Atthu akhwiye anotthikela okhala akumi?

BIBLYA ANAHIMA WERA

“Enekhale evinyerero”. — Miteko 24:15, Biblya Exirima.

VARI WOTTHUNEYA OSUWELA YEELA

Niwoko natiri ola . . .

Onimoomaalihani akhwa vale munamusivela anyu. — 2 Akorinto 1:3, 4.

Onimokhaviherani ohikhala owoova okhwa. — Aheberi 2:15.

Onimovahani yoweherera ya owakhelela amusi anyu ni asikhwinyu ekhwiye. — Yohani 5:28, 29.

NNOWERA TTHIRI WEMERERA ELE BIBLYA ONAHIMAWE?

Aani, mwa mathowa mararu:

• Muluku ti Mpattuxa a ekumi. Biblya onihima wera Yehova Muluku ti “ephattuwelo ya ekumi”. (Nsalmu 36:10; Miteko 17:24, 25) Okhala wera owo tapattunxe ikumi sothene, nto onowera wahokoloxera ekumi atthu ekhwiye.

• Muluku ahavinyereriha atthu khalai. Biblya onnaahima atthu 8 alopwana ni athiyana yavinyererihiwe valaponi. Atthu akina yavinyererihiwe, yeera ekhwiyene nananoru; maxi mmoha wa yaawo aamanle mahiku maxexe akhwiye ene! — Yohani 11:39-44.

• Muluku onnatthuna vantxipale opaka yeyo. Yehova onniitta okhwa; nave-tho okhwa onniitthana okhala mwiittani. (1 Akorinto 15:26) Nto Muluku annatthuna ommaliha mwiittani ene yoowo. Muluku onrowa ovarihela muteko evinyerero wera amalihe okhwa. Owo ohinkheliwa ni atthu ekhwiye ari mmupuweleloni mwawe, ni annatthuna owona vanaaveli elapo enyowani. — Yobi 14:14, 15.