-
بالايىئاپەتلەر ئۈمىد بېرەركۈزىتىش مۇنارى. 2011 | ماي 1
-
-
بالايىئاپەتلەر ئۈمىد بېرەر
«ئاخىر زاماندا ئىنتايىن تەس ۋاقىتلار كېلىدۇ».—2-تىموتىي 3:1.
سىز تۆۋەندە تىلغا ئېلىنغان ئېچىنارلىق ۋەقەلەرنى ئاڭلىدىڭىز ياكى كۆردىڭىزمۇ؟
● نۇرغۇنلىغان ئادەملەر ۋابا كېسىلىدىن ئۆلۈپ كېتىۋاتىدۇ.
● ئاچارچىلىق سەۋەبىدىن يۈزلىگەن كىشىلەر ھاياتىدىن ئايرىلىپ قېلىۋاتىدۇ.
● يەر تەۋرەشتە مىڭلىغان ئادەملەر جېنىدىن ئايرىلىپ، نۇرغۇن ئادەملەر ئۆي-ماكانسىز قېلىۋاتىدۇ.
كېيىنكى ماقالىلەردە، سىز مۇشۇ ۋەقەلەرگە ئوخشاش، دۇنيانىڭ ئەھۋالى ناچارلىشىپ كېتىۋاتقانلىقىنى كۆرسىتىدىغان يەنە باشقا ۋەقەلەرنى كۆرۈپ چىقىسىز. ئۇنىڭدىن باشقا، بۇ ۋەقەلەر مۇقەددەس كىتابتا «ئاخىر زامان» دەپ ئاتالغان دەۋردە يۈز بېرىدىغانلىقى بېشارەت قىلىنغانلىقىنى كۆرىسىز.
بەلكىم، سىز بۇنداق ۋەقەلەرنى ئۆز كۆزۈڭىز بىلەن كۆرۈۋاتقانسىز. شۇڭا، بىر قاتار ماقالىلەرنىڭ مەقسىتى سىزنى بالايئاپەتلەرگە تولغان دۇنيادا ياشاۋاتقانلىقىمىزغا ئىشەندۈرۈش ئەمەس، بەلكى ئۈمىد بېرىشتۇر. بىز ئالتە بېشارەتنى كۆرۈپ چىقىمىز. ئۇلارنىڭ ئەمەلگە ئېشىۋاتقانلىقى، مۇشۇ «ئاخىر زامان»نىڭ پات-يېقىندا ئاخىرلىشىدىغان كۈنى كېلىدىغانلىقىنى ئىسپاتلايدۇ. يەنە بىر قاتار ماقالىلەردە، «ئاخىر زامان»نىڭ ئالامەتلىرىگە قارشى كەڭ تارقالغان كۆزقاراش مۇھاكىمە قىلىنىدۇ ۋە كەلگۈسىدە ئاجايىپ گۈزەل تۇرمۇش كەچۈرىدىغانلىقىمىزغا ئىشىنىشنىڭ سەۋەبلىرى كۆرسىتىلىدۇ.
-
-
1. يەر تەۋرەشلەركۈزىتىش مۇنارى. 2011 | ماي 1
-
-
1. يەر تەۋرەشلەر
«شىددەتلىك يەر تەۋرەشلەر يۈز بېرىدۇ».—لۇقا 21:11.
● ھايتىدا يۈز بەرگەن يەر تەۋرەش ھەققىدە خەۋەر قىلىۋاتقان مۇخبىر بىر كىچىك بالىنىڭ پەس ئاۋازدا يىغلاۋاتقانلىقىنى ئاڭلاپ قالدى. بۇ بىر يېرىم ياشلىق ۋىننې ئىسىملىك قىز ئىدى. ئۇنى خارابىلەر ئاستىدىن قۇتقۇزۇپ چىقاردى. گەرچە ئۇ ئامان قالغان بولسىمۇ، ئۇنىڭ ئاتا-ئانىسى ھاياتىدىن ئايرىلدى.
دەلىل-ئىسپاتلار نېمىنى كۆرسىتىدۇ؟
2010-يىل، يانۋاردا ھايتىدا يۈز بەرگەن 7 بال يەر تەۋرەشتە 300000 دىن كۆپرەك كىشى ئۆلۈپ كەتتى. كۆزنى يۇمۇپ ئاچقۇچە تەخمىنەن 1 مىليون 300 مىڭ ئادەم ئۆي-ماكانسىز قالدى. بىراق، پەقەتلا ھايتىدا بۇنداق شىددەتلىك يەر تەۋرەش يۈز بېرىپ قالماي، 2009-يىل ئاپرېلدىن 2010-يىل ئاپرېلغىچە، دۇنيانىڭ ھەر قايسى جايلىرىدا كەم دېگەندە 18 شىددەتلىك يەر تەۋرەش يۈز بەرگەن.
كەڭ تارقالغان كۆز قاراش
يەر تەۋرەشلەر كۆپەيگىنى يوق. زامانىۋىي پەن-تېخنىكا تەرەققىي قىلغاچ، يەر تەۋرەشلەر توغرۇلۇق بۇرۇنقىغا قارىغاندا كۆپرەك خەۋەرلەرنى ئاڭلايمىز.
بۇ ھەقىقەتەن شۇنداقمۇ؟
دىققەت قىلىپ كۆرۈڭ: مۇقەددەس كىتابتا ئاخىر زاماندا يەر تەۋرەشلەرنىڭ تېخىمۇ كۆپىيىپ كېتىدىغانلىقى ھەققىدە ھېچنەرسە يېزىلمىغان. ئەمما، «نۇرغۇن جايلاردا» «شىددەتلىك يەر تەۋرەشلەر»نىڭ بولۇشى ئاخىر زاماننىڭ بەلگىلىرىدىن بىرى بولىدۇ، دەپ يېزىلغان.—ماركۇس 13:8؛ لۇقا 21:11.
سىز قانداق ئويلايسىز؟
مۇقەددەس كىتابتا بېشارەت قىلىنغان شىددەتلىك يەر تەۋرەشلەر بۈگۈنكى كۈندە بولۇۋاتامدۇ؟
يەر تەۋرەشلەر ئاخىر زاماندا ياشاۋاتقانلىقىمىزنى ئىسپاتلايدىغان ئالتە بېشارەتنىڭ پەقەت بىرى. ھازىر ئىككىنچىسىگە دىققەت ئاغدۇرايلى.
[قىستۇرما تېكىسىت]
«بىز [گېئوفىزىكلار] ئۇلارنى كۈچلۈك يەر تەۋرەشلەر دەيمىز. باشقىلار بولسا، ئۇلارنى شىددەتلىك دەيدۇ».—كېن خادنات، گېئولوگ، ئامېرىكا.
[رەسىم]
© William Daniels/Panos Pictures
-
-
2. ئاچارچىلىقكۈزىتىش مۇنارى. 2011 | ماي 1
-
-
2. ئاچارچىلىق
«ئاچارچىلىق بولىدۇ».—ماركۇس 13:8.
● بىر كىشى ئاچارچىلىقتىن قۇتۇلۇش ئۈچۈن كۋاراتېگە (نىگېرىيە) يېزىسىغا پاناھلىق ئىزدەپ كەلدى. كېيىن، ئۇنىڭ ئۇرۇق-تۇغقانلىرىمۇ شۇ يېزىسىغا كۆچۈپ كەلدى. بىراق، بۇ كىشى تۇغقانلىرىدىن ئۆزىنى قاچۇرۇپ يۈرىدۇ. نېمە ئۈچۈن؟ شۇ يېزىدىكى يىگىت بېشى سېدې سەۋەبىنى چۈشەندۈرۈپ مۇنداق دەيدۇ: «ئۇ ئۆز [ئائىلىسىنى] باقالمايدۇ، شۇڭا ئۆز تۇغقانلىرىنىڭ يۈزىگە قاراشتىن ئۇيۇلىدۇ».
دەلىل-ئىسپاتلار نېمىنى كۆرسىتىدۇ؟
ھەر كۈنى دۇنيادا ھەر يەتتە كىشىدىن بىرى ئاچ قورساق يۈرىدۇ. ساخارا چۆللۈكىنىڭ جەنۇبىدىكى ئافرىقا دۆلەتلىرىدە ئەھۋال تېخىمۇ ناچار. ئۇ يەرلەردە ھەر ئۈچ كىشىدىن بىرى دائىم يېگۈدەك تاماق يوق ياكى قورسىقى تويماي يۈرىدۇ. بۇ ئېچىنارلىق ئەھۋالنى چۈشىنىش ئۈچۈن، ئاتا، ئانا ۋە بىر بالا ئۈچ جان بار ئائىلىنى تەسەۋۋۇر قىلىڭ. تاماق پەقەت ئىككى كىشىگە يەتسە، كىم ئاچ قالىدۇ؟ ئاتىمۇ؟ ئانىمۇ ياكى بالىسىمۇ؟ كۆپلىگەن ئائىلىلەرنىڭ ھەر كۈنى مۇشۇ ئائىلىگە ئوخشاش قارار چىقىرىشىغا توغرا كېلىدۇ.
كەڭ تارقالغان كۆزقاراش.
يەردىن ئېلىنىدىغان مول ھوسۇللار ھەممە ئىنسانلارنىڭ قۇرساق تويغۇزۇشى ئۈچۈن يېتەرلىك. پەقەت شۇ مەھسۇلاتلاردىن توغرا پايدىلىنىش كېرەك.
بۇ ھەقىقەتەن شۇنداقمۇ؟
راست، دېھقانلار بۇرۇنقىغا قارىغاندا، كۆپرەك ئاشلىق مەھسۇلاتلىرىنى ئىشلەپ چىقىرىپ، ئۇلارنى يەتكۈزۈپ بېرىدۇ. ئەسلىدە ئىنسانىي ھۆكۈمەتلەر شۇ مەھسۇلاتلاردىن توغرا پايدىلىنىپ، ئاچارچىلىق مەسىلىسىنى ھەل قىلىشى زۆرۈر. بىراق، ئۇلار ھەتتا نەچچە ئون يىل تىرىشىپ باققان بولسىمۇ، بۇ مەسىلىنى ھەل قىلالماي كېلىۋاتىدۇ.
سىز قانداق ئويلايسىز؟
ماركۇس 13:8-ئايەتتىكى سۆزلەر ئەمەلگە ئېشىۋاتامدۇ؟ زامانىۋىي پەن-تېخنىكىنىڭ تەرەققىي قىلغان بولسىمۇ، ئىنسانىيەتنىڭ ئاچارچىلىق مەسىلىسىنى تېخى ھەل قىلالمىغانلىقى كىشىنى ھەيران قالدۇرمامدۇ؟
يەر تەۋرەشلەر ۋە ئاچارچىلىق قاتارلىق بالايىئاپەتلەردىن باشقا، ئاخىر زاماننىڭ بەلگىسىدىن يەنە بىرى بولغان بالايىئاپەت يۈز بېرىدۇ.
[قىستۇرما تېكىسىت]
ئۆپكە ياللۇغى، ئىچ سۈرۈش ۋە باشقا كېسەللىكلەر بىلەن ئۆلۈپ كەتكەن بالىلارنىڭ ئۈچتىن بىرىنىڭ يېتەرلىك ئوزۇق-تۈلۈكى بولغان بولسا، ئامان قالغان بولاتتى.—ب.د.ت ئۆسمۈرلەر فوندىنىڭ باشلىقى بولغان ئان م. ۋېينېمان.
[رەسىم]
© Paul Lowe/Panos Pictures
-
-
3. كېسەللىكلەركۈزىتىش مۇنارى. 2011 | ماي 1
-
-
3. كېسەللىكلەر
«يۇقۇملۇق كېسەللىكلەر تارقىلىدۇ».—لۇقا 21:11.
● ئافرىقىدىكى ئىچكى ئۇرۇش پاتقىقىغا پاتقان بىر دۆلەتتە بونزالى ئىسىملىك ئاممىۋى ساغلاملىق ئىشلىرى ئەمەلدارى ئۆز يېزىسىدا ماربۇرگ ۋىرۇسىدىن يۇقۇملىنىپ ئۆلۈۋاتقان كان ئىشچىلىرىغا ياردەم بېرىشكە تىرىشقان ئىدى. ئەمما، ئۇنىڭ قولىدىن كۆپ ئىش كەلمىگەن. ئۇنىڭ چوڭ شەھەردىكى ئەمەلدارلاردىن سورىغان ياردىمى جاۋابسىز قالدى. ئاخىرى، تۆت ئايدىن كېيىن ياردەم كەلگەن. بىراق، بۇ ۋاقىتتا بونزالى ئاللىقاچان ئۆلۈپ كەتكەنىدى. چۈنكى، ئۇ كانچىلارنى قۇتقۇزىمەن، دەپ ئۆزى ماربۇرگ ۋىرۇسىدىن يۇقۇملانغان.
دەلىل-ئىسپاتلار نېمىنى كۆرسىتىدۇ؟
پەقەت 2004-يىلنىڭ ئىچىدىلا تۆۋەن نەپەس يوللىرى ياللۇغلىرى (ئۆپكە ياللۇغى)، ئىچ سۈرۈش، ئەيدىز كېسىلى، سىل كېسىلى ۋە بەزگەك قاتارلىق خەتەرلىك كېسەللىكلەر سەۋەبلىك، تەخمىنەن 10مىليون 700 مىڭ كىشى ھاياتىدىن ئايرىلغان. باشقىچە ئېيتقاندا، بىر يىل ئىچىدە، ھەر ئۈچ سېكۇنتتا بىر ئادەم ئۆلگەن.
كەڭ تارقالغان كۆز قاراش.
دۇنيا نوپۇسى كۈندىن-كۈنگە كۆپەيگەچكە، كېسەلگە گىرىپتار بولىدىغانلارنىڭ سانىنىڭ كۆپىيىشى ھەيران قالارلىق ئەمەس.
بۇ ھەقىقەتەن شۇنداقمۇ؟
راست، دۇنيا نوپۇسى ھەقىقەتەن كۆپەيمەكتە. ئەمما، كېسەللىكلەرنى ئېنىقلاش، نازارەت قىلىش ۋە داۋالاشتا ئادەملەر كۆپ ئۇتۇقلارغا ئېرىشىۋاتىدۇ. مەنتىقىگە ئۇيغۇن پىكىر يۈرگۈزسەك، ئىلىم-پەن يۈكسەك دەرىجىدە تەرەققىي قىلۋاتقان دەۋردە كېسەللىكلەر ئازىيىپ، سالامەتلىككە تەسىرى قىلالمايدىغان ھالەتكە كېلىشى كېرەك ئەمەسمۇ؟ لېكىن، كېسەلگە گىرىپتار بولغانلارنىڭ سانى ئازلاشنىڭ ئورنىغا، ئۇلار تېخىمۇ كۆپەيمەكتە.
سىز قانداق ئويلايسىز؟
مۇقەددەس كىتابتا ئېيتىلغاندەك، ئادەملەر يۇقۇملۇق كېسەللەر تۈپەيلىدىن قاتتىق ئازاب-ئوقۇبەت چېكىۋاتامدۇ؟
يەر تەۋرەشلەر، ئاچارچىلىق ۋە كېسەللىكلەر مىليونلىغان ئىنسانلارغا زىيان سېلىۋاتقان بالايىئاپەتلەردۇر. بۇنىڭدىن باشقا، كۆپلىگەن ئادەملەر ئۆز يېقىنلىرى تەرىپىدىن ئازاب-ئوقۇبەتلەرگە دۇچار بولىۋاتىدۇ، ھەتتا ئۇلارنى قوغداشقا تېگىشىلىك كىشىلەر، ئۇلارغا زىيانكەشلىك قىلىۋاتىدۇ. كېيىنكى ماقالىدە، بۇ توغرۇلۇق مۇقەددەس كىتابتا نېمىلەر بېشارەت قىلىنغانلىقىنى بىلىسىز.
[قىستۇرما تېكىسىت]
شىر ياكى باشقا يىرتقۇچ ھايۋانغا يەم بولۇش بەك قورقۇنچلۇق. بىراق، ئىچىڭىزدىن قانداقتۇ بىر يۇقۇملۇق كېسەلگە يەم بولۇش تېخىمۇ قورقۇنچلۇق. بۇنداق ئىشلارنى ئەتراپىمىزدىكى ئادەملەر بېشىدىن ئۆتكۈزۈۋاتىدۇ.—ۋابا كېسەللىكلىرى ساھەسىدىكى تەتقىقاتچى مايكىل ئوستېرخولم.
[رەسىم]
© William Daniels/Panos Pictures
-
-
4. ئىنسانلار كۆيۈمسىز بولىدۇكۈزىتىش مۇنارى. 2011 | ماي 1
-
-
4. ئىنسانلار كۆيۈمسىز بولىدۇ
«ئىنسانلار . . . مېھىر-مۇھەببەتسىز . . . بولىدۇ».—2-تىموتىي 3:1—3.
● شىمالىي ۋېلىس ئۆلكىسىدىكى كرىس ئىسىملىك كىشى ئائىلىسىدە زوراۋانلىققا ئۇچرىغانلارغا ياردەم بېرىدىغان بىر ئورۇندا ئىشلەيدۇ. ئۇ مۇنداق دەيدۇ: «بىر ئايالنىڭ كەلگىنى ئېسىمدە. ئۇ ئىلگىرى بىزدىن ياردەم سورىغان ئىدى. ئۇنى شۇنچىلىك قاتتىق ئۇرۇۋەتكەنكى، ھەتتا بۇ قېتىم ئۇنى كۆرگەندە تونۇيالماي قالغان ئىدىم. باشقا ئاياللارنىڭ قەلبى شۇنچىلىك جاراھەتلەنكى، ھەتتا ئۇلار بېشىنى كۆتۈرۈپ، ئادەملەرگە قاراشتىن ئۇيۇلىدۇ».
دەلىل-ئىسپاتلار نېمىنى كۆرسىتىدۇ؟
ئافرىقىدىكى بىر دۆلەتتە ئاياللارنىڭ تەخمىنەن ئۈچتىن بىرى، بالىلىق چېغىدا جىنسىي خورلۇققا ئۇچرىغان. شۇ دۆلەتتە خەلق ئارىسىدا ئېلىپ بېرىلغان تەكشۈرۈش ئاساسلانغاندا، ئەرلەرنىڭ ئۈچتىن بىرى ئۆز ئاياللىرىنى ئۇرۇشنى ئاددىي بىر ئىش، دەپ قارايدۇ. بىراق، ئائىلىلەردە، ئائىلە زوراۋانلىقنىڭ قۇربانى پەقەت ئاياللار ئەمەس. مەسىلەن، كانادادا تەخمىنەن 30 پىرسەنت ئەرلەر ئۆز ئاياللىرى تەرىپىدىن خورلاشقا ئۇچرايدۇ.
كەڭ تارقالغان كۆز قاراش
ئائىلىدە زوراۋانلىققا ئۇچراش بۇرۇنمۇ بولغان. بىراق، بۇ مەسىلىگە بۈگۈنكى كۈندە بۇرۇنقىغا قارىغاندا، كۆپرەك كۆڭۈل بۆلۈنىۋاتىدۇ.
بۇ ھەقىقەتەن شۇنداقمۇ؟
راست، يېقىنقى نەچچە ئون يىل ئىچىدە بۇ مەسىلە پات-پات تىلغا ئېلىنىۋاتىدۇ. كۆپچىلىك بۇنىڭدىن خەۋەردار بولدى، ئەمما ئائىلە زوراۋانلىقىنىڭ سانى ئازايدىمۇ؟ ياق، ئازايغىنى يوق. ئەكسىنچە، ئائىلىدە زوراۋانلىققا ئۇچراش ۋەقەلىرى تېخىمۇ كۆپىيىپ كېتىۋاتىدۇ.
سىز قانداق ئويلايسىز؟
2-تىموتىي 3:1—3-ئايەتتىكى بېشارەتلىك سۆزلەر ئەمەلگە ئېشىۋاتامدۇ؟ نۇرغۇن ئائىلىلەردە مېھىر-مۇھەببەتنىڭ سوۋۇپ كەتكەنلىكىنى بايقاۋاتامسىز؟
كېيىنكى ماقالىدە، بىز مۇقەددەس كىتابتىكى، ماكان-جايىمىز بولغان يەر شارى بىلەن مۇناسىۋەتلىك، ھازىر ئەمەلگە ئېشىۋاتقان بەشىنچى بېشارەتنى كۆرۈپ چىقىمىز.
[قىستۇرما تېكىسىت]
«ئائىلىدىكى زوراۋانلىق ۋەقەلىرى ھەققىدىكى ستاتىستىكا مەلۇماتى جەمئىيەتتە ئېلان قىلىنمىغان جىنايەتلەرنىڭ بىرى دەپ قارىلىدۇ. ئوتتۇرا ھېساپ بويىچە، ئايال تەخمىنەن 35 قېتىم ئېرى تەرىپىدىن زوراۋانلىققا ئۇچرىغاندىن كېيىنلا ساقچىخانىغا مەلۇم قىلىدىكەن».—ۋېلىس ئائىلە زوراۋانلىقىغا ئۇچرىغانلارنى قوغداش ئورنىنىڭ ۋەكىلى.
-
-
5. خۇدا ئەيىبكارمۇ؟كۈزىتىش مۇنارى. 2011 | ماي 1
-
-
5. خۇدا ئەيىبكارمۇ؟
مۇقەددەس كىتابتا، بۈگۈنكى كۈندە بىز كۆرۈۋاتقاندەك دۇنيانىڭ ئەھۋالى ناچارلىشىپ كېتىدىغانلىقى بېشارەت قىلىنغان ئىكەن، بۇلارنىڭ ھەممىسىگە خۇدا جاۋابكار دەپ ئېيتساق بولامدۇ؟ بىز تارتقان ئازاب-ئوقۇبەتلەر ئۈچۈن خۇدا ئەيىبكارمۇ؟ بۇ سوئاللارغا قانائەتلىنەرلىك جاۋابلارنى يەھۋا گۇۋاھچىلىرى نەشىر قىلغان «مۇقەددەس كىتابتا زادى نېمە ھەقىقەت بار؟» دېگەن كىتابنىڭ 11-بابىدىن تاپالايسىز.
-
-
6. دۇنيانىڭ جاي-جايلىرىدىكى ۋەز قىلىش پائالىيىتىكۈزىتىش مۇنارى. 2011 | ماي 1
-
-
6. دۇنيانىڭ جاي-جايلىرىدىكى ۋەز قىلىش پائالىيىتى
«بۇ پادىشاھلىق خۇش خەۋىرى بارچە مىللەتلەرگە يەتكۈزۈلۈشى ئۈچۈن پۈتۈن دۇنيادا ۋەز قىلىنىدۇ».—مەتتا 24:14.
● ۋىئاتېيا، تۇئاموتۇ ئاركىپېلوگو دەپ ئاتىلىدىغان تىنچ ئوكياندىكى يىراق ئاراللارنىڭ بىرىدە ياشايدۇ. تۇئاموتۇ ئومۇمىي كۆلىمى تەخمىنەن 802900 كۋادرات كىلومېتىرغا سوزۇلغان 80گە يېقىن ئاراللاردىن تەشكىل تاپقان بولسىمۇ، پەقەت 16000 كىشى ياشايدۇ. شۇنداق بولسىمۇ، ۋىئاتېيا ۋە ئۇنىڭ قوشنىلىرى يەھۋا گۇۋاھچىلىرىنى تونۇيدۇ. نېمە ئۈچۈن؟ سەۋەبى، يەھۋا گۇۋاھچىلىرى ئادەملەر قەيەردە ياشىشىدىن قەتئىينەزەر، ھەممىسىگە خۇدا پادىشاھلىقى ھەققىدىكى خۇش خەۋەرنى يەتكۈزۈشكە تىرىشىدۇ.
دەلىل-ئىسپاتلار نېمىنى كۆرسىتىدۇ؟ پادىشاھلىق ھەققىدىكى خۇش خەۋەر دۇنيانىڭ بۇلۇڭ-پۇشقاقلىرىغىچە ۋەز قىلىنىدۇ. يەھۋا گۇۋاھچىلىرى پەقەت 2010-يىلى خۇش خەۋەرنى 236 دۆلەت ۋە رايونلاردا ۋەز قىلىپ، بىر مىليارد 600 مىليون سائەتتىن كۆپرەك ۋاقىت سەرپ قىلغان. دېمەك، ھەر بىر گۇۋاھچى ئوتتۇرا ھېساب بويىچە، ھەر كۈنى 30 مىنۇت ۋەز قىلغان. يېقىنقى ئون يىل ئىچىدە، ئۇلار مۇقەددەس كىتابقا ئاساسلانغان 20 مىلياردتىن ئارتۇق ماتېرىياللارنى نەشىر قىلىپ تارقاتقان.
كەڭ تارقالغان كۆز قاراش. مۇقەددەس كىتابتىكى خەۋەر نەچچە مىڭ يىلدىن بۇيان ۋەز قىلىنىپ كەلمەكتە.
بۇ ھەقىقەتەن شۇنداقمۇ؟ راستىنلا، كۆپ ئادەملەر مۇقەددەس كىتابتىكى خەۋەرنى ۋەز قىلىشقا تىرىشقان. ئەمما، ئۇلارنىڭ كۆپىنچىسى بۇنى قىسقا ۋاقىت ۋە كىچىك كۆلەمدە قىلغان. يەھۋا گۇۋاھچىلىرى بولسا، دۇنيا جاي-جايلىرىدا كەڭ كۆلەمدە ۋەز قىلىش پائالىيىتىنى تەشكىللىك ھالەتتە ئېلىپ بېرىۋاتىدۇ ۋە مىليونلىغان ئادەملەر خۇش خەۋەرنى ئاڭلاۋاتىدۇ. يەھۋا گۇۋاھچىلىرى ئىنسانىيەت تارىخىدىكى ئەڭ كۈچلۈك ۋە رەھىمسىز تەشكىلاتلارنىڭ قارشىلىقىغا قارىماستىن، ۋەز قىلىش خىزمىتىنى داۋاملاشتۇرغان (ماركۇس 13:13). ئۇنىڭدىن باشقا، يەھۋا گۇۋاھچىلىرى ۋەز قىلغىنى ئۈچۈن ھەق ئالمايدۇ. ئەكسىنچە، ئۇلار ئۆز ۋاقتىنى قۇربان قىلىپ، مۇقەددەس كىتابقا ئاساسەن نەشىر قىلىنغان ماتېرىياللارنى ھەقسىز تارقىتىدۇ. ئۇلارنىڭ پائالىيىتى ئىختىيارىي ئىئانىلەر بىلەن ياردىمىدە ئېلىپ بېرىلىدۇ.
سىز قانداق ئويلايسىز؟ خۇدا پادىشاھلىقى ھەققىدىكى خۇش خەۋەر ھەقىقەتەن پۈتۈن دۇنيادا ۋەز قىلىنىۋاتامدۇ؟ بۇ بېشارەتنىڭ ئەمەلگە ئېشىشى كېلەچەكتە ئاجايىپ ئىشلارنىڭ يۈز بېرىدىغانلىقىنى بىلدۈرەمدۇ؟
[قىستۇرما تېكىسىت]
«يەھۋا يول قويۇۋاتقان ئىكەن، بىز پۇرسەتنى قولىمىزدىن چىقارماي، قىزغىنلىق بىلەن خۇدا پادىشاھلىقى ھەققىدىكى خۇش خەۋەرنى داۋاملىق ۋەز قىلىمىز».—يەھۋا گۇۋاھچىلىرىنىڭ 2010-يىللىق يىلنامىسى.
-
-
گۈزەل كېلەچەك ئالدىمىزدا!كۈزىتىش مۇنارى. 2011 | ماي 1
-
-
گۈزەل كېلەچەك ئالدىمىزدا!
«مانا ئازغىنە ۋاقىتتىن كېيىن رەزىللەر يوق بولار. 11 لېكىن، يەر يۈزىگە ۋارىسلىق قىلار كەمتەر كىشىلەر، تىنچ-خاتىرجەملىك ئىچىدە، خۇشال-خۇرام ھايات كەچۈرەر».—زەبۇر 37:10، 11.
سىز بۇ ئايەتتە تىلغا ئېلىنغان پەيغەمبەرلىك سۆزى ئەمەلگە ئاشقانلىقىنى ئۆز كۆزىڭىز بىلەن كۆرۈشنى خالامسىز؟ شەك-شۈبھىسىزكى، چوقۇم بەكمۇ خالايسىز. بۇ سۆزلەرنىڭ پات-يېقىندا چوقۇم ئەمەلگە ئاشىدىغانلىقىنىڭ مۇھىم سەۋەبلىرى بار.
ئالدىنقى ماقالىلەردە، بىز زاماننىڭ ئاخىرىدا ياشاۋاتقانلىقىمىزنى ئېنىق كۆرسىتىدىغان مۇقەددەس كىتابتىكى بەزى بېشارەتلەرنى كۆرۈپ چىققان ئىدۇق (2-تىموتىي 3:1—5). ياراتقۇچىمىز بىزگە ئۈمىد بېرىش ئۈچۈن، شۇ بېشارەتلەرنى مۇقەددەس كىتابقا يازدۇرغان (رىملىقلار 15:4). ئۇلارنىڭ ئەمەلگە ئېشىۋاتقانلىقى، ھازىر بېشىمىزغا كېلىۋاتقان قىيىنچىلىقلارنىڭ پات-يېقىندا يوق بولىدىغانلىقىنى بىلدۈرىدۇ.
ئاخىر زاماندىن كېيىن نېمە بولىدۇ؟ خۇدا پادىشاھلىقى يەر يۈزى ئۈستىدىن ھۆكۈمرانلىق يۈرگۈزىدۇ (مەتتا 6:9). شۇ چاغدا يەر يۈزىدە قانداق ئۆزگۈرۈشلەر بولىدىغانلىقى ھەققىدە، مۇقەددەس كىتابتا نېمە يېزىلغانلىقىغا دىققەت قىلىڭ:
● ئاچارچىلىق بولمايدۇ. «يەر يۈزىدە زىرائەتلەر مول بولار، تاغ چوقىلىرىغىچە تولۇپ تاشارۇ».—زەبۇر 72:16.
● كېسەللىكلەر بولمايدۇ. شۇ يەردە تۇرغۇچى: «مەن كېسەل» دېمەيدۇ.—يەشايا 33:24.
● يەر يۈزى يېڭىلىنىدۇ. «جاڭگال ۋە قۇرۇپ قاغجىرىغان يەر خۇشال بولىدۇ، چۆل-باياۋان شادلىنىپ، زەپىراندەك چېچەكلەيدۇ».—يەشايا 35:1.
بۇ پات-يېقىندا ئەمەلگە ئاشىدىغان، كىشىنى ھاياجانلاندۇرىدىغان مۇقەددەس كىتابتىكى بېشارەتلەرنىڭ پەقەت بىرنەچچىسى خالاس. يەھۋا گۇۋاھچىلىرىدىن، ئۇلار شۇنداق گۈزەل كېلەچەكنىڭ بولىدىغانلىقىغا، نېمە ئۈچۈن شۇنچە كۈچلۈك ئىشىنىدىغانلىقىنى سوراپ بېقىڭ.
-