Come che le Testimònie de Geovà le trata quei che no i ze mia pi dela so religion?

Quando una persona la se ferma de ndar ale riunion e ala predicassion, le altre Testimònie de Geovà no le se ferma mia de parlar con ela sol par causa de questo. Invesse, noantri volemo giutarla e incoraiarla a tornar a esser amiga de Geovà.

Ma cossa che sucede se una persona la fà un bruto pecato? Se no la se ciama grama e la seita cossita, la sarà desassossiada e le altre Testimònie de Geovà le se fermarà de parlar con ela. La Bìblia la dise: “Cavé via intrà de valtri la persona rugna.” — 1 Corinti 5:13.

Ma cossa che sucede se qualchedun l’è desassossià e la so fameia la ze Testimònia de Geovà? Ancora che lu no’l sìpia pi una Testimònia de Geovà, lu el seita a far parte dela fameia. Alora, la so fameia la seitarà a amarlo e rispetarlo.

Lu ancora el pol ndar ale riunion, e se el vol, lu el pol domandar el consìlio dei ansiani. Lori i vol giutarlo a far quel che ghe ocore par tornar a esser una Testimònia de Geovà. Quando lu el se ferma de far el bruto pecato e el mostra che el vol far quel che la Bìblia la dise, lu el pol esser una Testimònia de Geovà nantra volta.