O ci Ivaluka?

Ove wa sola hẽ oku tanga ovipama Viutala Wondavululi via sandekiwa volosãi via pita? Nda wa vi sola, tambulula apulilo a kuãimo:

• Momo lie omanu va lingila ovina vĩvi?

Omanu va linga ovina vĩvi omo liesakalalo, asipato, ocisola coku sola olombongo, ekambo liovihandeleko kuenda oku kupukila veyonjo. (Uku. 7:7; 8:11; 1 Tim. 6:10; Tia. 1:14, 15)—Mbalavipembe-Cembanima, kemẽla 4.

• Momo lie ci kuetele esilivilo oku yevelela ciwa loku lekisa ohenda kekamba limue li vela?

Ekamba li vela, ka li sukila lika omunu umue o tambulula apulilo aye, pole o yongola omunu una o yevelela lutate ovisimĩlo viaye. Eye o pondola oku kuata onjongole yoku situlula eci ci kasi vutima waye okuti ka kuata ohele yoku pisiwa. (Uku. 3:1, 7; Tia. 1:19)—Mbalavipembe-Cembanima, kamẽla 10, 11.

• Ungelo upi Suku a tuma oco a songuile va Isareli poku tunda Kegito? (Etu. 23:20, 21)

Ca sunguluka oku sima okuti ungelo o kuete ‘onduko ya Yehova,’ Omõla Uveli wa Suku okuti noke weya oku tukuiwa hati, Yesu.—15/9, kemẽla 21.

• Momo lie olohueli vi sukilila oku lisapela pokati?

Yehova Suku o tenda olohueli okuti “etimba limuamue.” (Mat. 19:3-6) Oco elitokeko liaco li amameko, olohueli vi sukila oku lisapela pokati.—Mbalavipembe-Cembanima, kamẽla 14, 15.

• Catiamẽla kefendelo liocili, asunga api ka a taviwa la Suku?

‘Upange waco wa tĩla calua. Si kuete onjongole yoku ci linga. Si kuete otembo. Sia lonõlohele. Umue wa ndi sumuisa.’ Ovina evi ka vi tu ĩha evelo lioku liwekapo oku pokola kolonumbi via Suku.—15/10, kamẽla 12-15.

• Olonumbi vipi vi ecelela okuti olohongele vi ku pamisa ove kuenda vakuene?

Lipongiya selo. Kuata ocituwa coku endaenda kolohongele. Pitila selo. Ambata alivulu osi a sukiliwa. Yuvula ovina vi ku tateka oku yevelela lutate. Panga onepa. Eca atambululo a teta onimbu. Tẽlisa ovikele wa tambula. Pandiya vana va linga onepa. Osimbu ohongele ka ya fetikile, ale ceci ka ya puile, kuata ukamba la vosi.—15/10, kemẽla 22.

• Olonjali vi eca ndati “ongangu” komãla vavo oco va kule lolondunge? (Yoa. 13:15)

Ndeci Yesu a linga, olonjali vi sukila oku lombolola kuenda oku lekisa lovilinga viavo eci ci lomboloka oku kala ukualondunge.—Mbalavipembe-Cembanima, kemẽla 19.

• Nye tu lilongisila kulandu wa Arone woku kupukila veyonjo?

Osimbu Mose a tunda, va Isareli va kisika Arone oku va tungila osuku yimue. Eye wa konyoha kuenje wa ci linga. Eci ci lekisa okuti amalẽhe havoko lika va liyaka layonjo. Akulu vana va yongola oku linga eci ca sunguluka va siata oku liyakavo layonjo. Omo liaco, tu sukila oku tamalala poku liyaka layonjo.—15/11, kemẽla 8.

• Ananga api a ka ku kuatisa oku upa esilivilo poku tanga Embimbiliya?

Tanga locimãho ciwa. (Tia. 1:23-25) Nõla Embimbiliya o yongola oku tanga. Pinga ekuatiso ku Yehova vohutililo. (Osa. 119:18) Tanga eteke leteke. (Yeh. 1:8) Seteka olonjila vikuavo. Sokolola ovina wa tanga. (Osa. 119:97) Pinga ekuatiso oco o kuate elomboloko. (2 Pet. 3:16)—Mbalavipembe-Cembanima, kamẽla 21-23.