Munaakhale Hayi Namalaleera Ookhumela Nnene — Mulaleereke ni telefooni

EHEENI ORAAYA WOOTTHUNEYA: Olaleera ni telefooni etthu yootthuneya mwaha wooweera “ninhelela onamoona mitthenka sooreera”. (Mit 20:24)a Nave telefooni onnanikhavihera waalaleera atthu neeraahu nihiwereke waaphwanya mmawannyaya, ni mapuro makina neerahu nihiweere ophiya olaleera. Mene ninvareleka muteko telefooni, ninnawera olaleera mitthenka sooreera naari oxupaka olaleera empa ni empa mwaha wa sooxupa sa ekumi naari mwaha wa makhalelo a elapo.

NNAAPAKE HAYI:

• 

  Mwiirehere nnene. Muthanlaka mwaha onaavara atthu antxipale. Muupuweleke itthu muneeranyu muhime ni mulepe ipontu sootthuneya. Murehere nnene masu oopatxera ni muulumeke masu ookhuveya muhimaka etthu mulikarenlaayu. Onnareerela ovara muteko owo vameesa, mukhalanneene ikaruma sootheene muneeraanyu nvarele muteko. Mwa ntakihero, ipontu sootthuneya mulempanyu, telefooni anyu naari tablet ni muhiyeke yoohuliweene esaiti ahu JW Library^® ni va jw.org^®.

• 

  Muhitthimakiheke murima. Muulumeke moohitthimakiha. Muhakalaleke ni muulumeke ntoko munoomoona. Woohihiyerera masu. Waawopa asinna akina onimookhaviherani okhala oohitthimaka murima. Ole mmulikarenlaanyu apaka nikoho, ontthuneya weera nyuwo mutthikeleke moowiiwanyeya weera mmukhavihere ole ori ni nyuwo ophwanya waakhuliwa waya.

• 

  Muhiye mwaha weera mwaakhule nihiku nikina. Wakhala weera mutthu onnatthuna osuwela itthu ikina, mmuhiyere nikoho weera mwakhule nihiku muneeraanyu mmulikarele. Nyuwo tho pooti onvaha ebroxura muntthunaanyu nvarelaka muteko email naari vakoreio. Nyuwo nave pooti omukoha wakhala weera onnakhulela omurumihela ikaruma sahu ntoko iviidiyu nivarelaka muteko mensagem naari email. Moovarihana ni moota mutthu owo onaakhulelawe otthekula, nyuwo pooti omuleela weera musaitini mwahu onnasomwa Biblya on-line. Nto wakhala weera elapo anyu aakhala malamulo ankasoopa idado sa atthu, txontte nnoovekelani weera muttittimiheke malamulo awo.