«Хуш хәвәр» китапчисиниң ярдими билән тәлим берәйли
1. «Хуш хәвәр» китапчиси қандақ йезилған?
1 Июль ейиниң «Вәзилик хизмитимиздә» ейтилғинидәк, тәлим бериш үчүн әҗайип қурал-үскүниләрниң бири — «Худадин кәлгән хуш хәвәр» китапчиси. Бу китапчидә Муқәддәс китап айәтлири нәқил кәлтүрүлмигәнликтин, өй егиси уларни беваситә Муқәддәс китаптин оқуп берәләйду. Тәтқиқ қилиш әдәбиятлириниң көпинчиси тәтқиқ қилғучиларниң башқиларниң ярдимисиз оқуши үчүн йезилған. Бу китапчә болса, тәлим бәргүчи билән биллә тәтқиқ қилиш үчүн нәшир қилинған. Шуңа, өй егисигә тәтқиқ қилишниң қандақ өтидиғанлиғини көрситишимиз керәк. Шу чағда у Муқәддәс китаптин хуш хәвәрни тонуп-билишниң қанчилик қизиқ екәнлигини көрүп йетәләйду (Мәт. 13:44).
2. Адәмгә биринчи қетим барғанда «Хуш хәвәр» китапчисини қандақ қоллиналаймиз?
2 Биринчи қетим барғинимизда. Мундақ дәп ейтишқа болиду: «Адәмләр пат-пат “Бу дуния нәгә кетип бариду?” — дәп ойлиниду. Қандақ ойлайсиз, дуниядики әһвал яхши болидиған заман келәмду? [Җававини күтүң.] Муқәддәс язмиларда бизгә үмүт беридиған хуш хәвәр йезилған». Андин мас келидиған мавзуни ечип, тәтқиқ қилишниң қандақ өткүзүлүдиғанлиғини көрситиң. Башқа варианти: өй егисигә өзүңиз таллавалған мавзудин бирәр қизиқ соал қоюп, җававини Муқәддәс китаптин қандақ тепишқа болидиғанлиғини көрситип бериң. Әгәр jw.org торбетимиздә шу мавзуға мас келидиған видеоролик болса, уни тәвсийә қилғанда көрсәтсиңиз болиду.
3. «Хуш хәвәр» китапчисиниң ярдими билән Муқәддәс китапни қандақ тәтқиқ қилишқа болидиғанлиғини чүшәндүрүп бериң.
3 Муқәддәс китапни тәтқиқ қилишни қандақ өткүзүшкә болиду? 1) Өй егисиниң диққитини асасий ой-пикиргә қаритиш үчүн, рәқәм билән берилгән вә қелин һәрипләр билән йезилған соални қоюң. 2) Абзацни оқуң. 3) Айәтләрни оқуш вә әдәплик рәвиштә соалларни бериш арқилиқ мошу айәтләр мавзуни қандақ ечип беридиғанлиғини көрситиң. 4) Соалниң астида йәнә бир абзац болса 2 вә 3 қәдәмләрни қайтидин орунлаң. Әгәр соалға җавап беридиған видеороликни өй егисигә техи көрсәтмигән болсиңиз, муһакимә қилиш җәриянида көрситиң. 5) Өй егисиниң чүшәнгәнлигигә көз йәткүзүш үчүн униң рәқәм билән берилгән соалға җавап беришини сораң.
4. Бу әҗайип қурал-үскүнни үнүмлүк қоллиниш үчүн немә қилиш керәк?
4 Мошу әҗайип қурал-үскүнә билән яхшилап тонушуп чиқиң. Һәрқандақ мүмкинчиликни пайдилинип, уни қоллинишқа тиришиң. Һәрбир тәтқиқ қилишниң алдида тәтқиқ қилғучи тоғрилиқ вә берилгән айәтләрни пайдилинип, униң билән қандақ яхширақ музакирә қилишқа болидиғанлиғи һәққидә ойлиниң (Пәнд н. 15:28; Әлч. 17:2, 3). Тәҗрибә топлап, маһаритиңиз риваҗланғансири, бу китапчә адәмләргә һәқиқәт тоғрилиқ тәлим бериштә әң яхши көридиған қурал-үскүнлириңизниң бири болуп қелиши муқәррәр!