуқлириниң Атиси» (Яқ 1:17). Худа «қуяшни күндүздә нур болсун дәп бәргән, ай-юлтузларни кечидә нур болсун» (Йр 31:35) дәп бәлгүләпла қоймиған, У Өзи барлиқ йоруқлуқларниң мәнбәсидур (К2х 4:6). Униң қануни, буйруқлири вә сөзи нурға охшаш болуп, бу нурға әгишишни халиғанларни йетәкләйду (Зб 43:3; 119:105; П.н 6:23; Йша 51:4). Зәбур язғучиси мундақ дегән: «Сениңда һаятлиқ мәнбәси, Сениң нуруңда биз нур көримиз» (Зб 36:9; Зб 27:1; 43:3ни селиштуруң). Худди қуяш нури көтирилип, «күн чүш болғичә» барғансири йоруғандәк, Худадин кәлгән әқил-парасәтниң йорутиши билән һәққанийларниң йоли барғансири йоруқ болиду (П.н 4:18). Киши Худаниң көрсәтмиси бойичә һаят кәчүрсә, Униң нурида маңған болиду (Йша 2:3—5). Әксичә, киши бир нәрсигә яман нийәт, йәни рәзил көз билән қариса, у роһий қараңғулуққа чүшүп кетиду. Әйса мундақ дегән: «Әгәр көзүң рәзил болса, пүткүл бәдиниң қараңғу болиду. Әгәр сәндики йоруқ қараңғулуқ болса, бу немә дегән йоған [қорқунучлуқ] қараңғулуқтур!» (Мт 6:23; Қ. ш 15:9; 28:54—57; П.н 28:22; Пт2х 2:14).

it «Қанун»/«Падишаниң қануни»

Қанун

«Падишаниң қануни». «Падишаниң қануни» кишилик мунасивәткә йетәкчилик қилидиған қанунларниң арисида әң муһим вә әң алаһидә орунда туриду (Яқ 2:8). Қануний әһдиниң һул асаси меһир-муһәббәт болуп, барлиқ қанун вә пәйғәмбәрликләр хошнаңни өзүңни сөйгәндәк сөй (падишаниң қануни) дегән иккинчи әмиргә жиғинчақланған (Мт 22:37—40). Шуңа Мәсиһ әгәшкүчилири гәрчә қанун әһдисиниң астида болмисиму, йеңи әһдигә асасән, Падиша Йәһваниң қануниға, йәнә Униң Оғли Падиша Мәсиһниң қануниға чоқум бойсуниши керәк.

    Уйғур тилидики нәширләр (2000—2025)
    Чекинип чиқиш
    Тизимлитип кириш
    • Уйғур (кирилл йезиғи)
    • Бөлүшүш
    • Баплашлар
    • Copyright © 2025 Watch Tower Bible and Tract Society of Pennsylvania
    • Пайдилиниш шәртлири
    • Мәхпийлик сәясити
    • Мәхпийәтлик тәңшәклири
    • JW.ORG
    • Тизимлитип кириш
    Бөлүшүш