LESSION 20
Come che la congregassion la ze organisada?
Geovà el ghe piase che le robe le sìpia tuto a posto. (1 Corinti 14:33) Alora, anca el so pòpolo ga de esser cossita. Ma come che la congregassion la ze organisada? Come che podemo giutar a far questo?
1. Chi che ga la autorità sora la congregassion?
‘Cristo el ga la autorità sora la congregassion.’ (Efesi 5:23) Del cielo, lu el tende del laoro che i servi de Dio i fà qua nela Tera. Ma come che lu l’è bon de farlo? Lu el ga scoliesto òmini con tanta speriensa par esser el “schiavo fedele e prudente”, o el Corpo Governante, par far questo laoro. (Ledi Mateo 24:45-47.) Nel passà, i apòstoli e ansiani de Gerusalen i giutea le congregassion a far quel che Geovà el dise. (Ati 15:2) Ancoi, el Corpo Governante el fà la medèsima roba con tute le congregassion in tuto el mondo. Ma questi òmini no i comanda mia le congregassion. Invesse, lori i ghe domanda el aiuto de Geovà, i stùdia la Bìblia par capir quel che lu el vol e i ze obedienti a Gesù Cristo.
2. Cossa che i ansiani i ga de far?
I ansiani i ze òmini sperienti che i dopera la Bìblia par insegnar el pòpolo de Dio. Lori i ze pareciadi par giutar e incoraiar a quei che i serve a Geovà. Lori no i guadagna gnente par far questo laoro. Invesse, lori i fà questo laoro de volentiera e contenti, e nò par guadagnar soldi. (1 Piero 5:1, 2) Nela congregassion, ghen’è anca i servi ministeriai. Lori i ghe giuta ai ansiani e i riceve aiuto par, dopo de un tempo, anca lori servir come ansiani.
El Corpo Governante el scòlie arquanti ansiani par servir come superintendenti de sircuito. I superintendenti de sircuito i visita le congregassion par incoraiar e giutar i fradei. I superintendenti de sircuito anca i dopera i prinsipi dela Bìblia par veder chi che pol esser un ansiano o un servo ministerial. — 1 Timòteo 3:1-10, 12; Tito 1:5-9.
3. Cossa che tute le Testimònie de Geovà le ga de far?
Tuti nela congregassion i loda a Geovà quando i fà el meio che i pol par cantar, far comentari, parte e dimostrassion nele riunion. Lori anca i fà el so meio nela predicassion. — Ledi Salmo 148:12, 13.
IMPARA DE PI!
Come che Gesù el tende dele congregassion, e come i ansiani i proa far come lu? Come che podemo obedir a Gesù e giutar ai ansiani?
4. Gesù el tende con tanto amor dele congregassion
Gesù el ne ga fato un convite con tanto amor. Ledé Mateo 11:28-30, e dopo, parlé sora questo:
Come che Gesù el tende dele congregassion? Come che lu el vol che se sentimo?
Come che i ansiani i fà compagno a Gesù? Vardé el VÌDEO.
La Bìblia la insegna ai ansiani come far el so laoro.
Ledé Isaia 32:2 e 1 Piero 5:1-3, e dopo, parlé sora questo:
Come te te senti de saver che i ansiani i proa far compagno a Gesù?
De che altre maniere i ansiani i fà compagno a Gesù?
5. I ansiani i insegna par meso del so esémpio
Cossa Gesù el vol che i ansiani i pense del so laoro? Vardé el VÌDEO.
Gesù el ga dito a quei che i tende dele congregassion come far el so laoro. Ledé Mateo 23:8-12, e dopo, parlé sora questo:
De acordo cola Bìblia, come i ansiani i ga de esser? Te pensi che i lìderi religiosi i ze cossita?
I ansiani i se sforsa de esser amighi de Geovà e anca i giuta la so fameia a farlo
I ansiani i tende de tuti nela congregassion
I ansiani i predica sempre
I ansiani i insegna la Bìblia nela congregassion. Lori anca i giuta a netar el Salon e a far altri laori
6. Podemo giutar i ansiani
La Bìblia la mostra parché che l’è tanto importante giutar i ansiani. Ledé Ebrei 13:17, e dopo, parlé sora questo:
La Bìblia la dise che ghemo de obedir ai ansiani de volentiera. Cossa che te pensi sora questo?
Ledé Luca 16:10, e dopo, parlé sora questo:
Parché che ghemo de obedir ai ansiani anca nele pi pìcole robe?
FURSI TE GHÈ BELCHE SCOLTÀ: “No te ocore gaver una religion par adorar a Dio.”
Parché te pensi che l’è importante adorar a Dio nela congregassion?
COSSA CHE TE GHÈ IMPARÀ?
Gesù el ga la autorità sora le congregassion e i ansiani i lo obedisse. Noantri restemo contenti de giutar i ansiani parché i fà el so laoro con amor e i ne insegna par meso del so esémpio.
Sito bon de ricordarte?
Chi che ga la autorità nele congregassion?
Come che i ansiani i giuta le congregassion?
Cossa che tuti nela congregassion i ga de far?
VUTO SAVER DE PI?
Varda come el Corpo Governante e i ansiani i se preocupa coi fradei.
Ghemo dato forsa ai nostri fradei in meso la perseghission (4:22)
Cossa che i superintendenti de sircuito i fà?
La vita de un superintendente de sircuito in posti distante (4:51)
Varda come le done le giuta nela congregassion.
“Le done Testimònie de Geovà le pol esser ministre?” (La Sentinela, 1 de setembre de 2012)
Cossa che i ansiani i fà par incoraiar i fradei?
“I ansiani ‘i contribue cola nostra felicità’” (La Sentinela, 15 de genaro de 2013)