ۋەقە
ھەممە ئادەملەرگە ئىچ ئاغرىتىش
يېڭى زېلانىدىيادىكى بىر قېرىنداش بىر كۈنى «تەننىڭ ئەزالىرى بىر-بىرىگە غەمخورلۇق قىلىدۇ» ناملىق فىلىمنى كۆردى. بۇ فىلىمدا يەھۋا خۇدا ھىسداشلىقنى ھېس قىلىپ قالماي، ئۇنى ئەمەلىيەتتە كۆرسىتىدىغانلىقى مۇلاھىزە قىلىنغان (يەشايا 63:7–9). قېرىندىشىمىز ئۆگەنگەنلىرىنى ئەمەلىيەتتە قوللىنىشنى قارار قىلىپ، باشقىلارغا ياردەم قىلىشنىڭ مۇمكىنچىلىكىنى ئىزدىگەن. كېلەركى كۈنى ئوزۇق-تۈلۈك دۇكانىدا ئۆيى يوق ئايالنى ئۇچرىشىپ، ئۇنىڭغا تاماق سېتىپ ئېلىشنى تەكلىپ قىلدى. ئايال قارشى بولمىدى. قېرىندىشىمىز تاماقنى ئېلىپ كەلگەندە، «قايغۇ-ھەسرەت بولمايدىغان ۋاقىت كېلەمدۇ؟» دېگەن ۋاراقچىنى قوللىنىپ، قىسقىچە ۋەز ئېيتقان.
شۇ چاغدا ئايال كۆزىگە ياش ئالدى. ئۇ ھەقىقەتتە چوڭ بولۇپ، بىراق كۆپ يىللار بۇرۇن تاشلاپ كەتكەنلىكىنى ئېيتتى. يېقىندا ئۇ يەھۋاغا دۇئا قىلىپ، ئۇنىڭغا قايتىپ كېلىشكە ياردەم سورىغان ئېكەن. قېرىندىشىمىز ئۇنىڭغا مۇقەددەس كىتابنى بېرىپ، ئۆگىنىش دەرسىنى تەكلىپ قىلدىa.
بىز يەھۋا خۇدادىن ئۈلگە ئېلىپ، ئۇرۇق-تۇغقانلىرىمىزغا ۋە جامائەتتىكى قېرىنداشلارغا ئىچ ئاغرىتىمىز ۋە ئادەملەرگە گۇۋاھلىق بېرىش ئۈچۈن پۇرسەت ئىزدەيمىز.
a پائالىيەتسىز بولۇپ قالغان ئېتىقادداشلارغا قانداق ياردەم بېرىشكە بولىدىغانلىقىنى 2020-يىلنىڭ ئىيۇن سانىدىكى «كۈزىتىش مۇنارىدىكى» «مېنىڭ يېنىمغا قايتىپ كېلىڭلار» ناملىق ماقالىدىن بىلەلەيسىز.