Anga hẽ o Internet yi Kasi Oku Nyõla Omãla Vove?—Ndomo Embimbiliya li Pondola Oku Kuatisa Olonjali

“Ocitangi cuvei wo vowoño kamalẽhe, ocina cimue ci sukila oku tetuluiwa lonjanga kuenda, o internet ya siata oku vokiya ocitangi caco.” Dr. Vivek Murthy U.S. surgeon general, New York Times, 17 Yevambi, 2024

Olonjali vi pondola ndati oku teyuila omãla vavo kovitangi vi tunda koku talavaya lãvi lo Internet? Embimbiliya li eca elungulo liwa.

Ceci olonjali vi sukila oku linga

Konomuisi ovinimbu evi Viembimbiliya.

“Ukualondunge o kũlĩhĩsa onjila yosi.”—Olosapo 14:15.

Poku kũlĩhĩsa ovitangi via kongelamo, ku ka ecelele okuti omõlove o talavaya lo Internet lika waye. Osimbu kua ecelele omõla oku talavaya lo Internet, kũlĩhisa tete nda eye o lekisa olondunge poku sokiya otembo a sukila oku ci linga, oku nõla akamba vawa, loku yuvula ovina ka via sungulukile.

• Oco o lilongise ovina vikuavo, tanga ovipama losapi, “Omõlange o Sukila hẽ Oku Talavaya Lovipama Vimue Vio Internet?” kuenda “Longisa Omõlove Oku Talavaya Ciwa lo Internet.”

“Talavaya ciwa lotembo yove.”—Va Efeso 5:16.

Nda o yongola okuti omõlove o talavaya lo Internet, tumbika olongave ndomo a pondola oku ci linga kuenda u lomboluila ndomo olongave viaco vi pondola oku u kuatisa ale oku u teyuila. Lavulula apongoloko osi omõlove a linga oco o limbuke nda ove o sukila oku tumbika ongave, poku talavaya lo internet.

• Talavaya loviluvialuvia viemẽla liyela Lunguka: Kũlĩha Ndomo o Talavaya lo Internet oco o kuatise omõlove oku limbuka esunga lieci ci kuetele esilivilo oku talavaya ciwa lo Internet.

Lilongisa ovina vikuavo

Embimbiliya li tu sapuila okuti tu kasi koloneke via ‘tĩla calua havio vi koka ohele.’ (2 Timoteo 3:1-5) Embimbiliya li tu ĩha alungulo a suapo a tu kuatisa ndomo tu liyaka lovitangi vio koloneke vilo. Ulala umue u pitahãla 20 kovimalẽho via kunamẽla Kembimbiliya vi pondola oku kuatisa olonjali kuenda omãla, u sangiwa vocipama eci catiamẽla kocitangi cuvei wo vowoño kamalẽhe.