Munna Musya Oniirela Mpantta Nikhuuru Noolamulela
Namararu voosisu, nihiku 5 mweeri wa Setembro 2012, waahilaleiwa muhupi eBetheli ya wEstados Unidos ni oCanada, wira oohincereriwa munna mmosa a Nikhuuru Noolamulela na Anamoona a Yehova. Nihiku 1 na Setembro, Mark Sanderson aahipacerya orumeela vamosa ni Nikhuuru Noolamulela.
Munna Sanderson ohuuwale oSan Diego, oCalifonia, E.U.A., ni anamuyari maKristau, nto owo obatiziwe nihiku 9 na Feverero 1975. Nto aahipacerya muteko wa opioneero oSaskatchwan, oCanada, nihiku 1 na Setembro 1983. Mweeri wa Dezembro 1990, wEstados Unidos aahimmaliha kursu a 7a tuurma ya Escola de Treinamento Ministerial, (vano eniihaniwa Escola Bíblica para Irmãos Solteiros, [Exikola ya Biibiliya ya Anna Oohithela]). Munna Sanderson aahithanliwa orumeela ntoko pioneero a vameekhaawe esisiro ya Newfoundland, oCanada mweeri wa Abril 1991. Nuumala orumeela ntoko mulipa-oomuranttela mutokweene onixukurya miloko, owo aahilattuliwa orumeela oBetheli ya oCanada mweeri wa Feverero 1997. Novembro 2000, aahiroihiwa oBetheli ya wEstados Unidos, wira avareke eDepartamento Enivaha Malakiheryo a Ixipitali, muhoolo mwaya anavara eDepartamento ya Muteko.
Setembro 2008, munna Sanderson, aahirowa exikola ya axitokweene a Ekomisau ya Efiliyaali, nto nuumala-vo aahithanliwa wiirela mpantta Nikhuuuru na Ekomisau ya eFiliyali oFilipina. Setembro 2010, aahilattuliwa otthikela wEstados Unidos wira arumeeleke ntoko namakhaliherya a Ekomisau ya Muteko ya Nikhuuru Noolamulela.
[Elatarato epaaxina 26]
[Ekaaxa epaaxina 26]
Nikhuuru Noolamulela na Vano
Okhuma eliinya ya ottuli, moono woothiyana orowa moono woolopwana: D. H. Splane, A. Morris III, D. M. Sanderson, G. W. Jackson, M. S. Lett. Eliinya ya ohoolo, moono woothiyana mpakha moono woolopwana: S. F. Herd, G. Lösch, G. H. Pierce. Anna otheene a Nikhuuru Noolamulela ari maKristau oowoottihiwa.
[Elatarato]