Kulie Ove o Pondola Oku Kolela?—Nye Embimbiliya li Popia?

Omanu valua va sumua eci va limbuka okuti, omanu vana ovo va kolela, va linga ovina ka via sungulukile. Valua va siapo oku kolela . . .

• kasongui vopulitika omo va pitisa kovaso olonjongole viavo muele okuti, a sukila omanu havoko.

• kovingungu viasapulo, momo ka vi sandeka ocili omanu va sukila oku yeva.

• kolonoño, momo ka vi lingi eci ca velapo ci likuata lonjongole yowiñi.

• kasongui vatavo, momo va siata oku litenga vopulitika okuti, va siapo oku kala olonumiwa via Suku.

Omanu va kuete esunga lioku lekisa utate poku nõla omunu va kolela. Embimbiliya li lungula hati:

• “Ko ka kapi ekolelo liene kolombuale, ndaño komõla omunu, una ka tẽla oku nena epopelo.”—Osamo 146:3.

Omunu ove o pondola oku kolela

 Embimbiliya li tukula umue ove o pondola oku kolela: Yesu Kristu. Eye ka kaile lika ulume umue uwa okuti, tunde eci kala palo posi papita ale anyamo alua. Suku wa nõla Yesu “Ndosoma . . . kuenda Usoma waye ka u ka sulila.” (Luka 1:32, 33) Yesu eye Osoma Yusoma wa Suku, uviali umue u kasi ale oku viala kilu.—Mateo 6:10.

• Oco o kũlĩhe esunga lieci o kolelela ku Yesu, tanga ovipama vi kuãimo “Helie Soma Yusoma wa Suku?” kuenda “Usoma wa Suku u ka Linga Nye?”