LESSION 11

Come parlar de una maniera animada

Romani 12:11

COSSA CHE TE GHÈ DE FAR: Parla de una maniera che anima e toca el cuor dele persone.

Parécia el to cuor: Intanto che te pareci, pénsaghe sora la importansa del messàgio. Stùdia ben le informassion, cossita te sarè bon parlar de cuor.
Pensa nele persone che te vè parlar. Pensa come che quel che te vè dir e leder pol giutarle. Pensa come parlar de una maniera che le persone le dè valor a quel che te vè dir.
Daghe vita al to messàgio. Parla de cuor. Intanto che te parli, mostra cole to spression, i to movimenti e la to fàcia come che te senti sora quel che te sì drio parlar.

Stà atento par no far sempre i medèsimi moti parché questo pol assar le persone confuse. Fà moti che i sìpia relassionadi con quel che te sì drio dir. Daghe vita al messàgio in spessial quando te sì drio insegnar punti prinsipai e quando te vol motivar le persone a far qualcossa. No stà parlar tuto el tempo con massa emossion par no stufar quei che i te scolta.