Тәтқиқ қилиш үчүн яхши шараит яритиң

Шәхсий үгинишниң көпирәк пайдисини көрүшни халамсиз? Мошу нәсиһәтләр сизгә ярдәм берәләйду:

• Қолайлиқ җайни таллаң. Оқушқа қолайлиқ болуш үчүн йоруқ вә пакиз җайни тепиң. Үстәлдә олтирип өткүзсиңиз болиду яки таза һавада қолайлиқ йәрни таллисиңиз болиду.

• Хали җайни тепиң. Әйса һечким тосалғу қилмайдиған йәрдә дуа қилиш үчүн «таң атмастинла» турған (Марк 1:35). Ялғуз қелиш мүмкинчилиги болмиса, аилә әзалириңизға яки сиз билән туриватқан кишиләргә шәхсий үгиниш өткүзидиғанлиғиңизни хәвәрләп қоюң. Шу чағда улар буни әскә елип, сизгә кашила қилмайду.

• Зеһин қоюп тәтқиқ қилиң. Әгәр тәтқиқ қилиш үчүн телефон яки планшетни пайдилансиңиз, диққитиңизни башқа нәрсиләргә җәлип қилмаслиғи үчүн уни үнсиз режимға қоюп қоюң. Әгәр муһим бир иш есиңизгә чүшүп қалса, уни кейин қилиш үчүн йезип қоюң. Зәң қоюп оқуш қийин болса, сүкүт қилиң.