Taani anlamulela elapo ya vathi?

BIBLYA ANAHIMA WEERA

“. . . Mòtakhaliwa nyuwo etthaya ni ephareya, niwoko Satana ohokuruwelani nyuwo ni owali otokotoko, asuwelaka weera orino ehuhu vakhaani”. — Apokalise 12:12.

“. . . ìsonihenraiye mwaana a Muluku Weera atoloxe sopanka sa nanrima.” — 1 Yohani 3:8, Biblya Exirima.

VARI WOTTHUNEYA OSUWELA YEELA

Osuwela yeela onimokhaviherani . . .

Opwanya osuwela sa sooxupa sa elapo ela ya vathi. — Apokalise 12:12.

Ororomela weera elapo ela enotxentxeya weera ekhale yoorera. — 1 Yohani 2:17.

NNOWERA TTHIRI WAAKHULELA ELEE BIBLYA ONAHIMAWE?

Aani, mwaha wa mathowa mararu:

• Omwene wa Satana ori ni mahiku owaalikeleya. Yehova ohiithanlela omaliha omwene wa Satana wowalamulela atthu. Muluku oolaihera moohipisa “omwiiva Satana” ni oreherera itthu soothesene sinanarihiwe ni yoowo. — Aheberi 2:14, Biblya Exirima.

• Muluku oomuthanla Yesu weera alamuleleke elapo. Yesu toovirikana ni mulipa oolamulela a elapo ela ya vathi. Muluku, ohoona weera: “Yesu areene mweene, anamooreleke ikharari atthu oohaawa ni owiiyeviha. Oopuheriwa ehikhanle niiyo etthenkaya.” — Nsalmu 72:13,14.

• Muluku khanootha. Biblya onnaiwanyeiha eeraka: “Khuvanwereya Muluku wootha.” (Aheberi 6:18) Yehova Muluku aikuru alayiheera sinnereya! (Yesaya 55:10,11) “Vaanano vaava mutokwene a elapo ya vathi anoomoleliwe vaate.” — Yohani 12:31.