«Муқәддәс Китап. Мәдһийә тәрҗимисиниң» «Худа Сөзи билән тонушуш» бөлүминиң ярдими билән сөһбәтни башлаң
1. Адәмләр билән сөһбәт башлашқа ярдәмлишидиған қандақ йеңи қошумчә бар?
1 «Муқәддәс китап. Мәдһийә тәрҗимисиниң» биринчи бәтлиридә «Худа Сөзи билән тонушуш» дегән қошумчә бөлүм бар. Хизмәт үчүн тәвсийә тәйярлиғанда мошу йеңи қурални қандақ пайдиланалаймиз? Соаллар һәм уларға җавап беридиған айәтләр мавзулар бойичә бөлүнгәнликтин, униң ярдими билән сөһбәт башлаш асан.
2. Хизмәттә «Худа Сөзи билән тонушуш» қошумчисини қандақ қоллинимиз?
2 Мәсилән, 8-соални таллап, мундақ сорашқа болиду: «Биз барлиқ адәмләр билән нурғун кишиләрни беарам қиливатқан мону соални муһакимә қиливатимиз: “Худа инсанларниң азап-оқубәтлиригә әйипликму?” Бу тоғрисида сиз қандақ ойлайсиз? [Җававини күтүң.] Муқәддәс Китап бу соалға қанаәтлинәрлик җавап бериду». Андин кейин соалниң астида кәлтүрүлгән айәтләрниң бирини яки бирнәччисини оқуп, муһакимә қилиң. Әгәр киши қизиқип қалса, 5-бәттики 20 соалниң тизимини көрситип, таллап алған соалниң бирини келәрқи қетим биллә қараштурудиғиниңизни ейтиң. Муһакимә қилинған мавзуға тегишлик көпирәк мәлумат йезилған үгиниш әдәбиятлириниң бирини торбәттин көрситиң.
3. «Худа Сөзи билән тонушуш» қошумчини пайдилинип, мәсиһий әмәс адәмләр билән сөһбәтни қандақ башлашқа болиду?
3 Мәсиһий әмәс адәмләргә вәзә қилғанда, 4, 13—17 соалларни қараштуруш интайин пайдилиқ болиду. Мәсилән, 17-соални қараштуруш үчүн мундақ дәп көрүң: «Бир мақал бар:“Өйлиниш оңай, өй-очақ болуш қийин”. Сиз мошу пикир билән келишәмсиз? [Җававини күтүң.] Нурғун аилиләр “аял болса ерини чоңқур һөрмәтлисун” дегән мәслиһәтниң пайдилиқ екәнлигигә көз йәткүзди [Кәлтүрилгән айәт Әфәсликләргә 5:33 тә йезилғинини ейтишниң һаҗити йоқ. Әгәр аял киши билән сөзләшсиңиз, Әфәсликләргә 5:28 дики сөзләрни ейтип бериң.] Мошу мәслиһәткә бойсунушниң қандақ пайдиси бар дәп ойлайсиз?»
4. Мәсиһий әмәс адәм билән сөзләшкәндә, сөһбәтни қандақ аяқлаштурушқа болиду?
4 Ахирида сөһбәтни кейинки қетим кәлгәндә давамлаштурушниң йолини издәң. Буниң үчүн қараштурулған соалға берилгән башқа бир айәтни оқуп беришни реҗиләштүрсиңиз болиду. Орунлуқ болса, өй егисигә айәтниң Муқәддәс Китаптин елинғанлиғини ейтиң. Муһакимә қилинған мавзуға яки адәмниң Муқәддәс Китапқа дегән көзқарашиға бенаән, пайдилиқ болидиған әдәбиятни торбәттин көрситиң.