VIVEMO COME GESÙ
Vedi a ti stesso come Geovà el te vede
“Geovà el resta contento col so pòpolo.” (Sal. 149:4) Anca se semo imperfeti, Geovà el vede le nostre qualità e la nostra capassità. Ma pol esser che par noantri sìpia fadiga veder le nostre qualità. Fursi pensemo che semo pori grami par la maniera che i altri i ne trata. O pol esser che ghemo fato sbali nel passà e pensemo che Geovà mai el podaria amarne. Cossa che pol giutarne a darghene fora con questi sentimenti?
Geovà el vede in noantri robe che no semo boni de vederle. (1 Sam. 16:7) Ma, par meso dela Bìblia, Geovà el ne giuta a capir come che lu el ne vede. Le stòrie che ghen’è nela Bìblia le ne mostra quanto che Geovà el ama i so adoradori.
VARDA EL VÌDEO ASSA EL TO CUOR SICURO CHE GEOVÀ EL TE AMA, E DOPO RISPONDI A QUESTE DOMANDE:
Nel video, ghen’è un esémpio de un pare che el vede el so fiol drio corer una carera. Cossa che questo esémpio ne insegna sora come che Geovà el ne vede?
Pol esser che una persona la fae un bruto pecato, ma dopo la fà quel che ghe ocore par tornar a esser amiga de Geovà. Cossa che pol giutarla a esser sicura che Geovà la ama? — 1 Gio. 3:19, 20
Come che leder e pensarghe sora quel che ga sucedesto con Davi e Geosafà ga giutà el fradel?