COME SEITAR A PARLAR COLA PERSONA
LESSION 7
Seita a giutar le persone
Prinsìpio: “Lori i seitea sensa fermarse a insegnar e a predicar le bone notìssie.”— Ati 5:42.
Come che Paolo lo ga fato?
1. Varda el VÌDEO, o ledi Ati 19:8-10. Dopo, rispondi a queste domande:
Come che Paolo el ga seità a giutar le persone nela predicassion?
De quanto in quanto tempo Paolo el tornea par insegnar quei che i gavea interesse? Par quanto tempo lo ga fato?
Cossa che imparemo de Paolo?
2. Ghemo de torse el tempo e sforsarse par tornar a parlar cole persone e scominsiar un stùdio dela Bìblia.
Fà compagno Paolo
3. Parla cola persona nte una ora che sìpia meio par ela. Domàndate: ‘Quando che saria meio parlar cola persona nantra volta? Quando e ndove che saria pi fàcile par ela parlar con mi?’ Sfòrsate par catar la persona nantra volta, anca se no la ze la meio ora par ti.
4. Domanda ala persona quando che te podarissi tornar. Proa marcar una ora par seitar a parlar con ela. Fà el to meio par catarla nel posto e nela ora che valtri gavé marcà.
5. No stà perder la speransa. No stà pensar che la persona no la ga interesse sol parché l’è fadiga catarla casa o parché la ze sempre drio i so afari. (1 Cor. 13:4, 7) Seita a proar catarla, ma anca dopera ben el to tempo. — 1 Cor. 9:26.