Ohawa onomale?

BIBLYA ANAHIMA WERA

“Muluku . . . anapuputthe maithori othene a mmaithoni mwaya. Ni okhwa khorwa okhala veli nari winla nari wikhupanyera nari ovoreya khorwa okhala tho”. — Apokalise 21:3, 4, Biblya Exirima.

VARI WOTTHUNEYA OSUWELA YEELA

Niwoko . . .

Muluku khahiyene tonkumihera sonanara. — Yakobe 1:13.

Osuwela wera Muluku annona ohaawa onaniphwanya, eyo ennanimaliha. — Zakariya 2:12.

Nokhalano yooweherera wera ohaawa onomala. — Nsalmu 37:9-11.

NNOWERA TTHIRI WEMERERA ELE BIBLYA ONAHIMAWE?

Aani, mwa mathowa meeli:

• Muluku onniitta ohaawa ni sonanara. Nkuupuwelani mota Yehova Muluku onnawe vaavo atthu awe yahoxiwaya ehuhu ya khalai. Owo aanoona ovoreya. Biblya onahima wera: “Miyo kòhòna orattene ohaawa wa muloko wa atthu aka”. — Miteko 7:34, Biblya Exirima.

  Muluku khansiveliwa ni mutthu onamuhoxa mukhwawe. Mwa ntakihero, Biblya onera wera owo onniitta “matata anayeha ephome ya atthu òhittheka”. — Miruku 6:16, 17.

• Muluku onnamuthokorora mutthu ti mutthu. Khahiyene yeehuru nnasuwela ohaawa wahu, maxi-tho Yehova onnasuwela. — 2 Sowereya 6:29, 30.

  Vohilekela, Omwene wa Yehova onamalihe ohaawa wahu. (Matheyo 6:9, 10) Niwehereraka ehuhu eyo, ale enamwasa ni murima wothene, owo onnaamaaliha. — Miteko 17:27; 2 Akorinto 1:3, 4.