Okatembo Kamue Kalikasi Ove Okakalapo?

Keteke lionjivaluko okuti cipitahãla 3.500 kalima oko konyima, Yehova Suku wa handelekele epata lepata lia va Isareli vakala vupika ke Egito, oco va ponde okameme ale okahombo kuenda oku nyika osonde yaco kovikuli lokovipamba viapito olonjo viavo. Kuteke waco una, ungelo wa Suku wa pitahãla olonjo vikuete ondimbukiso yaco, puãi wa ponda aveli olonjo via va Egito. Noke va Isareli va puluka. Vonjivaluko yocipito caco cina, va Yudea va ivaloka o Pascoa.

Noke, eci Yesu Kristu a mãla okulinga onjivaluko yaye yo Pascoa yasulako lovapostolo vaye, vonjanja yaco eye haico a sovola ondalelo yatete ya pondola okulinga onjivalulo yocilumba colofa viaye. Eye waeca ombolo kayikuete etumbisa kovapostolo vaye kuenje walinga hati: “Tambuli, li, ombolo eyi etimba liange.” Noke waeca okopo yovinyu kuenje hati: “Nyuiko vosi; momo eyi osonde yange yocisila, yi peseliwila valua ongecelo yakandu.” Yesu wa popiavo hati: “Ci lingili onjivaluiso yange.” (Mateo 26:26–28; Luka 22:19, 20) Omo liaco, Yesu wa handeleka oloñame viaye oco va lingainge ocipito eci colofa viaye.

Ulima ulo ocipito colofa via Yesu cika lingiwa Votatu keteke 19, noke yokuiñila kuekumbi. Olombangi via Yehova voluali luosi valikongela vuteke ulikasi oco valinge Onjivaluko ndomo Yesu osika. Ove lonjolela yalua wa pañinyiwa oco oka kale pokati kava vakasipo. Oco, pulisa Olombangi via Yehova olisungue lavo oco o kulihe owola locitumãlo apa paka lingiwila ohongele yaco.