Omwene mmoha onrowa okhala mahiku ootheene

Ohiyu omoha, mwene Nabukodonosori aakhalano yooloha emoha. Yooloha ele yannamuxupa vantxipale mwene, mpaka owo khaawera okona ohiyu. Nto aahiwiitthana asuweli awe ni aaweerela: ‘Mukileele yoolohaaka.’ Nto awo yaaheera: ‘Aani pwiya! Txontte munleele toko yoolohaanyu.’ Nto Nabukodonosori aawaakhula: ‘Hooye! Nyuwo muneera mukileele yoolohaaka, naari miyo kinoowiivani ootheene nyuwosa!’ Mwene Nabukodonosori txontte! Munleele yoolohaanyu, hiiyo nnoorowa otaphulela yoolohaa anyu eyo. Nto owo aaheera: ‘Nyuwosa muneerera okiwoka! Haya, mukileele yoolohaaka.’ Eyo khenwereya pwiya. Khaavo onwera opaka eyo.

Nabukodonosori, aanyoonyiwa vantxipale ni aalamula wiiviwa alopwana ootheene oBabilonia. Eyo yaamuhela veerisani Daniyeli, Xadraki, Mexaki, ni Abedinego. Daniyeli aarowa wuuluma ni Nabukodonosori ni anvekela weera anvahe etempu vakhaaniini. Nto, Daniyeli ni asinthamwene awe yaahinvekela nikhavihero Yehova. Etthu heeni Yehova aapankaawe?

Yehova aamuleela Daniyeli yooloha ya mwene Nabukodonosori ni etthu yaataphulelaaya yooloha ele. Avinyaka, nihiku naattharelana amuleela mmoha a arumeyi a mwene eeraka: ‘Muhiwiive asuweli naari mmoha, miyo pooti otaphulela yooloha ya mwene.’ Murumeyi ole aamukuxa Daniyeli amuroihaka wa mwene Nabukodonosori. Nto Daniyeli aamweerela mwene: ‘Muluku onooleela itthu sa muhoolo. Yoolohaa tiila: Weyo pwiya wooloha ni wohoona eneneero etokotoko ni muru wa ewooru, ekakasa ni miyoono sa eparatha, erukulu ni eyuunu ya ekhoopiri, metto sa eyuuma ni manaani a eyuuma yaatakanseriwa ni oloko. Nto, naaphirikeya nluku ni naahimana ni ikuru sootheene metto sa eneneero, ntatuxaka eneneero ele okhala ntthupi. Avinyaka, yaahiwa epheyo yaakhumpe ntthupi nootheene okhwipi waya, nluku nne naakhala mwaako yoowo waakhunenle elapo yootheene.’

Avinyaka, Daniyeli aamutaphulela Nabukodonosori: ‘Muru wa ewooru wa eneneero ele, ti omwene aa. Eparatha omwene oneera orwe omwene aa ovinreene. Nto, onoowa omwene mukina onrowa okhala ntoko ekhopiri oneera olamuleleke elapo yootheene. Avinyaka onoowa omwene mukina onrowa okhala woolipa ntoko eyuuma. Omwene woomalihera onrowa okhala wookawanyeya. Iparte sa omwene owo sinrowa okhala soolipa ntoko eyuuma, nave ikina sinrowa okhala soolosowa ntoko oloko, nluku nipakeñye mwaako ti omwene wa Muluku. Omwene owo onoorowa onyaanya imwene sootheene ni owo tonrowa okhala wa mahiku ootheene.’

Aiwakaru eyo, mwene Nabukodonosori aakokhora ni aamweerela Daniyeli: ‘Muluku aa oolenle yooloha eyo. Khakhanle Muluku mukina onlikana ni yoowo!’ Ohiya omwiiva Daniyeli, Nabukodonosori aamukhaliha owo mutokweene aasuweli ootheene, ni Daniyeli aakhala kovernatore oBabilonia. Mohoona keera? Yehova aahaakhula nivekelo na Daniyeli ni asinthamwena awe!