Sito bon de ricordarte?

Gheto ledesto le reviste La Sentinela de questo ano? Alora, proa risponder a queste domande:

Parché che volemo darghe glòria a Geovà?

Parché ghemo rispeto par lu e lo amemo tanto. Noantri demo glòria a Geovà anca parché volemo che i altri i lo cognossa. — Sentinela 01/25, pàg. 3.

Cossa che pol giutarne a perdonar qualchedun che ne ga disgustà?

Ghemo de ricordarse che se dessidimo fermarse de restar disgustadi o cativi sarà meio par noantri. Ma, no ghemo de far finta che no semo mia disgustadi. — Sentinela 02/25, pàg. 15-16.

Parché che Marco l’è stà un bel esémpio par i gióveni?

Marco el gavea caro de giutar i altri. Lu el ga acetà ndar de star in nantro posto par predicar, ancora che el fusse disgustà con una roba che ghe gavea sucedesto. Marco l’era sempre insieme a Paolo e a altri bravi fradei e el ga imparà tanto de lori. — Sentinela 04/25, pàg. 27.

Cossa che Gesù el ga volesto dir quando el ga parlà: “Mi go fato cognosser el to nome a lori”? (Gioani 17:26)

I dissìpoli de Gesù belche i savea che el nome de Dio l’è Geovà. Alora, lu l’era drio parlar de come Geovà l’è, dele so bele qualità, de quel che el vol far nel futuro e de quel che el ga belche fato. — Sentinela 05/25, pàg. 20-21.

Cossa che ndaremo capir se semo ùmili?

Noantri ndaremo capir che no savemo tuto. Par esémpio, no savemo quando vegnarà el fin o come Geovà el ndarà giutarne. Noantri anca no savemo quel che ndarà suceder doman gnanca tuto quel che Geovà el sa sora noantri. — Sentinela 06/25, pàg. 15-18.

Cossa che pol giutarne a capir ancora meio un artìcolo o un discorso?

Podemo domandarse: ‘Come questa verità dela Bìblia la ze stata spiegada? L’è stà doperà una bona ilustrassion che anca mi podaria doperarla par spiegar la Bìblia a qualchedun? Chi che fursi ghe piaseria imparar sora questo?’ — Sentinela 07/25, pàg. 19.

Cossa che quel che ga sucedesto con Davi ne insegna sora el perdon de Geovà?

Davi el ga fato bruti pecati, ma el se ga ciamà gramo, el ga cambià e Geovà lo ga perdonà. (1 Rè 9:4, 5) Cossita capimo che quando Geovà el ne perdona, lu no’l pensa pi nel nostro sbàlio. — Sentinela 08/25, pàg. 17.

Cossa che te pol far quando el to studiante fà fadiga capir qualcossa?

Se te ghè doperà ben la Bìblia par spiegarghe e ancora cossita ghe ga fato fadiga capir, te pol studiar sora el assunto nantra volta pi avanti. — Sentinela 09/25, pàg. 24.

Cossa che podemo capir quando ledemo sora el ‘pecato che el pol imbroiarne’, in Ebrei 3:13?

Par causa dela imperfession e del pecato, podemo far sbali e anca gaver dubi del amor de Geovà par noantri. — Sentinela 10/25, pàg. 16.

Che tre robe le pol giutarte a parlar tuto quel che te senti quando te preghi?

(1) Pensar nele bele qualità de Geovà. (2) Pensar nele dificoltà che te sì drio infrontar e parlarghe a Geovà. Par esémpio, te pol domandar che el te giute a perdonar qualchedun. (3) Te pol anca torte el tempo par pregar. Questo ndarà giutarte a parlar a Geovà sora tuto quel che te pensi e te senti. — Sentinela 10/25, pàg. 19-20.

Come che podemo giutar quei che i ze pi veci?

Noantri podemo visitarli, ciamarli par telèfono e menarli al dotor. Podemo anca menarli nte un stùdio dela Bìblia, laorar insieme nel careto o de casa in casa. — Sentinela 11/25, pàg. 6-7.

Come che podé darghe onor a Geovà nele vostre nosse?

Obedì ale lege del governo. Fé le vostre nosse de acordo con quel che Geovà el vol. No sté mia farve veder e no sté far gnente che la Bìblia la mostra che l’è sbalià. Proé anca discorer sora le dessision de come sarà le vostre nosse. — Sentinela 12/25, pàg. 21-24.