Ohikhuwa

Etthu Yesu aapankaawe

EVIIDIYU: Yesu onnanvaha miruku mmiravo mmoha namalamulela namuhakhu

1. Moone EVIIDIYU, naari mmusome Marko 10:17-22. Avinyaka mwaakhule makoho enttharelana:

1. Mikhalelo heeni Yesu oonaawe wa mmiravo ole namalamulela?

2. Mwaha wa heeni Yesu aatthuneyaawe okhalano nsivelo ni olipa murima weera awere onvaha miruku mulopwana ole moohikhuwa?

Ntakihero na Yesu ninnixuttiha eheeni?

2. Weera niwere waakhavihera anamasoma a Biblya wunnuwihera mukhalelo aya wa omunepani, ninnatthuneya wuuluma mwa nsivelo mene-tho wuuluma moohikhuwa.

Mutthareke ntakihero na Yesu

3. Mmukhavihereke namasomaanyu a Biblya okhalano sooluluwanya ni okwanihera.

1. Nvariheleke muteko equadru eneera “Mpika” emphwanyeya va yoosoma eri poothe ya eliivuru Mukhaleno ekumi yoohimala!

2. Mmukhavihereke namasoma a Biblya woona moota aneeraawe akwanihereke sooluluwanya sawe, sa etempu ya vakhaani ni sa etempu yoowatta.

3. Mmuttottopeleke namasoma anyu a Biblya mwaha wovarihela muteko ele eri poothe anxuteraawe.

4. Mooneleleke ele emmweeriha namasomaanyu a Biblya ohunnuwihera mukhalelo awe woomunepani, ni mweerereke omukhavihera owina maxupo awo.

1. Mwiikoheke ha:

   • ‘Eheeni emmuxupa namasomaaka a Biblya wuunuwihera mukhalelo awe woomunepani mpaka opatisiwa?’

   • ‘Eheeni miyo kintthuneyaka opaka weera kimukhavihere?’

2. Nvekeleke nikhavihero wa Yehova weera ovaheeni olipa murima ni wuuluma moohikhuwa ni mwa nsivelo, mulumaka nnamasomaanyu a Biblya ni omuleela etthu owo antthuneyaawe opaka.

5. Mweemexereke soosoma sa Biblya sihinkela vahoolo.

1. Weera musuwele namasomaanyu a Biblya onnakela vahoolo mwiikoheke ha:

   • ‘Neereke namasomaaka a Biblya onnavarihela muteko ele onsomaawe?’

   • ‘Owo onnoonela mithukumano ni onnuuluma ikhaikhai sa mBiblyani ni atthu akina?’

   • ‘Yoovira etempu amuxutteraka Biblya neereke owo onnatthuna okhala Namoona a Yehova?’

2. Wakhala weera namasomaanyu a Biblya khanoonihera weera onnatthuna okela vahoolo, munvekeleke weera ooleeleni etthu emmootxeeliha okela vahoolo.

   • Munvekeleke weera owo upuwele ni ooleeleni etthu emmotxeeliha okela vahoolo.

   • Mmuleeleke moomureerela murima mwaha wa heeni nyuwo mweemexenraanyu yoosoma ya Biblya.

   • Mmuleeleke etthu heeni owo ontthuneyaawe opaka, akhala weera onnatthuna otthikela omusoma Biblya.