58-ДӘРИС
Йәһваға садиқ болуп қелиң
Мәсиһниң һәқиқий әгәшкүчилири Йәһваға ибадәт қилишқа һечнемә яки һечкимниң тосқунлуқ қилишиға йол бәрмәсликкә қәтъий бәл бағлиған. Шәк-шүбһисизки, сизму шундақ бәл бағлидиңиз. Йәһва сизниң садақәтмәнлигиңизни қәдирләйду (Тарихнамә 1-язма 28:9ни оқуң). Қандақ вәзийәтләрдә Униңға болған садақәтмәнлигиңиз синилиши мүмкин вә садиқ қелишиңизға немә ярдәм берәләйду?
1. Инсанлар Йәһваға болған садақитимизни қандақ синиши мүмкин?
Бәзи кишиләр бизниң Йәһваға хизмәт қилишимизға тосқунлуқ қилиду. Ким бундақ ишни қилиду? Һәқиқәттин үз өргән бәзи кишиләр етиқадимизни аҗизлаштуруш үчүн, Худаниң тәшкилати тоғрилиқ ялған гәп-сөзләрни қилиду. Униңдин башқа, бәзи диний рәһбәрләр биз тоғрилиқ ялған учурларни тарқитип, хәтәрни көрүп йетәлмигәнләрниң һәқиқәт йолини ташлап кетишигә сәвәпчи болиду. Һәрқандақ қарши турғучилар билән бәс-муназирә қилиш, уларниң китаплирини яки тордики язмилирини оқуш, торбәтлирини зиярәт қилиш яки видеолирини көрүш биз үчүн хәтәрлик. Улар башқиларни Йәһваға садиқлиқ билән хизмәт қилиштин тохтитишқа уруниду. Улар тоғрилиқ Әйса Мәсиһ мундақ дегән: «Уларға қаримаңлар. Улар — қарғу йетәклигүчиләр. Әгәр қарғу қарғуни башлап маңса, һәр иккилиси ориға чүшүп кетиду» (Мәтта 15:14).
2. Шәхсий қарарлиримиз Йәһваға болған садақитимизни қандақ синиши мүмкин?
Йәһвани чин дилимиздин сөйсәк, биз сахта дин билән бағлиниши бар һәрқандақ ишлардин жирақ туримиз. Биз қилидиған иш, әза болған тәшкилатлар вә шуғуллинидиған һәрқандақ иш-паалийәтләр сахта дин билән қилчиму бағлинишлиқ болмаслиғи керәк. Йәһва бизни мундақ агаһландуриду: «Мениң хәлқим, ... униңдин [Бүйүк Бабилдин] чиқиңлар» (Вәһий 18:2, 4).
ЧОҢҚУРИРАҚ ҚЕЗИҢ
Һәрқандақ бириниң Йәһваға болған садақәтмәнлигиңизни аҗизлаштурушиға йол бәрмәслик үчүн немиләрни қилалайдиғанлиғиңизни үгинивелиң. Йәнә Бүйүк Бабилдин чиқип, садақәтмәнлигиңизни қандақ көрситәләйдиғанлиғиңизни биливелиң.
3. Сахта тәлим бәргүчиләрдин еһтият қилиң
Әгәр Йәһваниң тәшкилати тоғрилиқ сәлбий гәп-сөзләрни аңлисақ, немә қилишимиз керәк? Пәнд-нәсиһәтләр 14:15ни оқуң, кейин төвәндики соалға җавап бериң:
Немә үчүн аңлиған һәммила гәп-сөзләргә ишинип кетиштин еһтият қилимиз?
Йоһанниң 2-хети 9–11ни оқуң, кейин төвәндики соалларға җавап бериң:
Һәқиқәттин үз өргүчиләргә қандақ муамилә қилишимиз керәк?
Һәқиқәттин үз өргүчиләр билән беваситә алақә қилмисақму, еһтиятчан болмисақ, қайси йоллар билән уларниң хата тәлимлириниң тәсиригә учрап қелишимиз мүмкин?
Әгәр биз Йәһва яки Униң тәшкилати тоғрилиқ сәлбий гәп-сөзләрни тиңшисақ, У қандақ һис-туйғуда болиду?
4. Етиқатдишимиз еғир гуна өткүзүп қойғанда, Йәһваға садиқ қелиң
Әгәр җамаәттә бириниң еғир гуна қилғанлиғини билсәк, бизниң қандақ мәҗбурийитимиз бар? Қедимқи Исраил хәлқигә берилгән Худаниң қанунидики бир принцип үстидә ойлинип көрүң. Лавийлар 5:1ни оқуң.
Бу айәттики көрсәтмиләр бойичә, әгәр биз бирсиниң еғир гуна өткүзгәнлигини билсәк, ақсақалларға билгәнлиримизни ейтишимиз керәк. Амма шундақ қилиштин илгири, гунакарни ақсақалларниң қешиға өзи берип, гунасини иқрар қилишиға үндәш меһир-муһәббәт көрсәткәнлик болиду. Әгәр у бундақ қилмиса, Йәһваға болған садақитимиз бизни ақсақалларға билгәнлиримизни ейтишқа дәвәт қилиду. Шундақ қилсақ,...
Йәһва Худаға садиқ сөйгү-муһәббитимизни қандақ көрситәләймиз?
гуна қилған кишигә садиқ сөйгү-муһәббитимизни қандақ көрситәләймиз?
җамаәттики башқа қериндашларға садиқ сөйгү-муһәббитимизни қандақ көрситәләймиз?
Әгәр етиқатчи хәтәрлик әһвалға чүшсә, униңға ярдәм бериң!
5. Бүйүк Бабилдин чиқип кетиң
Луқа 4:8 вә Вәһий 18:4, 5ни оқуң, кейин төвәндики соалларға җавап бериң:
Сахта дин билән бағлинишлиқ урп-адәтләрдин пүтүнләй ваз кәчтимму?
Башқа дин билән бағлинишлиқ тәшкилатниң әзасимәнму?
Ишим мәлум җәһәттин сахта динни қоллап-қувәтләмду?
Һаятимниң йәнә қайси саһасида сахта диндин айрилишим керәк?
Әгәр бу соаллардин биригә «һә» дәп җавап бәрсәм, қандақ өзгәртишләрни қилишим керәк?
Барлиқ вәзийәтләрдә вижданиңиз сизни азаплимайдиған вә Йәһваға болған садақәтмәнлигиңизни нәмаян қилидиған қарарни чиқириң.
Әгәр сиздин диний хәйир-сахавәт ишлириға ианә беришни сориса, немә қилаттиңиз?
БӘЗИЛӘР МУНДАҚ ДӘЙДУ: «Мән һәқиқәттин үз өргәнләрниң Йәһва гувачилири тоғрилиқ немә дегәнлигини билишим керәк. Шундила мән һәқиқәтни қоғдалаймән».
Шундақ қилиш даналиқ боламду? Немә үчүн?
ХУЛАСӘ
Йәһваға садиқ болуп қелиш үчүн бизни алдимақчи болған кишиләрдин сақлинишимиз зөрүр.
Тәкрарлаш
Биз немә үчүн һәқиқәттин үз өргүчиләрниң көзқарашлирини аңлимаслиғимиз керәк?
Бир қериндашниң еғир гуна қилғанлиғини билип қойсақ, биз немә қилишимиз керәк?
- Сахта диндин чиқиш тоғрилиқ агаһландурушқа қандақ қулақ салалаймиз?
ИЗДИНИП КӨРҮҢ
Башқилар Йәһва гувачилири тоғрилиқ ялған хәвәрләрни тарқатқанда, қандақ инкас қайтурушни үгиниң.
«Сиздә ишәнчлик дәлил-испатлар барму?» («Күзитиш мунари» 2018-жил, август)
Бүйүк Бабилни қоллайдиған тәшкилат яки иш-паалийәтләрни қандақ пәриқләндүрәләйсиз?
Һәқиқәттин үз өргән бәзиләр иман-етиқадимизни аҗизлаштурушқа урунуп, немиләрни қилған?
«Балилиқ чеғимдин башлапла Худани издигән едим» намлиқ тәрҗимиһалдин Синто диний рәһбириниң сахта дин билән алақисини үзгәнлигини оқуң.
«Муқәддәс китап һаятни өзгәртиду» («Күзитиш мунари» 2011-жил, 1-июль)