MAKHALELO A MAKRISTU
Yehova onnanikhavihera oviriha maxupo ahu
Mahiku ala oomalihera ninnaviriha maxupo mantxipale ni ikwaha ikina ninnoona weera maxupo awo khaninwera ovilela. Mene wakhala weera nnoovirelela olipiha onthamwene ahu ni Yehova owo onoowera onikhavihera oviriha maxupo ahu awo. (Yes 43:2, 4) Ninkela olipiha moota heeni onthamwene ahu ni Yehova vaavo ninviriha ahu maxupo?
Nivekelo. Vaavo nimmuhulelaahu murima ahu Yehova owo onnanivaha murettele mmuupuweloni ni ikuru weera nivirelele.—Af 4:6, 7; 1Ates 5:17.
Mithukumano. Mahikwaano, hiyo ninnatthuna otxa eyootxa ya omunepani ni okhala vamoha ni asinna yaawo Yehova onnivahaawe moorweela mwa mithukumano. (Aheb 10:24, 25) Narehereraka mithukumano, woonela ni ovaha ikomentariyu ninnattottela mureerelo nikhavihero Yehova onnivahaawe moorweela mwa munepa awe wootteela.—Apok 2:29.
Muteko woolaleera. Vaavo ninpakaahu ele ninweraahu weera nivare muteko woolaleera onnakhala wookweya wuupuwela itthu sooreera. Muteko ahu onnanikhavihera tho olipiha onthamwene nraahuno ni Yehova waahela mpuwa atthu ninvaraahuno muteko woolaleera.—1Akor 3:5-10.
MOONELE EVIIDIYU ENEERA: YEHOVA ONOWAKHELANI NYUWO, AVINYAKA MWAAKHULE MAKOHO ALA:
Etthu heeni yamukhavihere Malu ovirelela omwaattamela Yehova nnaamweera aaviriha osonttiwa?
Ntoko hiihaale yereñyaaya ni Malu, Nsalmu 34:19 [34:18, NM] onkela onimaaliha moota heeni vaavo ninvirihaahu maxupo?
Yooweereya ya Malu enoonihera moota heeni weera Yehova onnanivaha “owerya otokotoko” vaavo ninvirihaahu maxupo?—2Akor 4:7