Atthu oolipa moomunepani ennapaka soothanla mwa miruku

Musome Ephattuwelo 25:29-34 weera musuwele waari weera Esawu ni Yakobe yaapaka soothanla sooreera.

Muxuttere ni itthu seereya. Eheeni yeereñye woopatxerani? (Eph. 25:20-28) Eheeni yeereñye muhoolo mwaya? — Eph. 27:1-46.

Muxuttere ni mikhalelo. Etempu ene yeele, itthu heeni mwaana oopatxera aatthuneyaawe opaka ni idireito heeni aaraaweno? — Eph. 18:18, 19; w10-T 1/5 epaax. 13.

• Neereke mutthu waatthuneya okhala oopatxera oyariwa weera akhale muhavinre a Mesiya? (w17.12-T epaax. 14-15)

Muupuwele itthu muxuttenraanyu ni moota woovarihela muteko. Mwaha wa heeni eparakha yookhala oopatxera oyariwa yaaraaya yootepa otthuneya wa Yakobe opwaha wa Esawu? (Aheb. 12:16, 17; w03-T 15/10 epaax. 28-31) Yehova aamoonela hayi Yakobe ni Esawu, ni mwaha wa heeni? (Mal. 1:2, 3) Etthu heeni Esawu aatthuneyaawe opaka weera apake yoothanla yooreera?

• Mwiikoheke ha, ‘Moota heeni miyo kineeraaka koonihere weera omukokhorela Yehova etthu yootepa otthuneya mweekumini mwaka kivarihelaka nnene etempu eriyari ya esemana ni ompaka programa a okokhorela veemusini?’