يەھۋا گۇۋاھچىلىرىنىڭ يېتەكچى كېڭىشى خىزمىتىنى قانداق تەشكىللەيدۇ؟
يېتەكچى كېڭەش — پۈتۈن دۇنيادىكى يەھۋا گۇۋاھچىلىرىغا كۆرسەتمە بېرىدىغان روھىي جەھەتتىن يېتىلگەن مەسىھ ئەگەشكۈچىلىرىدىن تەشكىللەنگەن كىچىك بىر توپ. ئۇلار ئىككى تۈرلۈك خىزمەتكە مەسئۇل:
ئۇلار نەشىرى ماتېرىياللار، ئىبادەت يىغىلىشلىرى ۋە يەھۋا گۇۋاھچىلىرىنىڭ مەكتەپلىرى ئارقىلىق مۇقەددەس كىتابقا ئاساسلانغان تەلىم-تەربىيە ياكى كۆرسەتمىلەرنىڭ تەييارلىنىشىغا يېتەكچىلىك قىلىدۇ.—لۇقا 12:42.
ئۇلار ۋەز ئېيتىش خىزمىتىمىزگە كۆرسەتمىلەرنى بېرىش ۋە توپلانغان ئىئانىلەرنى قانداق ئىشلىتىشنى ئورۇنلاشتۇرۇش ئارقىلىق يەھۋا گۇۋاھچىلىرىنىڭ دۇنياۋىي ئىش-پائالىيىتىگە يېتەكچىلىك قىلىدۇ.
يېتەكچى كېڭەش بىرىنچى ئەسىردە ياشىغان ‹يېرۇسالىمدىكى ئەلچىلەر ۋە ئاقساقاللاردىن› ئۈلگە ئالىدۇ. ئۇلارمۇ جامائەتلەرنىڭ پايدىسى ئۈچۈن مۇھىم قارارلارنى چىقارغان (ئەلچىلەر 15:2). ئاشۇ سادىق ئادەملەرگە ئوخشاش، يېتەكچى كېڭەشنىڭ ئەزالىرى تەشكىلاتىمىزنىڭ باشلىقلىرى ئەمەس. ئۇلار يەھۋا خۇدانىڭ جامائەتنىڭ بېشى سۈپىتىدە ئەيسا مەسىھنى تەيىنلىگەنلىكىنى ئېتىراپ قىلىپ، مۇقەددەس كىتابتىن يوليورۇق ئىزدەيدۇ.—1-كورىنتلىقلار 11:3؛ ئەفەسلىكلەر 5:23.
يېتەكچى كېڭەشنىڭ ئەزالىرى كىملەر؟
يېتەكچى كېڭەشنىڭ ئەزالىرى: كېننېت كۇك، گېيج فىلىگېل، سېمۇئېل خېرد، جېففىرى جېكسون، جودې جېيدىلى، ستىۋېن لېتت، گېررىت لئوش، جېيكوپ رامف، مارك ساندېرسون، دېيۋىد سىپلېين ۋە جېفىرى ۋىندېر. ئۇلار ۋورۋىكتىكى (نيۇ-يورك) مەركىزى باش باشقارمىدا خىزمەت قىلىدۇ.
يېتەكچى كېڭەشنىڭ خىزمىتى قانداق تەشكىللەنگەن؟
يېتەكچى كېڭەش تۈرلۈك خىزمەتلەرگە يېتەكچىلىك قىلىدىغان ئالتە كومىتېتنى قۇرغان ۋە كېڭەشنىڭ ھەر بىر ئەزاسى بىر ياكى بىرنەچچە كومىتېتتا خىزمەت قىلىدۇ.
ماسلاشتۇرۇش كومىتېتى. قانۇنىي ئىشلارغا يېتەكچىلىك قىلىپ، تەبىئىي ئاپەتلەر ۋە ئىمان-ئېتىقادى سەۋەبلىك زىيانكەشلىككە ئۇچراۋاتقان قېرىنداشلىرىمىزغا يار-يۆلەك بولۇش ھەمدە يەھۋا گۇۋاھچىلىرى بىلەن مۇناسىۋەتلىك جىددىي ئىشلاردا ياردەم بېرىشكە مەسئۇل.
خادىملار كومىتېتى. بەيتەل ئائىلىسى ئەزالىرىغا مۇناسىۋەتلىك ئىشلارغا مەسئۇل.
نەشرىيات كومىتېتى. مۇقەددەس كىتابقا ئاساسلانغان ماتېرىياللارنىڭ نەشىر قىلىنىشى ۋە يەتكۈزۈلۈشى، شۇنداقلا يىغىلىش جايلىرى، تەرجىمە ئىشخانىلىرى ۋە بەيتەل قۇرۇلۇش ئىشلىرىغا مەسئۇل.
خىزمەت كومىتېتى. «پادىشاھلىق خۇش خەۋىرى»نى ۋەز قىلىش ئىشىغا يېتەكچىلىك قىلىشقا مەسئۇل.—مەتتا 24:14.
تەلىم بېرىش كومىتېتى. ئىبادەت يىغىلىشلىرى، مەكتەپلەر، ئاۋازلىق ھۆججەتلەر ياكى فىلىم قاتارلىق پروگراممىلار ئارقىلىق بېرىلىدىغان يوليورۇقلارنى تەييارلاش ئىشىغا مەسئۇل.
يازغۇچىلار كومىتېتى. باسما ماتېرىياللىرىمىز ۋە تور بېكىتىمىز ئارقىلىق بېرىلىدىغان يوليورۇقلارنى تەييارلاش ھەمدە تەرجىمە خىزمەت ئىشىغا مەسئۇل.
مۇشۇ كومىتېتلارنىڭ ئىشىدىن باشقا، يېتەكچى كېڭەش تەشكىلاتىمىزنىڭ ئېھتىياجلىرى ھەققىدە مۇھاكىمە قىلىش ئۈچۈن ھەر ھەپتە يىغىلىدۇ. ھەممە بىردەك قارارغا كېلىش ئۈچۈن ئۇلار مۇقەددەس يازمىلار ئۈستىدە مۇھاكىمە قىلىدۇ ۋە خۇدانىڭ مۇقەددەس روھىنىڭ ئۇلارنى يېتەكلىشىگە يول بېرىدۇ.—ئەلچىلەر 15:25.
يېتەكچى كېڭەشكە كىملەر ياردەم بېرىدۇ؟
يېتەكچى كېڭەشنىڭ خىزمەتلىرىگە ئىشەنچىلىك مەسىھ ئەگەشكۈچىلىرى ياردەم بېرىدۇ (1-كورىنتلىقلار 4:2). ئۇلار ئۆزلىرى خىزمەتكە تەيىنلەنگەن كومىتېتنىڭ ئىشلىرىنى ياخشى چۈشىنىدۇ. ئۇلارنىڭ ۋەزىپىلەرنى ئورۇنداش قابىلىيىتى ۋە تەجرىبىسى بار. ئۇلار كومىتېتنىڭ ھەر ھەپتىلىك يىغىلىشلىرىغا قاتنىشىدۇ، ئەمما ئۇلار قارار چىقىرىشقا ئاۋاز بەرمىسىمۇ، پايدىلىق مەسلىھەت ۋە قوللاپ-قۇۋۋەتلەيدىغان ئۇچۇر ياكى مەلۇماتلارنى ئوتتۇرغا قويىدۇ. ئۇنىڭدىن باشقا، ياردەمچىلەر يېتەكچى كېڭەشنىڭ ماقۇللىغان قارارلىرىنى ئەمەلىي ئورۇندايدۇ، ئورۇنداش خىزمىتىنىڭ قانداق كېتىۋاتقانلىقى ۋە ئۇنىڭ نەتىجىسىنى تەكشۈرۈپ تۇرۇشقا مەسئۇل. شۇنىڭدەك يەنە، يېتەكچى كېڭەش ئۇلارنى يىللىق يىغىلىشلاردا ياكى گىلىئاد مەكتىپىنىڭ ئوقۇش پۈتتۈرۈش مۇراسىملىرىدا نۇتۇق ئېيتىشقا تەيىنلىشى مۇمكىن.
كومىتېت |
ئىسىم |
|---|---|
ماسلاشتۇرۇش كومىتېتى |
|
خادىملار كومىتېتى |
|
نەشرىيات كومىتېتى |
|
خىزمەت كومىتېتى |
|
تەلىم بېرىش كومىتېتى |
|
يازغۇچىلار كومىتېتى |
|