Mwaaleeleke atthu akina etthu muxuttenraanyu

Yoosoma yoomeekha pooti onlipiha, menento pooti onlipiha vantxipale wakhala weera ninnaaleela atthu akina itthu soomunepani niphwannyaahu. Miruku 11:25 oneera: ‘Ole onaahakalaliha atthu akina anaahakalalihiwe-tho.’

Vaavo nnaaleelaahu atthu akina ele nxuttenraahu, hiyo ninniiwexexa nnene ipontu nisommaahu ni onnakhala wookhweya wuupuwelela. Opwaha mwa yeeyo, waaleela itthu soomunepani atthu akina onnaniphwanyiha ohakalala mwaha wooweera, noosuwela weera itthu iyo pooti waakhavihera. — Mit. 20:35.

Mweerere opaka ela: Esemana enttharelana, nwehexexeke iparakha munrowaanyu okhalano weera mmuleele mutthu etthu nyuwo muxuttenraanyu. Pooti okhala mutthu a veemusini vanyu, a mmulokoni, koleeka anyu a omutekoni naari a oxikola, viziinyu anyu naari mutthu mumphwannyaanyu mmutekoni moolaleera. Mweerere omuleela etthu muxuttenraanyu nvarihelaka muteko masu anyu mwa mukhalelo wookhweya ni moowiiwanyeya.

Muupuwele ela: Yoolakela anyu vaavo munaaleelaanyu atthu akina ele muxuttenraanyu, ori waalipiha, khaiyene oweeriha atthu akina wootikhinani. — 1 Akor. 8:1.