Gàpia passiensa

Come che Gesù lo ga fato?

VÌDEO: Gesù el giuta el so fradel con passiensa

1. Varda el VÌDEO, o ledi Gioani 7:3-5 e 1 Corinti 15:3, 4, 7. Dopo, rispondi a queste domande:

1. Cossa che i fradei de Gesù i ghe ga dito sora quel che lu el insegnea ale persone?

2. Come che Gesù ancora el ga proà giutar el so fradel Tiago?

Cossa che imparemo de Gesù?

2. Ne ocore gaver passiensa parché arquante persone ghe mete de pi tempo par acetar le bone notìssie.

Fà compagno Gesù

3. Proa cambiar la maniera che te parli cola persona. Se ela no la aceta studiar la Bìblia suito, va pin pian. Te pol doperar vìdei, publicassion o artìcoli par mostrarghe come che l’è un stùdio bìblico e come che questo stùdio el pol giutarla a gaver una vita meio.

4. No stà far comparassion. Cada un el pol gaver una situassion difarente. Se una persona dela to fameia o nantra no la vol studiar la Bìblia o no la aceta qualcossa che te la ghè insegnà, proa capir parché che la pensa cossita. Fursi ghen’è qualche insegnamento dela so religion che l’è tanto importante par ela. O pol esser che la so fameia e i so visini no i ghe piase che la stùdie la Bìblia e i ghe va contra. Alora, assa che la pense sora quel che te ghè dito e sora quel che la Bìblia la dise.

5. Prega par la persona. Domanda che Geovà el te giute a seitar positivo e a gaver rispeto par ela. Prega che Geovà el te giute a saver se la ga interesse o nò e se te ghè de fermarte de visitarla. — 1 Cor. 9:26.